Yoshwa 3:16 - Kifuliiru

¹⁶ lyeryo amiiji ganayami yimanga, gatanaki hinga. Galya miiji gooshi ganaheema, ganagira ibenga, halinde mu kaaya keꞌHadamu, hoofi neꞌZaretani. Amiiji ágâli iꞌfwo, ganakizi hingira mu nyaaja yeꞌHaraba (kuli kudeta: mu Nyaaja yoꞌMuunyu). Kwokwo, ganakama ngenene. Abahisiraheeri banalonga ukujabuka áhayumiri, uluhande lweꞌYeriko.

Yoshwa 3:16 ပူးပေါင်းရင်းမြစ်များ

Ndondeko 14:3

Yabo baami booshi kwo bali bataanu, bakabiika abasirikaani baabo kuguma, banayiji balunda mu ndekeera yeꞌSidimu (kuli kudeta: Nyaaja yoꞌMuunyu).

1 Baami 4:12

Baana, mugala Ahiludi, ye wâli yimangiiri akaaya keꞌTanaaki, naꞌkeꞌMegido, noꞌluhande lwoshi lweꞌBeeti-Shehani úluli hoofi naꞌkaaya keꞌZaretani, uluhande lweꞌkisaka lwaꞌkaaya keꞌYezereheri. Âli twaziri ukulyokera i Beeti-Shaani noꞌkugenderera i Habeeri-Mehola, halinde unatambuke akaaya keꞌYokimaamu.

1 Baami 7:46

Yibyo birugu byoshi, mwami akabituliikiza mu ndekeera yeꞌYorodaani, mwiꞌbumba lya ha kati keꞌSukooti neꞌZaretani.

Zaburi 114:3

Inyaaja Ndukula, iri ikabonaga kwo bagweti bagayija, yanayami yeguuka, gira balenge. Kiri noꞌlwiji Yorodaani, nalwo lwanagalukira inyuma.

Zaburi 114:5

E nyaaja, kituma kiki ukayami yeguuka? Na naawe, e Yorodaani, kituma kiki ukagalukiraga inyuma?

Zaburi 29:10

Nahano atwaziri hiꞌgulu lyoꞌmwijulire. Yenyene alyagagi mwami, anatwaziri imyaka neꞌmyakuula.

Zaburi 33:7

Kiri naꞌmiiji ga mu nyaaja, akagakuumaniza kuguma. Naꞌmiiji ágali i buziba, akagabiika mu bihinda.

Zaburi 66:6

Ikyanya akayumya inyaaja, hanaboneka injira yaꞌbandu baage bakajabuka mwo. Kwokwo, tuyiji múshambaalira.

Zaburi 74:15

E Rurema, we kanatuma ibirigo noꞌtudota bigakizi zununuka mwaꞌmiiji. Haliko, inyiiji ízâli kizi hinga, zoohe, wanazikamya.

Zaburi 77:19

Inguba zanakizi lavya mu kihuhuuta. Kiri neꞌbiryamu byanakizi lyamuza mu kihugo. Ikihugo kyanashagana, kyanajugumbana.

Zaburi 78:13

Anabera injira mu nyaaja, anabarongoora, halinde banagilenga mwo. Amiiji gakabunduuka mwo kubiri, hanasigala nga bikombo.

Kulyoka 14:21

Ha nyuma, Musa anagololera ukuboko kwage ku nyaaja. Nahano analeeta ikihuhuuta ukulyoka uluhande lweꞌsheere, kyanakizi huusa bukayu, halinde shesheezi. Irya nyaaja yanabunduuka mwo kubiri, halinde haashi hanakama.

Kulyoka 14:22

Neꞌkyanya Abahisiraheeri bakayingira áhashuba amiiji, banahajabuka hakoli kamiri, banakizi lenga ha kati keꞌbikombo bibiri byaꞌmiiji.

Kulyoka 14:29

Haliko Abahisiraheeri boohe, bâli mali jabuka áhakamiri mu kati keꞌnyaaja, ha kati keꞌbikombo bibiri byaꞌmiiji.

Kulyoka 15:8

Umuuka gukalyoka mu mazuulu gaawe, amiiji ganayihonga haguma. Imidunda, yanayimanga nga bikombo. Amabenga ga mu nyaaja, ganayuma.

Hisaaya 50:2

Ikyanya nꞌgayija, si ndaaye mundu ye nꞌgagwana! Ikyanya nꞌgayiguza, ndaaye úkayitaba. Aaho! Ka mutoniragi kwo ndashobwiri ukumùkiza? Si ndi mu yami kamya inyaaja mu kudeta naaho! Neꞌnyiiji kwakundi, ndi mu zikamya, libe ishamba, halinde ifwi zooshi zinayami fwa, zinabole.

