Yoshwa 21:1 - Kifuliiru

^1-2 Abahisiraheeri, ikyanya bâli ki riiri iyo munda i Shiilo, mu kihugo kyeꞌKaanani, abakulu boꞌmulala gwa Laawi banagendera umugingi Heryazaari, na Yoshwa mugala Nuuni, naꞌbatwali beꞌmilala yoshi yaꞌBahisiraheeri, banababwira: «Ukukulikirana na kwo Nahano âli mali gwanwa abwira Musa, mutuheereze nyiitu ho tugatuula, na ho tugakizi lagirira ibitugwa biitu.»

Yoshwa 21:1 ပူးပေါင်းရင်းမြစ်များ

Ndondeko 49:7

Yubwo buraakari bwabo, bwâli leeziragi ulugero. Kwokwo, mbudaasiri. Ee! Ubute bwabo, nabudaaka ngana-ngana, bwo butali mweꞌndengeerwa. Aba mu bibusi byabo, ngabashabulira mu kihugo kya Hisiraheeri, babe mijande-mijande.

Kulyoka 6:14

Yabo Bahisiraheeri, bashokuluza beꞌmbaga zaabo, bo baaba: Rubeni, ye wâli riiri fula yaꞌBahisiraheeri. Na bagala baage, Hinoki, na Paalu, na Hesirooni, na Karimi. Yabo, bo bâli riiri bashokuluza baꞌmakondo ga Rubeni.

Kulyoka 6:25

Heryazaari mugala Harooni, anayanga mu banyere Putyeri. Anamúbuta kwoꞌmwana woꞌbutabana Finehaasi. Yabo, bo bashokuluza baꞌmakondo gaꞌBalaawi.

Muharuuro 35:1

Halya mu ndekeera yeꞌMohabu, hoofi noꞌlwiji Yorodaani, ha kajabo keꞌYeriko, Nahano anabwira Musa kwokuno:

Muharuuro 35:8

Ngiisi mulala gugakizi tanga utwaya ukukulikirana noꞌbuhamu bwagwo. Umulala úguhimbiri, gwo gugatanga utwaya twingi. Noꞌmulala úgukeehiri, gugatanga utwaya tugerwa naaho.»

Yoshwa 14:1

Ikyanya Abahisiraheeri bakahaabwa ikihugo kyeꞌKaanani, yubu bwo buhyane bwabo. Na ábakabagabulira bwo, bo baaba: Umugingi Heryazaari, na Yoshwa mugala Nuuni, naꞌbandi batwali beꞌmilala yaꞌBahisiraheeri.

Yoshwa 17:4

Yabo banyere, banagendera umugingi Heryazaari, bo na Yoshwa mugala Nuuni, naꞌbandi batwali, banababwira: «Nahano akakyula kwo Musa atuheereze nyiitu ubwitu buhyane mu bwo akaheereza abandu boꞌmulala gwitu.» Noꞌkukulikirana na kwo Nahano âli mali gwanwa akyula, nabo banahaabwa ubwabo buhyane mu beene wabo.

Yoshwa 19:51

Yutwo twaya, kwokwo kwo tukagaburwa, mu kutaara ikibare imbere lya Nahano yaho i Shiilo. Umugingi Heryazaari, na Yoshwa mugala Nuuni, naꞌbatwali beꞌmilala, bo bakatugabura. Kwo na kwokwo bakayusa ukugaba ikihugo.