9 Umukazi, kundu angaba agumbiri, haliko Rurema ali mu múshambaaza mu nyumba yage, anamúheereze abaana. Tukizi huuza Nahano!
Na bwo Rebeka âli gumbiragi, kyanatuma Hisake agamúhuunira imwa Nahano. Galya mahuuno gaage, Nahano anagashuvya, Rebeka anaheeka inda.
Kundu kwokwo, ulya mukazi anaheeka inda. Na ku kyekirya kyanya mu gundi mwaka, anabuta umwana, nga kwo Hirisha âli mali gwanwa amúbwira.
Nahano adetaga kwokuno: «E Yerusaleemu, ugirage ushambaale. Kundu ulyagagi nga ngumba útazindi buta, na kundu utazindi yuvwa umukero gwoꞌkubuta, haliko ubande akabuuli, awi yiyi yiyi! Kundu uli ngoꞌmukazi úkakorora, haliko we gaaba naꞌbaana bingi ukuhima nakiriri!»
«Halikago, uyo mukazi, iri angaba atayiyulubaziizi, agaaba ali shululu, anakizi longa ukubuta.
Mukuba, biyandisirwi mu Mandiko Meeru kwokuno: «E ngumba, we tazindi buta! Ugire naawe ushambaale! Kundu utazindi yuvwa umukero gwoꞌkubuta, unabande akabuuli, awi yiyi yiyi! Mukuba, umukazi úkakorora, ye gaaba naꞌbaana bingi ukuhima nakiriri.»
Balya ábâli yigusiri, buno bakola mu kolerana, mbu lyo balonga byo bagaalya. Si ábâli shalisiri boohe, buno bakoli yigusiri. Úshuba ngumba, keera abuta abaana balinda. Si ulya útágweti abaana bingi, akola kiguli-guuli.