Zaburi 128:3 - Kifuliiru

³ Mu nyumba yawe, mukaawe agakubutira abaana bingi, nga muzabibu úgutongesiri kweꞌbitumbwe bingi. Bagala biinyu, ikyanya bagaaba babwatiiri ku kashasha, bagakuleetera amiija, nga shibwe zeꞌmizehituuni.

Zaburi 128:3 ပူးပေါင်းရင်းမြစ်များ

Ndondeko 49:22

«Yusefu alyagagi nga kitombo íkiri ha butambi lyeꞌshyoko, kinajoojesiri bweneene. Amatavi gaakyo, gali mu yajabuka, halinde ganasooke ikyogo.

1 Kutondobola 8:40

Uyo Hulamu, bagala baage bâli bikalage bweneene biꞌzibo, banâli bikalage mu kufwora umuheto. Âli busiri abagala naꞌbijukulu bingi. Umuharuuro gwabo, bâli igana na makumi gataanu. Yabo booshi, bâli ba mwiꞌkondo lya Binyamiini.

Zaburi 127:3

Bagala biitu, bulyagagi buhyane ukulyoka imwa Nahano. Yenyene ye mu tuheereza abaana, bibe bihembo.

Zaburi 127:5

Ee! Ahiriirwi, ngiisi yoꞌludaha lwage lugiyijwiri mwo. Uyo mundu, ikyanya âye buulane naꞌbagoma baage kwiꞌrembo lyaꞌkaaya, atâye kakazibwe.

Zaburi 144:12

Abatabana biitu, ikyanya bakiri misore, bagaakula bwija, nga mbuto íziri mu ndalo. Abanyere biitu, bagakizi limbiisibwa, nga nguliro mu kajumiro.

Zaburi 52:8

Yibyo byoshi, ikyanya abandu bagabibona, bagayoboha Rurema. Ha nyuma, banakushekeereze kwokuno:

Yeremiya 11:16

«Yaho kare, bwo bâli kizi tongeka kweꞌbitumbwe biija, nâli kizi deta kwo bashushiini noꞌmuzehituuni úgudoohiri. Aaho! Kwokwo buno, ngola ngabalungikira abagoma badali-daali, halinde birya byasi byoshi íbidoohiri, babisingoole, kiri naꞌmatavi.

Hezekyeri 19:10

«Uyo nyoko, âli riiri nga muzabibu mu ndalo, úgwâli byazirwi haꞌmiiji. Yugwo muzabibu, ikyanya gukakizi longaga amiiji, gwanatongeka kweꞌbitumbwe bweneene.

Barumi 11:24

Wehe, ukakoonyolwa ku kiti kyoꞌmuzehituuni kya mu kishuka. Wanayiji nanikwa ho utakamera ku kiti kyoꞌmuzehituuni kya mu ndalo. Aahago! Ka itali yo haahe kwo boohe, bangashubi nanikwa haaho-haaho ku kiti kyeꞌmwabo!