Yuheeri 3:4 - Kifuliiru

⁴ Izuuba ligahindukaga kihulu. Noꞌmwezi gugadukula nga muko. Yibyo byoshi, byo bigatee koleka, ikyanya ulusiku luhamu lwa Nahano lutazi hika, lunali lweꞌkihuumula.

Yuheeri 3:4 ပူးပေါင်းရင်းမြစ်များ

2 Kutondobola 21:16

Mu Bafirisiti naꞌBaharaabu, baguma bâli bibikiinwi naꞌBahendyopiya. Kwokwo, Nahano anabaraakaza, gira bayiji lwisa mwami Yoramu.

Hisaaya 14:29

Mwe Bafirisiti mweshi, mwami weꞌHasuriya âli kizi mùkubula ingoni. Uyo mwami, kundu keera akashaajaga, haliko mutashambaale. Si umwana wage agabihuukaga ukuhima yishe. Ee! Mu mutumba gweꞌkihoma, mwo mugavyuka ikindi kikayu. Yikyo kindi, kinabe naꞌmanjoka-njoka, kinakizi mùkoma.

Hisaaya 34:8

Lwolwo lusiku, lwo Nahano agayihoolaga kwo. Ee! Mu gwogwo mwaka, lyo agayihoola abagoma beꞌSayuni.

Hisaaya 59:18

Mu kugira kwokwo, lyo agaahana abagoma baage, nga kwo bibakwaniini, kiri na ábatuuziri i mahanga. Ee! Ngiisi ábamúshombiri, agabarakarira.

Yeremiya 47:1

Ikyanya mwami weꞌMiisiri atâli zaazi teera akaaya keꞌGaza, Nahano anabwira Yeremiya hiꞌgulu lyaꞌBafirisiti kwokuno:

Yeremiya 47:4

Ikyanya kyoꞌkuminika kwaꞌBafirisiti, keera kyahika. Abandu beꞌTiiro naꞌbeꞌSidooni, kundu bali mu bashiga, si nabo booshi bagaminikirwa kuguma. Ee! Yabo Bafirisiti booshi, Nahano agabaminika ngana, kiri na ábasigiiri mu kalira keꞌKereete.

Yeremiya 51:6

Ngiisi mundu ashaagage i Babeeri, gira alonge ukuyikiza. Mutasigalage yo, mbu muyitirwe kuguma naꞌbanabyaha. Mukuba, kikola kyanya kyoꞌkubahaniiriza. Ee! Nahano agabahaniiriza, nga ngiisi kwo bibakwiriiri.

Yuheeri 2:10

Ikyanya biri mu yegeera, idaho liri mu yami jugumba, di-di-di! Kiri niꞌgulu, liri mu lenga mweꞌkinyukura. Izuuba noꞌmwezi, binazinge ikihulu, Kiri neꞌndonde, zinayami zima.

Yuheeri 2:2

Yulwo lusiku, luli mweꞌkihulu kya namudidi, lunali lweꞌbibungu bizito. Aaho! Langiizi ngiisi kweꞌkiso kihamu kyeꞌbizimu kiri mu hika. Kigweti kigayija ngana, nga kwiꞌzuuba liri mu tunduuka shesheezi. Yibyo bizimu, biri kandaharuurwa, binali neꞌmisi bweneene. Yiryo igambo, litazindi boneka, litanâye shubi boneka!

Mataayo 11:21

«Yayewe imwawe, e kaaya keꞌKoraziine! Yayewe neꞌmwawe, e kaaya keꞌBetesahida! Birya bitangaaza byo nâli kizi gira imwinyu, íngibigirire mu kaaya keꞌTiiro na mu keꞌSidooni, nga bandu beꞌyo munda keera bakayambala ubusanganira, banayishiige noꞌmunyota-kiiko, mu kuyerekana kwo keera batwikira ku byaha byabo.

Mataayo 11:22

Namùbwiraga kwo ku lusiku lwoꞌkutwa kweꞌmaaja, kiri neꞌkihano kyaꞌbandu beꞌTiiro naꞌbeꞌSidooni, kitagaaba kikayu nga kyeꞌmwinyu!

Luka 10:13

«Yayewe imwawe, e kaaya keꞌKoraziine! Yayewe neꞌmwawe, e kaaya keꞌBetesahida! Birya bitangaaza byo nâli kizi gira imwinyu, íngibigirire mu kaaya keꞌTiiro na mu keꞌSidooni, nga bandu beꞌyo munda keera bakayambala ubusanganira, banayibwandalike mu munyota-kiiko, mu kuyerekana kwo keera batwikira ku byaha byabo.

Luka 10:14

Ku yukwo, ku lusiku lwoꞌkutwa kweꞌmaaja, kiri neꞌkihano kyaꞌbandu beꞌTiiro, naꞌbeꞌSidooni, kitagaaba kikayu, nga kyeꞌmwinyu!

Luka 18:7

Kiri naꞌbandu bo Rurema akatoola, ka itali yo haahe kwo agabaheereza ukuli kwabo! Si bayamiri bagweti bagamútakira úbwakya-úbwayira, kwo abatabaale. Aaho! Ka agashubi tindiriza mu kubatabaala? Nanga!

Mikolezi 9:4

Ulya Sahuli anayibumbulika haashi, anayuvwa izu ligweti ligamúbuuza, ti: «E Sahuli, e Sahuli! Kituma kiki ugweti ugandibuza?»

Bukengeeze 32:35

Ndoziizi ukuyihoola, na mbaheereze ngiisi íbibakwaniini. Ulusiku lwo bagashereezibwa kwo, lukola hoofi. Bagayami teerwa noꞌbuhanya kinaliguma.”

2 Batesaloniki 1:6

Na bwo Rurema ali mu gira íbikwaniini, yabo bandu ábali mu mùlibuza, agaki mùyihoolera bo.

Batwi beꞌmaaja 11:12

Haaho, Yefuta anatuma indumwa imwa mwami waꞌBahamooni, ti: «Aaho! Bikagi byo tugweti tugafwana, halinde uyiji tuteera mu kihugo kiitu?»