Yoshwa 8:14 - Kifuliiru

¹⁴ Mwami weꞌHayi, ikyanya akavyuka, abona Abahisiraheeri bali ha kajabo kaꞌkabanda, anashubi yimuka kuguma naꞌbandu booshi baꞌkaaya kaabo. Balya booshi, banashubi genda ku gwogulya mudulumuko úgwâli shooziri i Haraba, gira bagendi teera yaꞌBahisiraheeri. Kiziga uyo mwami, atâli yiji kweꞌnyuma lyage, hakola abandu ábamúbishamiri.

Yoshwa 8:14 ပူးပေါင်းရင်းမြစ်များ

Mwigiriza 9:12

Ndaaye úyiji ikihe kyo agalonga kwaꞌmalibu. Si abandu bali mu yami tibukirwa kwo naꞌmabi. Ee! Gali mu batubiira, nga kweꞌfwi ziri mu gwatwa mu lushenga, na nga kwoꞌtunyuni tuli mu gwatwa mu mitego.

Hisaaya 19:11

Si abahanuuzi beꞌSowani, biri bizeeze ngana! Ikyanya bali mu hanuula Faraho, si bali mu múshobania amagambo! Kituma kiki bangaki yihaya kwokuno: «Twehe, tuli bitegeereza bweneene! Si tubusirwi mwiꞌkondo lyaꞌbaami ba keera!»

Hisaaya 19:13

Abanabwenge baawe beꞌSowani, si keera bakahendwa! Kiri na ábalyosiri i Mefiisi, nabo bakoli tebesiri. Balya batwali beꞌMiisiri, keera bakabashereegeza ikihugo.

Danyeri 4:31

Iyo myaka irinda, iri hakaba keera yalengaga, niehe Nebukandeneza nanalegamira mwiꞌgulu. Lyeryo, ubwenge bwanashubi ngalukira. Nanayami tanga kongwa imwa Rurema, iri ninamúhuuza. Mukuba, yehe, ye riiri hiꞌgulu lya byoshi, ye na yamiri ho. Ubutwali bwage buyamiri ho imyaka neꞌmyakuula. Noꞌbwami bwage, bugagenderera ku ngiisi kibusi.

Mataayo 24:39

Ngiisi íbyâli kola bigakoleka, batâli biyiji. Gulya mwijulire gwanayiji babindikira booshi. «Kwokwo, kwo bigaaba, na mu kuyija kwoꞌMwana woꞌMundu.

Mataayo 24:50

«Uyo nahamwabo mu kugaluka, agayija ku lusiku, na ku kihe ulya mukozi atalangaliiri.

Bukengeeze 1:1

Kino kitaabo, kiyerekiini ngiisi kwo Musa akabwira Abahisiraheeri, ikyanya bâli ki riiri mwiꞌshamba, uluhande lweꞌsheere lwoꞌlwiji Yorodaani. Ku yikyo kyanya, bâli ki shumbisiri mu ndekeera, hoofi naꞌkaaya keꞌSufu, ha kati koꞌtwaya tulebe. Luhande luguma, hali akaaya keꞌParaani. Noꞌlundi, hali akaaya keꞌTofeeri, kuguma naꞌkeꞌLabaani, naꞌkeꞌHaserooti, naꞌkeꞌDizahabu.

Yoshwa 8:13

Yoshwa, anayabiiraga ikiso kihamu, anakibiika uluhande lweꞌmbembe yako. Na ngiisi ábakasigala, anababiika uluhande lweꞌmuga yako, gira bakayiji kateera ha nyuma. Mu bwobwo bushigi, yehe anagendi laala mu kabanda.

Yoshwa 8:15

Yoshwa, kuguma na balya Bahisiraheeri booshi, banayigira nga ábahimwa, banayihongoleka mwiꞌshamba.

Yoshwa 8:16

Abandu booshi beꞌHayi, banatabaazibwa kwo bakulikire Yoshwa naꞌbandu baage. Banashindibuka ku Yoshwa, halinde banayikondeera hala naꞌkaaya.

Yoshwa 8:5

Naani, kuguma naꞌbandi booshi bo tuliriinwi, tugagendi kateera hiꞌrembo lyako. «Mango yabo batuulaga bayiji tulwisa nga kulya kwa mbere, tugatee bapuumuka.

2 Peturu 2:3

Na bwo bali bazizi beꞌbindu, bagakizi yibangira ibibeesha, mbu lyo bakizi mùlyalyania mwo. Ukulyokera keera, Rurema âli kizi balindiriza ikihano. Na buno, akolaga ibiringiini ukubaminika.

Batwi beꞌmaaja 20:37

Yabo baabo ábâli sokaniini yako kaaya, banayami bishuuka, banayami yingira mu kaaya kooshi, banaminika abandu baamwo ku ngooti.