Yoshwa 21:43 - Kifuliiru

⁴³ Kwokwo, kwo Nahano akaheereza Abahisiraheeri ikihugo, nga kwo âli mali gwanwa alagaania bashokuluza baabo. Neꞌkyanya bakakihyana, banakituula mwo.

Yoshwa 21:43 ပူးပေါင်းရင်းမြစ်များ

Ndondeko 12:7

Iri Hiburamu akaba akolaga yaho, Nahano anamúhulukira kwo, anamúbwira: «Kino kihugo, ngakiheereza abandu ba mwiꞌkondo lyawe.» Uyo Hiburamu, mbu ayuvwe kwokwo, anayami yubakira Nahano akatanda koꞌkusiriigiza kwaꞌmatuulo.

Ndondeko 13:15

Yaga malambo gooshi go ubwinagi, ngamùheereza go lwoshi-lwoshi. Ngagaheereza kiri neꞌkibusi kyawe íkigaki yija.

Ndondeko 28:4

«Kino kihugo, Rurema keera akakiheereza Hiburahimu. Na ngiisi kwo âli kizi gashaanira Hiburahimu, na naawe kube kwo agakizi kugashaanira, mwe naꞌbandu beꞌkibusi kyawe. Kundu utuuziri mu kino kihugo nga kinyamahanga, ukalongage ukukigaaza.»

2 Kutondobola 20:8

Na buno, mwo bakoli tuuziri, keera banakuyubakira inyumba, halinde iziina lyawe likizi longa ulushaagwa.

Nehemiya 9:24

Bagala baabo banakiyingira mwo, banakihyana. Ikyanya bakagwana mwaꞌBakaanani, wanabahimira bo. Yabo bandu, kuguma naꞌbaami baabo, wanababiika mu maboko gaabo. Banakizi bayogogoza, nga ngiisi kwo baloziizi.

Nehemiya 9:8

Wanabona kwo ali mundu mwemeera imbere lyawe. Ikyanya mukanywana ikihango, wanamúlagaania, kuguma naꞌbeꞌkibusi kyage, kwo ugabaheereza ikihugo kyeꞌKaanani, neꞌkyaꞌBahiti, neꞌkyaꞌBahamoori, neꞌkyaꞌBapereesi, neꞌkyaꞌBayebuusi, neꞌkyaꞌBagirigaashi. Yugwo muhango, keera wanagukwiza. Mukuba, uli mwemeera.

Zaburi 105:8

Nahano ayamiri akengiiri ikihango kyage, agaanaba akisimbahiri, halinde ukuhisa ku bandu beꞌbibusi kihumbi.

Zaburi 44:3

Wâli kizi koleesa ubushobozi bwawe, mu kuyimula abandu beꞌmahanga, wanabahaniiriza bweneene. Ahandu haabo, wanahabiika bashokuluza biitu, wanakizi bagenduusa.

Zaburi 78:55

Anayimula abandu beꞌgindi milala imbere lyabo. Yikyo kihugo, anakiheereza Abahisiraheeri, bube buhyane bwabo, anabiika ngiisi mulala gwabo mu kaaya keꞌmwabo.

Kulyoka 3:8

«Kwokwo, ngolaga ngabalyosa mu maboko gaꞌBamiisiri, na mu kihugo kyabo, halinde na mbatwale mu kihugo kiija. Kirya kindi kihugo, kiri kihamu, kinayeziri mwaꞌmata noꞌbuuki. Si buno, kikiri mwaꞌBakaanani, naꞌBahiti, naꞌBahamoori, naꞌBapereesi, naꞌBahivi, naꞌBayebuusi.

Yeremiya 32:23

Banayiji kiyabiira, banakituula mwo. Kundu kwokwo, batâli kizi kusimbaha, mbu bakulikirize imaaja zaawe, batanakizi gira nga kwo ukababwira. Kyanatuma ugabaleetera inguuke.

Muharuuro 33:53

«Yikyo kihugo, mukigwatage, munakituule mwo. Mukuba, keera nꞌgamùheereza kyo, kinakola kyeꞌmwinyu.

Muharuuro 34:2

kwo abwire Abahisiraheeri kwokuno: «Mukolaga mugayingira mu kihugo kyeꞌKaanani. Yikyo kihugo, ngamùheereza kyo, kibe kyeꞌmwinyu. Imbibi zaakyo zo zeezino:

Bukengeeze 11:31

«Buno, mukola mugajabukaga ulwiji Yorodaani, munagendi yingira mu kihugo kyo Nahano amùheereza, halinde munakihyane. Aaho! Mugendi kigwata, munakituule mwo.

Bukengeeze 12:29

«Kirya kihugo, ikyanya mugagendi kiteera, munabe keera mwakigwata, Nahano, Rurema winyu agamùminikira abandu baamwo. Kundu bo beene kyo, mugabayimula, munakituule mwo.

Bukengeeze 17:14

«Ikyanya mugaaba keera mwayingira mu kihugo kyo Nahano, Rurema winyu agamùheereza, munabe keera mwakigwata, munakoli kituuziri mwo, haaho hali ikyanya mwangadeta: “Leka tuyimike umwami, abe ye gakizi turongoora. Kwokwo, lyo tukizi tuula ngeꞌgindi milala ítuzungulusiri.”

Bukengeeze 34:4

Nahano anamúbwira: «Lolaga ikihugo kyo nꞌgalagaania Hiburahimu, na Hisake, na Yakobo. Nꞌgababwira kwokuno: “Yiki kihugo, ngakiheereza ibibusi byabo. Buno, keera nakuyereka kyo. Haliko, utagakiyingira mwo.”»

Yoshwa 1:6

«Aaho! Usikamage, unabe kikalage. Si we gahyaniisa yaba bandu ikihugo kyo nꞌgalagaania bashokuluza baabo.

Yoshwa 21:42

Kwo tuli twoshi, twâli zungulusirwi neꞌndagiriro.

Batwi beꞌmaaja 11:24

Ka butali bwija utuule mu kihugo kyawe? Si ukihaabirwi noꞌmuzimu gwawe Kemooshi! Kwo na kwokwo, nyiitu tugatuula mu ngiisi kyo Rurema Nahamwitu akatuheereza, kinakola kyeꞌmwitu.

1 Samweri 12:8

«Beene Yakobo, ikyanya bâli koli tuuziri mu kihugo kyeꞌMiisiri, banatabaaza Nahano, halinde anabatumira Musa na Harooni. Yabo bombi, bo bakabalyosa i Miisiri, banabaleeta mu kino kihugo kyo mukoli tuuziri mwo.