Yoshwa 17:4 - Kifuliiru

⁴ Yabo banyere, banagendera umugingi Heryazaari, bo na Yoshwa mugala Nuuni, naꞌbandi batwali, banababwira: «Nahano akakyula kwo Musa atuheereze nyiitu ubwitu buhyane mu bwo akaheereza abandu boꞌmulala gwitu.» Noꞌkukulikirana na kwo Nahano âli mali gwanwa akyula, nabo banahaabwa ubwabo buhyane mu beene wabo.

Yoshwa 17:4 ပူးပေါင်းရင်းမြစ်များ

Muharuuro 27:1

Hâli riiri mushosi muguma, iziina lyage ye Selofehadi. Uyo Selofehadi akabuta abanyere naaho-naaho: Maala, na Nuhu, na Hogula, na Mirika, na Tiriza. Selofehadi âli riiri mugala Hefeeri, mwijukulu Giryadi. Giryadi naye, âli riiri mugala Makiiri, mwijukulu Manaasi. Yabo booshi, bâli riiri beene Manaasi mugala Yusefu.

Muharuuro 27:4

Aaho! Kiꞌziina lya daata ligateerekaga mu mbaga yage, mbu bwo atabuta umwana woꞌbutabana? Nanga, maashi! Nyiitu, tuhaabwe ubwitu buhyane, ngaꞌbandi beene witu.»

Muharuuro 36:10

Ngiisi kwo Nahano akabwira Musa, kwo na kwokwo balya banyere Selofehadi bakagira.

Bagalatiya 3:28

Ndanakilwo lubibi mu Bayahudi naꞌbandu beꞌgindi milala, kandi iri mu baja na ábatali baja, kandi iri mu bashosi naꞌbakazi. Mweshi, mukola mwe baguma mu kati ka Yesu Kirisito!

Yoshwa 14:1

Ikyanya Abahisiraheeri bakahaabwa ikihugo kyeꞌKaanani, yubu bwo buhyane bwabo. Na ábakabagabulira bwo, bo baaba: Umugingi Heryazaari, na Yoshwa mugala Nuuni, naꞌbandi batwali beꞌmilala yaꞌBahisiraheeri.

Yoshwa 17:5

Ku yukwo, ku bihugo byeꞌGiryadi, na byeꞌBashaani, íbiri uluhande lweꞌsheere lwoꞌlwiji Yorodaani, umulala gwa Manaasi gwanayushuulirwa kweꞌbimaanye ikumi.

Yoshwa 21:1

Abahisiraheeri, ikyanya bâli ki riiri iyo munda i Shiilo, mu kihugo kyeꞌKaanani, abakulu boꞌmulala gwa Laawi banagendera umugingi Heryazaari, na Yoshwa mugala Nuuni, naꞌbatwali beꞌmilala yoshi yaꞌBahisiraheeri, banababwira: «Ukukulikirana na kwo Nahano âli mali gwanwa abwira Musa, mutuheereze nyiitu ho tugatuula, na ho tugakizi lagirira ibitugwa biitu.»