Hezekyeri 47:8

Anashubi mbwira: «Yaga miiji gagweti gagalenga mu ndekeera yeꞌYorodaani, ganahingire isheere yeꞌkihugo, halinde mu nyaaja yoꞌMuunyu. Yumwo mu nyaaja, ganahindule amiiji gaamwo, gabe miija.

Nahumu 1:4

Ikyanya ali mu kyula, inyaaja neꞌnyiiji zinayami kama. Kiri neꞌndagiriro nyija zeꞌBashaani, na zeꞌmigazi yeꞌKarimeeri zinagubuuke. Noꞌtwaso tweꞌLebanooni, tunaholoke.

Habakuki 3:8

E Nahano! Ka wâli rakariiri inyiiji? Ka kiri neꞌnyaaja ukazilangamira, halinde uyije mu bibungu, nga úli mwiꞌgaare, neꞌfwarasi zaalyo zikola mu ganga hiꞌgulu lyoꞌbuhimi?

Muharuuro 34:3

Uluhande lweꞌkisaka, lugatondeerera kwiꞌshamba lyeꞌSiini, hoofi noꞌlubibi lweꞌkihugo kyeꞌHedoomu. Noꞌluhande lweꞌsheere, lugatondeerera ikisaka kyeꞌNyaaja yoꞌMuunyu.

Bukengeeze 1:1

Kino kitaabo, kiyerekiini ngiisi kwo Musa akabwira Abahisiraheeri, ikyanya bâli ki riiri mwiꞌshamba, uluhande lweꞌsheere lwoꞌlwiji Yorodaani. Ku yikyo kyanya, bâli ki shumbisiri mu ndekeera, hoofi naꞌkaaya keꞌSufu, ha kati koꞌtwaya tulebe. Luhande luguma, hali akaaya keꞌParaani. Noꞌlundi, hali akaaya keꞌTofeeri, kuguma naꞌkeꞌLabaani, naꞌkeꞌHaserooti, naꞌkeꞌDizahabu.

Bukengeeze 3:17

Imuga, ulubibi lukulikiiri indekeera yoꞌlwiji Yorodaani, ha kati keꞌnyaaja yeꞌGalilaaya, neꞌNyaaja yoꞌMuunyu, halinde uluhande lweꞌsheere, mwiꞌdako lyoꞌmugazi Pisiga.

Yoshwa 12:3

Uyo mwami âli twaziri kwakundi ikimaanye kyoshi kyeꞌndekeera yoꞌlwiji Yorodaani, ukulyokera ku nyaaja yeꞌKinerooti úluli uluhande lweꞌsheere, halinde i Beeti-Yeshimooti, iwa Nyaaja yoꞌMuunyu, noꞌkugenderera halinde mu kabanda keꞌPisiga.

Yoshwa 15:2

Iyo munda uluhande lweꞌkisaka, ulubibi lutonderiiri ku butambi bweꞌNyaaja yoꞌMuunyu, lwanagenderera halinde i Negebu.

Yoshwa 16:7

Lwanashubi tondeerera yaho i Yanwa, lwanamanuka i Hatarooti, neꞌNara, halinde lwanahika i Yeriko, lwanahekera ku lwiji Yorodaani.

Yoshwa 3:13

Abagingi ábabetwiri Akajumba, ikyanya ishando zaabo zigaafina mu lwiji, haaho-haaho amiiji gagayami yimanga, gooshi ganayigushe ha lugulu. Nahano ye twaziri amahanga gooshi.»

Yoshwa 4:22

Aaho! Mukabashuvye kweꞌkyanya tukajabuka ulwiji Yorodaani,

Yoshwa 5:1

Ikyanya Nahano akakamiza Abahisiraheeri ulwiji Yorodaani, gira bajabuke, abaami booshi baꞌBahamoori na baꞌBakaanani, banayuvwa. Kyanatuma bagashenguka, banatwika indege. (Abahamoori bâli tuuziri uluhande lweꞌmuga lwoꞌlwiji Yorodaani, naꞌBakaanani bâli tuuziri ku butambi bweꞌNyaaja Mediterane.)

Batwi beꞌmaaja 7:22

Yabo beene Gidyoni magana gashatu kwo bâli riiri mu shumbi yabo, ikyanya bakadihiriza birya bibuga byabo, Nahano anayitiisa Abamidyani, mu kuminikana neꞌngooti zaabo, boonyene ku boonyene. Na ábakafuuka, banahabira i Beeti-Shita, uluhande lweꞌZereera, banahika kiri neꞌHabeeri-Mehola, hoofi neꞌTabaati.