Yuheeri 1:12 - Kifuliiru

¹² Imizabibu, keera yahangalala. Neꞌmitiini, keera gayumaguka. Ibiti byoshi byeꞌbitumbwe, keera byayuma. Kyanatuma abandu bataki shambiiri.

Yuheeri 1:12 ပူးပေါင်းရင်းမြစ်များ

Zaburi 4:7

Abandu bingi, bagweti bagabuuza: «Nyandagi úwangatukolera amagambo miija?» Kwokwo, e Nahano, ukizi tugirira amiija. Yago miija gaawe, gabe nga mulengeerwe úguli mu tuyakira.

Zaburi 92:12

Nꞌgayibonera nienyene ngiisi kwaꞌbagoma baani bakahimwa. Ikyanya bakaliruuka, nanayiyuvwirwa.

Lwimbo Lwija 2:3

«Umukundwa wani ali mu bandi batabana, nga kweꞌkiti kyeꞌbitumbwe kiri mu biti bya mu kishuka. Nyifwijiri ukubwatala mwiꞌdako lyeꞌkizunguza kyage. Kiri neꞌbitumbwe byage, nyuvwiti kwo binuniri bweneene.

Lwimbo Lwija 4:13

Ishibwe zaawe, iri ndalo yaꞌmakomamanga. Ibitumbwe byayo, binuniriiri bweneene ukuhima amalaasi geꞌhina na geꞌnarido.

Hisaaya 16:10

Batagaki shambaala ku kisegengo. Mu yizo ndalo zeꞌmizabibu, ndaakibwo bushambaale, kandi iri malega, kandi iri kuyimba, kandi iri kubanda akabuuli. Ndaanaye úkiri mu kanda ha kikandiro. Batanakiri mu banda utubuuli, mukuba Rurema keera akabahulisa.

Hisaaya 24:11

Abandu bagweti bagahuuna idivaayi mu njira. Kundu kwokwo, amalega gooshi gakoli maziri. Ikihugo kitaki shambiiri.

Hisaaya 24:7

Abandu booshi ábashubi shambiiri, buno bakoli jengiirwi. Imizabibu keera yayumaguka, neꞌdivaayi yabulika.

Hisaaya 9:3

Kundu bâli kizi bakoomeka ubuhiri mu mugongo, haliko keera ukabuvuna-vuna. Ukavuna kiri neꞌngoni zaꞌbandu baawe bâli kizi himbulwa mwo. Keera ukashubi bakiza, nga kwo ukatee bakiza mu maboko gaꞌBamidyani.

Yeremiya 48:3

Yuvwagwi! Abahoronayimu bakola mu shereezibwa, banakola mu bululuka ku kimombo, iri banayamuluka.

Yeremiya 48:33

Mwe Bamohabu, mwâli neꞌndalo zeꞌnagiira. Kundu kwokwo, ibikandiro biinyu bitakiri mu lyosa idivaayi. Mutanakiri noꞌbushambaale, kandi iri malega. Ndaanaye úkiri mu kizi kanda imizabibu, iri anabanda akabuuli. Kundu mukola mu yamiza, kutakiri ku bushambaale.

Yuheeri 1:10

Indalo, keera zasiba. Niꞌdaho keera lyayumaguka. Ingano, neꞌdivaayi, kiri naꞌmavuta, byoshi byahumbuluka.

Yuheeri 1:16

Ibyokulya biitu, bigweti biganyerera mu masu giitu. Inyumba ya Rurema, itanakiri mweꞌsiku zoꞌkumúshambaalira.

Yona 4:7

Halikago, mbu bukye shesheezi kare-kare, yikyo kiti, Rurema analungika ikizimu, kyanakibunga, kyanayuma.

Hagayi 2:19

Birya bihinda biinyu byeꞌngano, ka bitali peperege? Kiri neꞌrya mizabibu, neꞌrya mitiini, na galya makomamanga, neꞌrya mizehituuni, nabyo byafunyaala. Kundu kwokwo, ukulyokera zeene, ngola ngakizi mùgashaanira.»

Malaki 3:11

Kundu birya bizimu biri mu shereeza imimbu yinyu, si ngabihangirira, gira bitaki shubi kizi gilya. Kiri neꞌndalo ziinyu zeꞌmizabibu, zitagaki leka ukutongeka. Kwokwo, kwo nie Nahano woꞌbushobozi bwoshi, ndesiri.

Muharuuro 13:23

Yabo bandu, iri bakahika mu ndekeera yeꞌHeshikooli, banatema itavi lyoꞌmuzabibu íryâli hembiri bweneene. Banalishwekera ku kiti kyoꞌkubetulira, gira abandu babiri bakizi libetula. Banatwala neꞌbitumbwe byaꞌmakoma-manga, na byoꞌmutiini.