Zaburi 100:3 - Kifuliiru

³ Mumenye kwo Nahano ye Rurema. Ye katubumba, tunali beꞌmwage. Ee! Tuli bandu baage, tunali nga bibuzi bya mu ndagiriro yage.

Zaburi 100:3 ပူးပေါင်းရင်းမြစ်များ

2 Baami 19:19

«E maashi Rurema, Nahamwitu, buno, utukizagye mu maboko ga Senakeribu, gira abandu baꞌmaami gooshi bamenye bwija kwo wenyene naaho we riiri ho. Bamenyage kwo we Nahano Rurema.»

1 Kutondobola 16:14

Nahano, ye Rurema witu. Kiri na mu mahanga gooshi, ye mu twa mweꞌmaaja.

Hayubu 10:3

Ikyanya uli mu ndibuza, uli mu yunguka biki? Kituma kiki uli mu ndahira, na wenyene we kambumba? Si banangora-mabi boohe, ikyanya bali mu gira igambi libi, uli mu siima!

Zaburi 119:73

Wenyene ukambumba naꞌmaboko gaawe. Aaho! Umbeereze ubwitegeereze, halinde ngizi yiga imaaja zaawe.

Zaburi 12:4

Bagweti bagakizi yikangaata, iri banahenderezania. Banali mu deta: «Tugakizi beesha ngana, halinde lyo tuhima. Nyandagi úwangaki tuhangirira? Tukizi deta naaho ngiisi kwo tuloziizi.» E Nahano, balya booshi, ubagire bahulike, shee!

Zaburi 149:2

E Bahisiraheeri, keera akamùbumba. Kwokwo, mukizi múshambaalira. Abandu beꞌSayuni, bakizi shagalukira umwami wabo.

Zaburi 46:10

Agweti agaamala izibo, halinde ukuhisa haꞌmahanga gooshi gahekiiri. Agweti agavuna imiheto, wa koto! Naꞌmatumu, ali mu gajajagula. Kiri neꞌsiribo, ali mu zisiriiza.

Zaburi 78:52

Ha nyuma, Rurema anarongoora abandu baage nga bibuzi, mu kubalyosa i Miisiri, halinde mwiꞌshamba.

Zaburi 79:13

Twe bandu baawe, tuli bibuzi bya mu ndagiriro yawe. Tugakizi kuyivuga imyaka neꞌmyakuula, halinde ku bibusi byoshi.

Zaburi 95:3

Nahano, ye Rurema yenyene, anali mukulu bweneene. Ye mwami úkuliiri bweneene abandi ábali mu yikumbwa booshi.

Kulyoka 6:7

Kwokwo, mugayama muli bandu baani. Naani, na mbe Rurema winyu. Haaho lyo mugaamenya kwo nie Nahano, Rurema winyu, na kwo nie kamùlyosa mu buja i Miisiri.

Mwigiriza 12:1

Ukizi kengeera Umulemi wawe, kiri neꞌkyanya ukiri mwanuke. Ee! Ukizi múkengeera ku kyanya isiku mbi zitazi hika. Mukuba, ikyanya imyaka igalengerana, ugayiji deta: «Ukutuula ho, kutakiri mu njambaaza.»

Hisaaya 63:11

Iri hakatama, yabo Bahisiraheeri banakengeera ngiisi kwo Rurema akagira yaho keera, mu siku za Musa. Banakizi yibuuza: «E balya, si Nahano ye kajabula Abahisiraheeri inyaaja, kuguma neꞌbirongoozi byabo! Aaho! Buno, alyagagi hayi? Si ye wâli kizi biika Umutima gwage Mweru mu kati kaabyo!

Hisaaya 63:19

tunakoli tuuziri nga bandu bo utazindi twala, kiri neꞌhiniini. Tunakolaga nga bandu ábatazindi menyeekana kwo tuli bandu baawe. Twangasiimiri kwo ubere igulu, unashonookere hano mu kihugo. Si imigazi yangajugumbana imbere lyawe!

