Yoshwa 2:11 - Kifuliiru

¹¹ Ikyanya tukayuvwa kwokwo, imitima yitu yanayami shenguka. Tweshi twanatwika indege. Mukuba, Nahano, Rurema winyu atuuziri mwiꞌgulu, kiri na hano mu kihugo.

Yoshwa 2:11 ပူးပေါင်းရင်းမြစ်များ

1 Baami 8:60

Kwokwo, lyaꞌbandu baꞌmahanga gooshi bagaamenya ku kasiisa kwo Nahano ye Rurema, na kwo ndaanaye gundi.

2 Baami 5:15

Uyo Namaani anayami galukira imwoꞌmundu wa Rurema, kuguma naꞌbandu baage booshi, anadeta: «E waliha, ngola mukozi wawe. Buno ngoli yiji kwo ndaaye gundi Rurema mu kihugo, átali Rurema waꞌBahisiraheeri naaho. Ku yukwo, mwe bakongwa mwe, buno muyabiire luno lutengu.»

Nehemiya 6:16

Ikyanya abagoma biitu bakayuvwa kwokwo, ibinyamahanga byoshi íbyâli tuuziri mu bihugo ha butambi liitu banayoboha, banakizi yuvwa ishoni. Mukuba, yugwo mukolwa, bâli yiji kwo gukakoleka ku butabaazi bwa Rurema.

Hesiteeri 8:17

Kwokwo, mu ngiisi poroveesi, na mu ngiisi kaaya, ngiisi ho bâli kizi soma yago maruba, banashagaluka ku bushambaale, banagira ulusiku lukulu, banalya bweneene. Abandu beꞌgindi milala, banagwatwa neꞌkyoba kingi hiꞌgulu lyabo, kyanatuma bagayiji bayibiika kwo ku bwingi.

Zaburi 102:15

Yako kaaya keꞌSayuni, abandu baawe bakuuziri kiri naꞌmabuye ágayubasirwi mweꞌnzitiro zaako. Noꞌlukungu lwako nalwo, bagweti bagaluhahalira.

Zaburi 22:14

Bakoli yashwiri utunwa twabo, nga ndare, banagweti bagalunduma, gira banjanganule.

Zaburi 58:7

E Nahano Rurema, yabo bandu, ubakuulage amiino. Ee! Bweꞌmihenga yabo iri nga yeꞌndare, ugihoohole.

Zaburi 83:18

Balya bagoma bakizi teteerwa, banakizi yama bashengusiri. Ee! Bagendi fwira ku mbinga.

Kulyoka 15:14

Ikyanya ibinyamahanga bigayuvwa, bigajuguma, binafololokwe. Abafirisiti bagagwatwa noꞌlushunguti.

Kulyoka 15:15

Abatwali beꞌHedoomu, bagayoboha bweneene. Abatungwa beꞌMohabu, bagalenga mweꞌkinyukura. Abatuulaga booshi beꞌKaanani, imitima yabo igashenguka.

Hisaaya 13:7

Ku yikyo kyanya, abandu booshi bagayoboha, banatwike indege, halinde imitima yabo inajajuke.

Hisaaya 19:1

Ino ndumwa, iri hiꞌgulu lyeꞌkihugo kyeꞌMiisiri. Lolagi! Nahano agweti agasuula umulindi ku kibungu, gira agendi teera ikihugo kyeꞌMiisiri. Buno, imigisi yaꞌBamiisiri ikola mu juguma imbere lyage. Kiri naꞌBamiisiri boonyene, imitima yabo keera yajajuka, banakoli shengusiri.

Hezekyeri 21:15

Na íbitumiri bagweti bagagityaza, gira bakizi yitana mwo. Banagiyeruuse, lyo ikizi kyemula nga mulavyo.

Nahumu 2:10

Emwe bagoma! Si mu kano kaaya, mulyagagi akanyabungaka keꞌbindu. Biri kandaharuurwa. Kwokwo, mushahulage inooro, kuguma neꞌharija!

Bukengeeze 1:28

Aaho! Kutagi kandi kwo twangashobola ukuyingira mwo? Si beene witu keera batuvuna indege, mu kutubwira: Ka mwangabona? Abatuulaga ba mu kirya kihugo, bali bihagarusi, banali bifigisi ukutuhima. Kiri noꞌtwaya twabo, natwo tuli tuhamu. Inzitiro zaatwo, zishuumiri halinde ku bibungu. Twanabona kiri naꞌbandu bahamu bweneene, Abahanaaki.”

Bukengeeze 20:8

«Yibyo birongoozi byaꞌbasirikaani, banashubi deta: “Mu kati kiinyu, ka hali keera úwatwika indege? Uyo naye ataahe, atakengeere avuna abaabo umutima.”

Bukengeeze 4:39

«Ku yukwo, mukengeere zeene, munasingulage mu mitima yinyu, kwo Nahano ye Rurema úli mwiꞌgulu, ye na tuuziri mu kihugo. Ndaaye gundi úli ho.

Yoshwa 14:8

Mukuba, ngiisi beene witu bo twâli gendiinwi boohe, bakayiji hemura abandu. Si niehe nâli kizi kulikira Rurema Nahamwitu, ku mutima gwani gwoshi.

Yoshwa 2:24

Banashubi múbwira: «E waliha, ku kasiisa, Nahano keera atuheereza kirya kihugo kyoshi. Si abatuulaga baamwo, keera batwika indege hiꞌgulu liitu!»

Yoshwa 5:1

Ikyanya Nahano akakamiza Abahisiraheeri ulwiji Yorodaani, gira bajabuke, abaami booshi baꞌBahamoori na baꞌBakaanani, banayuvwa. Kyanatuma bagashenguka, banatwika indege. (Abahamoori bâli tuuziri uluhande lweꞌmuga lwoꞌlwiji Yorodaani, naꞌBakaanani bâli tuuziri ku butambi bweꞌNyaaja Mediterane.)

Yoshwa 7:5

Banayita Abahisiraheeri nga makumi gashatu na ndatu. Neꞌri abaabo bakapuumuka, banabashindibuka kwo, ukulyokera kwiꞌrembo lyaꞌkaaya kaabo, halinde i Shebarimu, banabayitira ku mudulumuko. Ikyanya Abahisiraheeri bakabona kwokwo, banatwika indege, banaba nga bujonga.

Yoshwa 9:24

Banamúshuvya: «E waliha, twe bakozi baawe. Keera tukabwirwa ngiisi kwo Nahano Rurema winyu, akabwira umukozi wage Musa kwo aminike abatuulaga booshi ba kino kihugo, gira amùheereze kyo, kibe kyeꞌmwinyu. Kyanatuma tugayoboha kwo tugayitwa, twanamùteba.

Bwigule 6:16

Yabo booshi, banakizi yinginga imigazi naꞌmabuye kwiꞌzu lihamu, ti: «Yayewe! Mutubindikire, halinde tutaboneke mu masu goꞌlya úbwatiiri ku kitumbi kyoꞌbwami, tunalangwe noꞌburaakari bwa kirya Kyanabuzi!