Yoshwa 7:9 - Kifuliiru

⁹ Abakaanani, kuguma naꞌbatuulaga booshi ba mu kino kihugo, mango bayuvwa kwokwo, bagayami tusokanana, banatuminike tweshi. Aaho! Kutagi kwo ugaki yerekana kwiꞌziina lyawe liri noꞌbushobozi?»

Yoshwa 7:9 ပူးပေါင်းရင်းမြစ်များ

Zaburi 115:1

E Nahano, tutali twe tukwaniini ukulonga ulushaagwa. Si wehe we lukwaniini. Mukuba, we mwija, unali mwemeera.

Zaburi 48:10

E Rurema! Ikyanya tugweti tugayiji kuyikumba mu nyumba yawe, tuli mu yitoneesa hiꞌgulu lyoꞌrukundo lwawe úluyamiri ho.

Zaburi 79:9

E Rurema, Lukiza witu, ututabaale, we kongwa, halinde wenyene ukizi gingikwa. Utukoge ibyaha biitu, unatuguluule, halinde iziina lyawe likizi yivugwa.

Zaburi 83:4

Yabo bagoma, si balyagagi balyalya! Kundu ukuuziri abandu baawe, haliko boohe bagweti bagabagirira igambi libi.

Zaburi 83:5

Balya bagoma bali mu naaka mbu: «E balya, muyije, tuzimiize abandu baage, halinde iziina lyaꞌBahisiraheeri, litaki shubi detwa.»

Kulyoka 32:12

«Si hali ikyanya Abamiisiri bangadeta: “Ehee! Ikyanya Rurema akabahulusa mu kihugo kiitu, kwâli riiri mu mujina naaho. Na íbikatuma agabalyosa mwo, gira agendi baminikira mu migazi, banahere.” «E Nahamwitu, utakolwe mbu ubarakarire. Yubwo buhanya bwo ushungisiri hiꞌgulu lyabo, ubuleke.

Hezekyeri 20:9

Haliko, nanaleka ukugira kwokwo, gira iziina lyani litayiji kengeera lyagayirizibwa mu bandu beꞌgindi milala bo batuliinwi. Mukuba, yabo bandu bakayibonera ngiisi kwo nꞌgayitanga mu Bahisiraheeri, ku kyanya nꞌgabahulusa mu kihugo kyeꞌMiisiri.

Yuheeri 2:17

Kiri naꞌbagingi, kwo bali mu kolera Nahano, nabo bayingire ha kati keꞌkisiika kyoꞌkuyingira mu nyumba ya Rurema, naꞌkatanda kaage. Ee! Balirage, iri banakizi huuna Rurema, ti: «E Nahano, si tulyagagi bandu baawe! Aaho! Utukejeerere, we kongwa. Utanaki tubonie ishoni! Utanaleke kweꞌbinyamahanga bikizi tuhonyoleza, mbu: “Aaho! Rurema winyu, ali hayagi?”»

Mika 7:10

Yago gooshi, abagoma baani bagagabona, banateerwe neꞌshoni. Si bo bâli kizi deta, mbu: «Rurema Nahamwinyu, alyagagi hayi?» Kundu bakadeta kwokwo, ngaki bona ngiisi kwo bagaagwa. Banakizi libatwa-libatwa, nga bidaka bya mu njira.

Muharuuro 14:13

Ulya Musa, ti: «E Nahano, si ukakoleesa ubushobozi bwawe, mu kubalyosa mu kihugo kyeꞌMiisiri. Neꞌri wangabaminika, Abamiisiri bagayuvwa.

Yohana 12:28

E Daata! Uhuuzagye iziina lyawe!» Lyeryo mwiꞌgulu, mwanayuvwikana izu, lyanadeta: «Keera nalihuuza! Nganaki shubi lihuuza.»

Bukengeeze 9:28

We katushaaza i Miisiri. Aaho! Utaleke kwaꞌbandu beꞌyo munda bakizi tuhonyoleza, ti: “Kundu Nahano akabalagaania kwo agabayingiza mu kihugo, halikago atanahasha. Ehee! Si abashombiri naaho! Íbitumiri agabatwala mwiꞌshamba, gira lyo akabayitire mwo.”

Yoshwa 7:10

Nahano anashuvya, ti: «E Yoshwa, kituma kiki uki yubamiri? Yimukaga!

Yoshwa 7:8

E Nahamwitu, bikagi byo nangaki deta? Si Abahisiraheeri keera batibita abagoma baabo!

1 Samweri 12:22

«Bwo Nahano ahiiti iziina lya kahebuuza, atagamùjanda. Si agakizi mùgira mube bandu baage. Kwokwo, kwo asiimiri.