Yoshwa 24:12 - Kifuliiru

¹² Nanagwanwa natuma amabera-ngoma imbere liinyu, ganabayimula booshi, kuguma naꞌbaami babiri baꞌBahamoori. Yibyo byoshi, mutali mwe mukabikola neꞌngooti ziinyu, kandi iri neꞌmiheto yinyu.

Yoshwa 24:12 ပူးပေါင်းရင်းမြစ်များ

Zaburi 135:11

Muguma wabo, ali Sihooni mwami waꞌBahamoori. Noꞌgundi, ali Hoogi mwami weꞌBashaani, kuguma naꞌbandi baami booshi ba mu kihugo kyeꞌKaanani.

Zaburi 80:10

Wanatuyufirira, halinde twanakula. Imizi yitu yanashashaata, halinde mu kihugo kyoshi.

Zaburi 80:9

Ikyanya ukatulyosa i Miisiri, twâli riiri nga mulandira gwawe gweꞌmizabibu. Neꞌkyanya ukatuhisa mu kihugo kyawe, wanayimula mwaꞌbandu beꞌgindi milala, wanatubyala mwo.

Kulyoka 23:28

Nganagwanwa natuma injuki imbere liinyu, gira ziyimule Abahivi, naꞌBakaanani, naꞌBahiti.

Kulyoka 23:31

«Ulubibi lweꞌkihugo kiinyu, lugatondeerera ku Nyaaja Ndukula, halinde ukuhisa ku Nyaaja Mediterane. Na kandi, lugalyokera mwiꞌshamba, halinde ukuhisa ku lwiji Hefuraati. Ngabiika beene ikihugo mu maboko giinyu, munabayimule mwo.

Muharuuro 21:31

Yabo Bahisiraheeri banayiji tuula mu kihugo kyaꞌBahamoori.

Muharuuro 21:32

Ha nyuma, Musa anatuma abagahirizi mu kaaya keꞌYazeeri. Yako kaaya nako, banakagwata mbira, kuguma noꞌtwaya twako tuniini. Kwokwo, kwo bakayimula mwaꞌBahamoori.

Bukengeeze 31:4

Abandu beꞌrya milala, Nahano agabasivya, nga kwo akasivya Sihooni, bo na Hoogi, abaami baꞌBahamoori, kuguma neꞌkihugo kyabo.

Bukengeeze 4:46

Ku yikyo kyanya, banaba bakola uluhande lweꞌsheere lwoꞌlwiji Yorodaani, mu ndekeera íriiri imbere lyeꞌBeeti-Pehoori, mu kihugo kya mwami Sihooni waꞌBahamoori. Uyo Sihooni, âli tuuziri mu kaaya keꞌHeshibooni. Kundu kwokwo, Musa naꞌBahisiraheeri, ikyanya bakalyoka i Miisiri, banamúhima.

Bukengeeze 4:47

Bananyaga ikihugo kyage, kuguma neꞌkihugo kya mwami Hoogi weꞌBashaani. Yabo baami bombi baꞌBahamoori, bâli twaziri uluhande lweꞌsheere lwoꞌlwiji Yorodaani.

Bukengeeze 7:20

«Na kwakundi, agalungika ibibugu mu kati kaabo. Kwiꞌyo njira, kundu bangaba babishamiri, haliko bigababishuula, binabaminike lwoshi.

Yoshwa 2:10

Keera twayuvwa kweꞌkyanya mukalyoka mu kihugo kyeꞌMiisiri, kwo Nahano akakamya amiiji geꞌNyaaja Ndukula, gira mujabuke. Ha nyuma, mwanayita abaami babiri baꞌBahamoori, mwami Sihooni, na mwami Hoogi, kwo bâli tuuziri i kajabo koꞌlwiji Yorodaani. Mwanayami bashereeza lwoshi-lwoshi.