Yuheeri 2:21 - Kifuliiru

²¹ E bandu baani, mutaki yobohe! Haliko, mushambaalage, iri munabanda akabuuli. Mukuba, Nahano akagira amagambo gaꞌkahebuuza.

Yuheeri 2:21 ပူးပေါင်းရင်းမြစ်များ

Ndondeko 15:1

Ha nyuma, Nahano anayijira Hiburamu mu mabone, anamúbwira kwokuno: «E Hiburamu, utakizi yoboha. Nie siribo yawe. Na byo ngakuhemba, biri tiita.»

Zaburi 71:19

E Rurema, ndaaye úkusumbiri! Ukuli kwawe, kuhisiri halinde mwiꞌgulu. Keera ukanagira ibitangaaza bihamu.

Zaburi 98:8

Inyiiji zikizi koma amagasha ku busiime. Neꞌmigazi ikizi yimba ku bushambaale.

Hisaaya 35:1

Mu yizo siku, kiri niꞌshamba lyâye shagaluke. Kundu liki yumagusiri, lyâye ki shambaale. Indagiriro zâye hiirwe, zinayase ngiꞌpamba.

Hisaaya 41:10

Aaho! Bwo nyamiri tutuliinwi, mutakizi yoboha. Ndi Rurema winyu! Ku yukwo, mutashenguke. Ngakizi mùkania, iri ninamùtabaala. Ninamùsikamye, mu kukoleesa ubushobozi bwani.

Hisaaya 44:23

Ewe igulu! Uyimbage ku bushambaale. Si Nahano keera akakola bweneene! E kihugo, ukizi banda akabuuli, awi yiyi yiyi! Na niinyu mwe migazi! Muyitulikanie mu kuyimba, kuguma neꞌmbako, neꞌbiti byayo byoshi. Nahano keera akaguluula Abahisiraheeri, beene Yakobo, anabayereka ubulangashane bwage.

Hisaaya 54:4

Utayobohe, utanavunike indege! Mukuba, utâye ki yagagale, kandi iri kugayirizibwa. Kundu ukateezibwa ishoni mu busore bwawe, yibyo byoshi, ukola ugabiyibagira. Na kundu ukahonyolezibwa bweneene, mbu bwo ulyagagi namufwiri, birya byoshi, utâye ki bikengeere.

Hisaaya 55:12

Mugalyoka i Babeeri ku bushambaale, munarongoorwe mu kati koꞌmutuula. Imigazi noꞌtugangazi bigakizi mùbandira akabuuli, iri binamùyimbira. Kiri neꞌbiti byoshi bya mu mbingiro bigakizi mùkomera amagasha.

Yeremiya 33:3

“Mukizi ndabaaza! Naani, ngakizi mùyitaba. Na ngizi mùbwira amagambo gaꞌkahebuuza, kundu gashuba mabishe.”

Hosheya 2:21

Ngashubi kuyanga, halinde uyame uli mukaanie wa lwoshi-lwoshi. Ugakizi tungaana imbere lyani, iri unakulikira ukuli, noꞌrukundo, neꞌndengeerwa.

Yuheeri 2:20

Balya bagoma ábakalyoka imbembe, ngabayimula, na mbashendekeze halinde mwiꞌshamba, áhayumagusiri. Abasirikaani baabo ábali mu tee genda imbere, ngabalasha mu Nyaaja yoꞌMuunyu. Na ábali mu yija inyuma, ngabalasha mu Nyaaja Mediterane. Ibirunda byabo, bigakizi huumura buligo, halinde lirya ibaya lyabyo linakwire hooshi.» Ku kasiisa, Nahano akamùgirira ibitangaaza.

Yuheeri 2:26

Kundu kwokwo, mugakizi lya, munayigute. Munakizi huuza iziina lyani, nie Nahano, Rurema winyu. Mukuba, yibyo bitangaaza, nie gweti ngamùkolera byo. E bandu baani, mutâye ki teezibwe ishoni.

Bukengeeze 4:32

«Kwokwo, mukizi yitoneesa ku byâli kizi koleka yaho kare, ku kyanya mutazi butwa. Munayibuuze ku lusiku lwo Rurema akatondeera ukubumba abandu mu kihugo. Aaho! Hooshi mu kihugo, ka hali ugundi úli mu yikumbwa, anabe akagira nga kwo Rurema akamùgirira. Ka keera likayuvwikana? Si liri lya kahebuuza!

1 Samweri 12:16

«Mutuuzagye, gira mulole igambo lya kahebuuza lyo Nahano agamùgirira.

1 Samweri 12:24

Kwokwo, mukizi simbaha Nahano. Munakizi múkolera ku mutima gwinyu gwoshi. Munakizi kengeera ibitangaaza byo âli kizi mùgirira.