Yuheeri 1:2 - Kifuliiru

² E bashaaja! Muyuvwirize! Mwe batuulaga booshi beꞌBuyuda, mutegage amatwiri! Aaho! Mu siku ziinyu, kandi iri mu za bashokuluza biinyu, igambo mwene lino, ka keera likakoleka?

Yuheeri 1:2 ပူးပေါင်းရင်းမြစ်များ

Hayubu 12:12

Abashaaja, bo bahiiti ubwitegeereze, banali mu sobanukirwa naꞌmagambo mingi.

Hayubu 15:10

Si ha kati kiitu, hali abashaaja, naꞌbitegeereza. Banakoli hiiti imyaka mingi ukuhima yisho.

Hayubu 21:7

«Balya banangora-mabi, kituma kiki baki genderiiri ukutuula ho? Si imisi yabo, iri mu kizi yushuuka, halinde mu bushaaja bwabo!

Hayubu 8:8

«Wangatee buuza bashokuluza ábakatanga imbere lyawe, halinde lyo naawe ulonga ukumenya ngiisi byo bâli mali yiga.

Zaburi 49:1

Imwoꞌmwimangizi waꞌbimbi. Izaburi yaꞌbaana ba Koora.

Hisaaya 34:1

E binyamahanga, mutegage amatwiri. E bandu mweshi, na naawe e kihugo, kuguma na byoshi íbikuli mwo, muyuvwirize.

Hisaaya 7:17

«Na naawe kwakundi, Nahano agakizi kulibuza, kuguma naꞌbandu baawe, kiri neꞌmbaga ya yisho. Amalibu mwene yago, gatazindi boneka, ukulyokera haꞌBahisiraheeri bakayihandulana kwo naꞌBayuda. Umwami weꞌHasuriya, ye gayiji mùteera.»

Yeremiya 30:7

Yulwo lusiku, lukola lugaaba lweꞌnguuke. Beene Yakobo bagagooka ngana-ngana! Yayewe! Ulusiku mwene yulwo, lutâye shubi ba ho. Kundu kwokwo, ubuzinda, bâye kizibwe.»

Yeremiya 5:21

Si mulyagagi bahwija, munali bizeeze! Aaho! Mundegage amatwiri. Kundu muhiiti amasu, si mutabwini! Na kundu muhiiti amatwiri, si mutayuvwiti.»

Danyeri 12:1

«Ulya úli nga mundu anashubi mbwira kwokuno: “Ku yikyo kyanya, umuganda mukulu Mikaheeri agayija. Ye nali mulaazi waꞌbandu baawe. Mu yizo siku, hagaaba ikyanya kyaꞌkahenabwera bweneene! Hatanazindi boneka akahenabwera mwene yako kushaagira ku milala mitaazi ya hano mu kihugo. Kundu kwokwo, ku yikyo kyanya, abandu baawe bo maziina gaabo gakola mayandike mu kitaabo kyoꞌbulamu kya Rurema, booshi bagakizibwa.

Hosheya 4:1

E Bahisiraheeri! Muyuvwirizagye ngiisi kwo Nahano agweti agaadeta. Si agweti agamùlega kwokuno: «Emwe! Mutali bemeera, mutanali mu kundana, ndaanaye úki kengiiri kwo nie Rurema ndi ho.

Hosheya 5:1

«E bagingi ba Rurema, muyuvwirize bwija. Na niinyu, mwe Bahisiraheeri! Mutegage amatwiri. Kiri na niinyu, mwe mulyagagi ba mu mulala gweꞌkyami! Muyuvwirize. Si keera mukahubiisa abandu iriira munda i Misipa, kiri neꞌTaboori, kyanatuma bagamùtwira ulubaaja kwo mukahuba!

Yuheeri 1:14

Yumwo mu nyumba yage, mumenyeesanie ikyanya kyoꞌkuyishalisa. Mukuumanie abandu booshi, kuguma naꞌbashaaja. Yabo booshi, mubakuumanie ha nyumba ya Rurema, Nahamwitu. Neꞌkyanya bagaahika, munatondeere ukumútakira!

Yuheeri 2:2

Yulwo lusiku, luli mweꞌkihulu kya namudidi, lunali lweꞌbibungu bizito. Aaho! Langiizi ngiisi kweꞌkiso kihamu kyeꞌbizimu kiri mu hika. Kigweti kigayija ngana, nga kwiꞌzuuba liri mu tunduuka shesheezi. Yibyo bizimu, biri kandaharuurwa, binali neꞌmisi bweneene. Yiryo igambo, litazindi boneka, litanâye shubi boneka!

Hamoosi 3:1

E Bahisiraheeri! Muyuvwagwe ngiisi kwo Nahano agweti agamùkanukira: «Ubwa mbere, nꞌgamùlyosa i Miisiri.

Hamoosi 4:1

E bakazi beꞌSamariya! Munyuvwirize bwija! Si mujeziri ngana nga ngaavu zeꞌBashaani! Munagweti mugakizi vindagaza ábagoozirwi, kiri naꞌbakeni. Mugweti mugakizi bwira bayibalo: «Mutuleterage idivaayi, tunywe!»

Hamoosi 5:1

E Bahisiraheeri! Muyuvwirize bwija yulu lwimbo lwani lweꞌkigandaaro: Muyuvwagwe ngiisi kwo ngweti ngamùganyira.

Mika 1:2

E bandu mweshi mwe muli mu kihugo! Yuvwi! Na byoshi íbikiri mwo! Mundegage amatwiri! Nahano Rurema, agweti agamùlega mu nyumba yage nyeeru.

Mika 3:1

Nie nadetaga kwokuno: «E bimangizi baꞌBahisiraheeri, yuvwagwi! Mwe mukwaniini ukukizi twa imaaja mu kati koꞌkuli.

Mika 3:9

Mwe Bahisiraheeri, munyuvwagwe! Muyamiri mushombiri íbikwaniini, iri munashobania ukuli.

Mataayo 13:9

Ngiisi úhiiti amatwiri, ayuvwe!»

Mataayo 24:21

«Yizo siku zigaaba za kahenabwera. Amalibu mwene yago, gatazindi ba ho, ukulyokera heꞌkihugo kikabumbirwa halinde zeene! Gatanâye ki shubi ba ho!

Bwigule 2:7

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, ngamúhanguula kwo alye ku bitumbwe byeꞌkiti kyoꞌbulamu, kirya kya mu Paradiizo ya Rurema.»