Zaburi 12:3 - Kifuliiru

³ Abandu booshi, kundu bali mu kizi lembuusania, si balyagagi banabibeesha, banali balyalya.

Zaburi 12:3 ပူးပေါင်းရင်းမြစ်များ

Migani 18:21

Amagambo goꞌmundu gashobwiri ukukizania, kandi iri ukuyitana. Ngiisi ábali mu siima ukudeta-deta, bali mu yikululira umwama.

Bwigule 13:5

Kirya kirara, kyanahanguulwa ukukizi yidundulika, noꞌkukizi tuka Rurema. Kyanahanguulwa na kwo kihise imyezi makumi gana niꞌbiri kitwaziri.

Danyeri 7:8

«Yago mahembe, iri nꞌgaba ngi gweti ngagayitegeereza, nanabona ihindi hihembe higweti higazununuka ha kati kaago. Yihyo hihembe, hyanakuula amahembe gashatu. Hyâli hiiti amasu nga ga mundu. Na mu kanwa kaahyo, mwâli kizi huluka amagambo goꞌbwikangaate.

Zaburi 17:10

Si balya banakuhambwa batahiiti ikimino, banayamiri bagweti bagayikangaata naaho!

Yuda 1:16

Yabo bandu babi, bali mu lukumba, noꞌkuyidodomba. Bayamiragi bali mu yifunda mu byaꞌmifwije gaabo mabi. Banali mu yihaya, iri banakizi vugiiriza abaabo, mu kubalyeryega.

2 Peturu 2:18

Balya babi, bali mu ravwanga amagambo, mu kuyihaya. Bali mu deta-deta amagambo goꞌbweruzi, mu kushubi tiza ábaki lyosiri mu mahube.

Malaki 3:13

Nahano adetaga kwokuno: «Si keera mwanduka bweneene! Na niinyu, ti: “Kutagi kwo tukakutuka?”

Danyeri 7:25

Anakizi yihaya, iri anatuka Rurema úli hiꞌgulu lya byoshi, anakizi libuza ábayemiiri Rurema. Anagire mbu ahindule imaaja, kuguma neꞌsiku zaabo ngulu, kundu byâli mali biikwa. Yabo bemeera, agayami bagwata imbira, anabamalane imyaka ishatu neꞌmyezi ndatu.

Hezekyeri 29:3

Umúbwire kwo nie Rurema Nahamwinyu nadetaga kwokuno: E mwami weꞌMiisiri! Ngolaga mugoma wawe. Si ukola nga ngoona ígwejiri mu lwiji Niire! Unagweti ugayikangaata, ti: Luno lwiji luli lweꞌmwani! Mukuba nie kalubiika kwo lube ho.

Hezekyeri 28:9

Aahago! Ikyanya bagaaba bakoli gweti bagakuyita, ka ugashubi yihaya, mu kudeta kwo uli woꞌkuyikumbwa? Ikyanya bagayiji kuyita, ugayibona kwo uli mundu ngana, utanakwiriiri ukuyikumbwa!

Hezekyeri 28:2

«E mwana woꞌmundu, ubwire mwami weꞌTiiro kwo nie Rurema Nahamwabo nadetaga kwokuno: “Si ugweti ugayikangaata bweneene, iri unayihaya, ti: ‘Niehe nie woꞌkuyikumbwa! Ngoli bwatiiri ku kitumbi kya íbiri mu yikumbwa, kinali ha kati keꞌnyaaja.’ Kundu ugweti ugayidundulika kwo we woꞌkuyikumbwa, si ulyagagi mundu ngana, utanali wa kunyigereera.

1 Samweri 2:3

Yukwo kuyihaya kwinyu, mukutwikirage kwo, mutanakizi deta ku bwikangaate. Si Nahano, ye Rurema, anali ye yiji byoshi, ye nali mu gera imikolezi ya ngiisi mundu.

Kulyoka 15:9

Uyo mugoma ashuba mu yihaya, ti: “Ngabakulikira, halinde mbabindike. Na ngabe neꞌbindu byabo, halinde inyoota imale. Ee! Tugayomola ingooti ziitu, halinde tunabaminike naꞌmaboko giitu.”

Hisaaya 10:10

Abandu ba yago maami gooshi, si bâli hiiti imigisi ya kahebuuza, ukuhima imigisi yeꞌYerusaleemu, na yeꞌSamariya! Kundu kwokwo, keera nꞌgabaminika booshi.

Hayubu 32:22

Si iri hangagira ye ngakundirira, Umulemi wani agambindikira.»

Zaburi 55:22

Kundu amagambo gaage gali ga kulembuusania, si mu mutima gwage, muyijwiri naaho inzaliro zoꞌkukizi teerania. Amagambo gaage, kundu gali mu nozania nga mavuta, si gali mu yiji kerana nga ngooti.

Zaburi 116:11

Na bwo nâli koli shengusiri, nanadeta: «Si abandu booshi, balyagagi banabibeesha naaho!»

Zaburi 140:12

Ngiisi ábali mu beesha, utabaleke kwo bakizi genduukirwa mu kihugo. Kiri naꞌbiitani, bakizi shereezibwa.

Migani 26:24

Umunamujina ali mu koleesa magambo miija, mu kubwikira umujina gwage. Si mu mutima gwage, ali mu bisha ubulyalya!

Hisaaya 59:4

Kiri neꞌkyanya muli mu buulana, muli mu kizi beesha-beesha naaho. Muli mu banganizania amagambo goꞌbusha-busha. Munayamiri mushungisiri ukukola amabi, iri munagayushuula kwaꞌgandi.

Yeremiya 9:8

Aahago! Abandu mwene yabo, ka ndakwiriiri mbahane? Ee ma! Ngwiriiri mbayihoole.» Kwokwo, kwo Nahano adesiri.

Yeremiya 12:6

Si na beene winyu, kiri naꞌbeꞌmbaga yawe, bali mu kutanga mu bagoma, banali mu kuyamiriza, ti yuhuu! Balya bandu, kundu bagweti bagakulyeryega, hatagire ye ugayemeera!»