Zaburi 140:9 - Kifuliiru

⁹ Aahago! Utaleke kwo banangora-mabi bagire nga kwo baloziizi. Kiri neꞌshungi zaabo mbi, ukizi ziyita. Buzira kwokwo, hali ikyanya bangayiji yikangaata.

Zaburi 140:9 ပူးပေါင်းရင်းမြစ်များ

Hesiteeri 5:14

Uyo mukaage Zereeshi, kuguma na yabo biira baage booshi, banamúbwira: «Aaho! Uyubakiise ikimaniko kila, íkihiiti ikimango kyeꞌmeetere makumi gabiri na zibiri. Kusheezi, wangazinduka imwa mwami, unahuune mwami kwo Moredekaayi akimanikwe kwo, ubuli genda na mwami ku lusiku lukulu, ukoli shambiiri.» Yizo shungi, zanashambaaza Hamaani, anagiriisa ikimaniko.

Hesiteeri 7:10

Kwokwo, Hamaani anakimanikwa kwo, kundu âli mali gwanwa akilingaaniza Moredekaayi. Ikyanya Hamaani akaba keera afwa, uburaakari bwa mwami bwanahooha.

Zaburi 64:8

Kundu kwokwo, Rurema agayami balasha imyambi, halinde banayibumbulike haashi.

Zaburi 7:16

Yabo banabibeesha, bali mu ba nga bayihumbira ikishimo kila. Haliko, hanatame boonyene banayiji kiyihongoleka mwo. Kwokwo, kwo bali mu kizi yikululira umwama.

Zaburi 94:23

Yabo babi, ikyanya bali mu yifunda mu byaha, Rurema ali mu bayihoola. Ee ma! Bwo bali mu kizi gira íbitali nga byo, Rurema Nahamwitu agaki baminika, halinde batanaki be ho.

Migani 10:11

Umundu úkwaniini, amagambo gaage gali mu leeterana ubugumaana, nga shyoko yaꞌmiiji. Si amagambo ga nangora-mabi, gali mu yitana.

Migani 10:6

Ngiisi ábakwaniini bali mu gashaanirwa bweneene. Si banangora-mabi boohe, mu magambo gaabo mubishamiri ubwitani.

Migani 12:13

Banangora-mabi, ikyanya bali mu deta amabi, gali mu yami bagwata. Si umundu mwija yehe, ali mu yiyeka naꞌmakuba.

Migani 18:7

Ngiisi byaꞌbahwija bali mu deta, byo biri mu basherebeza. Ee! Amagambo gaabo boonyene gali mu batega.

Mataayo 27:25

Balya booshi, ti: «Umuko gwage, gukizi ba ku matwe giitu, kiri na ku gaꞌbaana biitu!»

Bukengeeze 32:27

Haliko nꞌgayoboha kwaꞌbagoma baabo baganjekeereza. Banganakengeera bayiteba, ti: ‘Nahano atali ye kabaminika, Si twe tukabahima.’