Zaburi 10:9 - Kifuliiru

⁹ Ali mu ba ayiteziri nga ndare, gira agwate ábatashobwiri. Agweti agabagwasa mu mutego gwage, anabatwale.

Zaburi 10:9 ပူးပေါင်းရင်းမြစ်များ

Hayubu 38:40

Yizo ndare, ka wangazibisha mu mihobo yazo? Kandi iri, ka wangazigwejeza ha butambi lyeꞌnjira, gira zitegeere heꞌnyamiishwa?

Zaburi 109:31

Mukuba, ye mu bulanira umukeni. Neꞌkyanya umukeni ali mu twirwa ulubaaja kwo ahanwe, Nahano ali mu ba ibiringiini ukumúkiza.

Zaburi 140:5

E Nahano, balya banangora-mabi, si balyagagi noꞌbushobozi! Aaho! Ukizi ndanga, ndatibukire mu maboko gaabo. Bwo bali mu komeresania, ukizi ndangaga, maashi! Si bakoli shungisiri ukundeedeka haashi!

Zaburi 17:12

Bakola nga ndare íyuvwiti ishali, inagweti igahiiva byo igaalya. Bali nga ndare ígweti igategeera ikitugwa, gira ikiyite.

Zaburi 35:10

Ngayiberekaania kwiꞌzu kwokuno: «E Nahano, nyandi uli nga we? Si we mu kiza umukeni mu banamisi. Uyo mukeni, kundu angaba atashobwiri, haliko, uli mu múlyosa mu banyazi.»

Zaburi 37:14

Balya banangora-mabi bagweti bagayomola ingooti, iri banafwora neꞌmiheto, gira bayite abakeni, balya ábatashobwiri, banaminike kiri naꞌbandu ábakwaniini.

Zaburi 59:3

Si balyagagi banakuhambwa, banali mu yitana! Kwokwo ubangize mwo.

Migani 14:31

Umundu, iri angavindagaza umukeni, iri agayiriza na úkamúbumba. Si ngiisi úwangatabaala úgoozirwi, iri asimbahiri na Rurema.

Migani 22:16

Ngiisi úli mu tindimaza umukeni, mbu lyo agala, na úli mu tuula abagale, bombi, bagahambiri kena.

Migani 28:15

Nangora-mabi, ikyanya ali mu twala ábatashobwiri, ali mu ba nga ndare ígweti igalunduma, anali nga kishokoma íkigweti kigaganga.

Hisaaya 3:15

Aahago! Kituma kiki mugweti mugavindagaza abandu baani, halinde banabe banakahuku?» Kwokwo, kwo Nahano Rurema woꞌbushobozi bwoshi adesiri.

Hisaaya 32:7

Balya banangora-mabi bagweti bagateberezania. Kundu abakeni bangaba bo bakwiriiri ukulonga ukuli kwabo, yabo babi boohe, bali mu babangaaniza, lyo babanyage ibindu byabo.

Yeremiya 5:26

Yoho wee! Si mu bandu baani, muli mwo banangora-mabi! Yabo babi bagweti bagatega abaabo, nga kwoꞌmuhiivi ali mu tega utunyuni.

Kimombo 3:10

Nahano âli yibishiri ha butambi lyeꞌnjira, nga dubu, kandi iri nga ndare, gira akayiji ndeera.

Hezekyeri 22:29

Kiri naꞌbagunda bagweti bagakizi gungana, iri banazimbana. Bagweti bagakizi nyukula ibya bakeni ábatashobwiri. Banagweti bagagunga kiri neꞌbinyamahanga, buzira kuyiyubaara.

Hamoosi 3:4

Indare nayo, itali mu lunduma mu kishuka, ítazi yita inyamiishwa. Itanali mu bwija mwiꞌbundo, ítazi longa byo igaalya.

Mika 7:2

Yabo booshi ábâli simbahiri Rurema, batakiri ho. Mu kihugo kyoshi, mutakiri mundu mwija. Si abandu booshi bakola mu yitana. Banagweti bagakizi tegana umubashu.

Habakuki 1:15

Si balya banangora-mabi, bali mu gwasa abandu kwiꞌgera, banabakululire mu njenga zaabo. Ha nyuma, banashambaale, ti awi yiyi yiyi!

Habakuki 3:14

Yabo bagoma, ikyanya bâli tuyijiiri, kwo batushaabule, emwe! Bâli kasinge-singe nga kihuhuuta. Banâli toniri kwo bagahikiri tuminika, nga ábayiji nyomboola abakeni. Kundu kwokwo, ukakoleesa amatumu gaabo, mu kutumita ikirongoozi kyabo mwiꞌtwe.

Zakariya 11:3

Yuvwi ngiisi kwaꞌbangere bagweti bagabululuka, bweꞌndagiriro zaabo keera zasherebera. Yuvwi na ngiisi kweꞌndare zigweti zigalunduma, bweꞌbishungu-shungu byazo íbishuba ku ndekeera yeꞌYorodaani keera byayanuuka.

Yohana 10:12

«Halikago, umungere woꞌkulola naaho ku mbembo, yehe atali ye mungere nirizina. Neꞌbibuzi, bitali byeꞌmwage. Ikyanya ali mu bonaga imirunga igweti igayija, anayami bijandirira, anayipuumukire, halinde imirunga inabiyilale mwo, inabishaabule.

Mikolezi 23:21

Haliko e waliha, utayemeere! Si hali Abayahudi ábatambusiri makumi gana bakoli yitegiiri Pahulu mu njira, gira ikyanya agalenga mwo, bakamúyite. Keera banakitwa kwo batagaalya, batagananywa, bátazi múyita. Aaho! Buno, keera bayitegaanura. Bakoli lindiriiri naaho ubayemeerere.»