Yoshwa 4:10 - Kifuliiru

¹⁰ Ikyanya abandu booshi bakajabuka ulwiji ku ngungu, balya bagingi bâli ki yimaaziri ha kati koꞌlwiji, babetwiri Akajumba keꞌKihango. Byoshi bikakoleka, nga ngiisi kwo Nahano âli mali gwanwa abwira Yoshwa ku njira ya Musa.

Yoshwa 4:10 ပူးပေါင်းရင်းမြစ်များ

Zaburi 119:60

Nanavwaruka, gira ngizi zisimbaha, ndanatindiriza.

Kulyoka 12:39

Ikyanya Abahisiraheeri bakalyoka i Miisiri, bâli kola neꞌngungu, kyanatuma bataki teekera indanda. Si bakatwala naaho galya malobe mazira saama, gira bakizi galingaania mweꞌbitumbula bizira saama.

Migani 27:1

Ibya kusheezi, utakizi biyihayira. Mukuba, ngiisi ulusiku, utayiji byo lugaleeta.

Mwigiriza 9:10

Ngiisi byo ugakizi gira, ukizi bigira ku misi yawe yoshi. Si ulindiriiri ukugenda i kuzimu! Neꞌyo munda, ndaagwo mukolwa, ndaanakwo kushungika, ndaanabwo bumenyi, ndaanabwo bwitegeereze.

Hisaaya 28:16

Si Nahano Rurema adetaga kwokuno: «Lolagi! Mu kaaya keꞌSayuni, keera nabiika mwiꞌbuye. Yiryo ibuye, keera likagezibwa, linali liꞌbuye lyoꞌkusikamya akagongo koꞌlutaliro. Umundu, iri angalibiika kwoꞌmulangaaliro, atagaki shenguka.

2 Bakorindo 6:2

Rurema yenyene akadeta: «Ku kyanya íkyâli kwaniini, nꞌgakuyuvwa. Ku lwolwo lusiku, nꞌgakukiza, nanakutabaala.» Yikyo kyanya íkikwaniini, namùbwira kwo kiryagagi zeene. Ee! Ulusiku lwa zeene, lwo mwangakizibwa kwo!

Bukengeeze 31:9

Yizo maaja, Musa anaziyandika, anazisikiiriza abashaaja baꞌBahisiraheeri, kuguma naꞌbagingi baꞌBalaawi. Bo banâli kizi betula Akajumba keꞌKihango kya Nahano.

Yoshwa 24:11

«“Ha nyuma, mwanajabuka ulwiji Yorodaani, mwanahika mu kaaya keꞌYeriko. Abatuulaga baamwo, bakamùlwisa, kuguma naꞌBahamoori, naꞌBapereesi, naꞌBakaanani, naꞌBahiti, naꞌBagirigaashi, naꞌBahivi, naꞌBayebuusi. Iyo milala yoshi, nayo nanagibiika mu maboko giinyu.

Yoshwa 3:13

Abagingi ábabetwiri Akajumba, ikyanya ishando zaabo zigaafina mu lwiji, haaho-haaho amiiji gagayami yimanga, gooshi ganayigushe ha lugulu. Nahano ye twaziri amahanga gooshi.»

Yoshwa 4:11

Neꞌri bakaba keera bajabuka, lyaꞌbagingi nabo bakajabukana kalya Kajumba keꞌKihango kya Nahano, banashubi shokola injira imbere lyaꞌbandu.

Yoshwa 4:9

Yoshwa anayabiira agandi mabuye ikumi na gabiri, anagashinga mu kati koꞌlwiji Yorodaani, haꞌbagingi bâli yimaaziri naꞌKajumba keꞌKihango. Yago mabuye nago, gakiri haaho halinde zeene.