Yuheeri 1:7 - Kifuliiru

⁷ Zirya nzige, keera zikateera imizabibu yitu, Zanashereeza neꞌbiti biitu byeꞌmitiini. Zanakizi bibunga, iri zinagimogolola ibyula byayo. Zanasiga amatavi gaabyo meeru-meeru.

Yuheeri 1:7 ပူးပေါင်းရင်းမြစ်များ

Zaburi 105:33

Ikashereeza imilandira yeꞌmizabibu, neꞌbiti byabo byeꞌmitiini, kuguma neꞌbindi biti byoshi bya mu kihugo kyabo.

Kulyoka 10:14

Yizo nzige, zanashabukira mu kihugo kyoshi kyeꞌMiisiri, zanatwa ngiisi handu. Ukulyokera heꞌkihugo kikabumbirwa, inzige mwene yizo zitazindi boneka. Na kwakundi, zitanâye ki boneke.

Kulyoka 10:15

Yizo nzige, bwo zâli riiri kanyegete, kyanatuma idaho lyoshi ligayidika mweꞌkihulu. Ibyasi byoshi, neꞌbitumbwe byoshi íbikasigwa neꞌrya nvula yoꞌlugungu, zirya nzige zanabilya. Mu yikyo kihugo kyoshi, ndaakyo kitumbwe, kiri neꞌhyasi hibishi, íhikasigala mwo.

Hisaaya 24:7

Abandu booshi ábashubi shambiiri, buno bakoli jengiirwi. Imizabibu keera yayumaguka, neꞌdivaayi yabulika.

Hisaaya 32:12

Mukizi yikomomba ku kikaraza. Mukizi liruuka mukuba indalo ziinyu, kundu zishubi dehiri, zinashubi jojesiri kweꞌmizabibu mingi, halikago iyo mizabibu, ndaakiyo.

Hisaaya 5:6

Ee! Iyo ndalo, ngagisivya lwoshi-lwoshi. Imizabibu yamwo, itâye ki yahulirwe, kandi iri kuyufirirwa. Igaamera naaho mweꞌmigenge neꞌmihanda-njovu. Nganahangika ibibungu, bitaginiekeze invula.»

Yeremiya 8:13

«Imimbu yinyu, ngamùsaagiza yo. Ku matavi geꞌmizabibu, ndaayo mugaki longa kwo. Neꞌbiti byeꞌmitiini, kwo na kwokwo. Kiri neꞌbyasi byabyo, bigayumaguka. Ngiisi byo nâli kizi mùheereza, ngabizimiiza lwoshi.» Kwokwo, kwo Nahano adesiri.

Hosheya 2:12

Ngolaga ngamúhogola imirondo yoshi, anasigale bukondwe. Balya bakundwa baage, banabe bagweti bagamúloleera. Ikyanya agateezibwa ishoni kwokwo, ndaaye úgayiji múkiza.

Yuheeri 1:12

Imizabibu, keera yahangalala. Neꞌmitiini, keera gayumaguka. Ibiti byoshi byeꞌbitumbwe, keera byayuma. Kyanatuma abandu bataki shambiiri.

Hamoosi 4:9

«Nꞌgamùyumagukiza idaho liinyu, halinde nanaboza kiri neꞌmimbu yinyu. Zirya ndalo, inzige zanazilya, ziba za mitiini, kandi iri za mizehituuni. Kundu kwokwo mutakangalukira. Kwokwo, kwo nie Nahano ndesiri.

Habakuki 3:17

Ibiti byeꞌmitiini kundu bitahembiri, neꞌmizabibu inabe ndaabyo bitumbwe byo itongesiri, neꞌmizehituuni inabe ndaago mavuta ágayezirwi mwo, neꞌndalo, imimbu yazo inabe ndaayo, neꞌbibuzi binabe bikakumbululwa mu lugo, neꞌngaavu mwiꞌruli, banabe bazipiisa!

Malaki 3:11

Kundu birya bizimu biri mu shereeza imimbu yinyu, si ngabihangirira, gira bitaki shubi kizi gilya. Kiri neꞌndalo ziinyu zeꞌmizabibu, zitagaki leka ukutongeka. Kwokwo, kwo nie Nahano woꞌbushobozi bwoshi, ndesiri.