Hisaaya 64:7

Kundu kwokwo, e Nahano! Si we Daata! Tuli ngiꞌbumba. Naawe uli mubuuvi. Tweshi, we katulema naꞌmaboko gaawe.

Yeremiya 10:10

Kundu kwokwo, Nahano naaho, ye Rurema woꞌkuli. Yehe, ye Rurema úli mugumaana, anali ye mwami weꞌmyaka neꞌmyakuula. Ikyanya ali mu raakara, ikihugo kiri mu yami jugumbana. Yubwo buraakari bwage, ibinyamahanga bitangabuyigenderera.

Hezekyeri 34:11

«Ee! Nie Rurema Nahamwinyu nadetaga kwokuno: Niehe nienyene, ngashakula ibibuzi byani, na ngizi bikuya-kuya.

Yohana 17:3

«Yubwo bulamu bweꞌmyaka neꞌmyakuula, bwo bwobu: bakumenye, kwo we Rurema nirizina. Bamenye na Yesu Kirisito, ulya ye ukatuma.

2 Bakorindo 4:6

Rurema akadeta: «Umulengeerwe, gutanguule mu kihulu!» Ye na yoyo ye katanguula mu mitima yitu. Kwokwo, tukoli yiji hiꞌgulu lyoꞌbulangashane bwage, kwo buli ku malanga ga Kirisito.

Bahefeso 2:10

Rurema ye katuhindula, halinde twanaba nga ngiisi kwo tukola. Mu kati ka Yesu Kirisito, akatugira tube bandu bahyahya, halinde lyo tulonga ukukizi gira imikolezi miija, nga kwo âli mali gwanwa ashungika.

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Bukengeeze 32:6

Muli bandu bahwija, munakoli sirehiri, Aaho! Ka kwokwo, kwo mugakizi kolera Nahano? Aaho! Ka Nahano atali ye yisho? Ka atanali ye kamùbumba, anamùsikamya?

Bukengeeze 4:35

«Yago magambo, mwehe mukagashaanirwa ukugabona. Kwokwo, lyo mulonga ukusobanukirwa kwo Nahano ye Rurema, na kwo ndaaye gundi úwangayikumbwa.

Bukengeeze 4:39

«Ku yukwo, mukengeere zeene, munasingulage mu mitima yinyu, kwo Nahano ye Rurema úli mwiꞌgulu, ye na tuuziri mu kihugo. Ndaaye gundi úli ho.

Bukengeeze 7:9

«Ku yukwo, mumenye kwo Nahano naaho, ye Rurema woꞌkuli. Ikyanya abandu bali mu ba bamúsimbahiri, kuguma neꞌmaaja zaage, naye ali mu ba asimbahiri ikihango kyage mu kati koꞌrukundo, halinde ukuhisa ku bibusi kihumbi.

1 Peturu 2:25

Mwâli riiri nga bibuzi íbyâli habusiri. Haliko buno, keera mukagalukira imwoꞌMungere weꞌmitima yinyu. Anali ye Mulaazi wayo.

1 Peturu 2:9

Haliko mwehe, Rurema keera akamùtoola, anamùhamagala kwo mulyoke mu kihulu, munayingire mu mulengeerwe gwage gwaꞌkahebuuza. Na buno, mukolaga bandu baage. Mukola bagingi mu bwami bwage, munakola mulala mutaluule. Kwokwo, mukwaniini mukizi múhuuza.

1 Peturu 4:19

Kwokwo, iri abandu bangalibuzibwa ukukulikirana noꞌbulooze bwa Rurema, bakwiriiri bayihangaane mu kukizi gira amiija. Banayisikiirize mu maboko gaage. Mukuba, ye kababumba, anali mwemeera.

1 Yohana 5:20

Tuyiji kwakundi kwoꞌMwana wa Rurema keera akayija, anatuheereza ubumenyi, gira lyo tulonga ukumenya Rurema nirizina. Na buno, tukoli tuuziri mu kati kaage, bwo tukoli tuuziri mu kati koꞌMwana wage Yesu Kirisito. Yehe ye Rurema nirizina. Anali ye ryagagi mwoꞌbulamu bweꞌmyaka neꞌmyakuula.