Yoshwa 14:11 - Kifuliiru

¹¹ Na ngiisi kwo nâli riiri neꞌmisi ku kyanya Musa akanduma, kwo na ngi gihiiti halinde zeene. Ngiri kikalage mu kugira izibo.

Yoshwa 14:11 ပူးပေါင်းရင်းမြစ်များ

Zaburi 103:5

anali mu kizi mbeereza íbiri biija. Imisi yo nâli hiiti mu busore bwani, ali mu shubi gimbeereza buhyahya. Ali mu ngira mbe muhyahya, nga kwo ali mu tabaala nyunda.

Zaburi 90:10

Yizo siku ziitu, ziri mu hekera ku myaka makumi galinda. Kandi iri twangaba tuli neꞌmisi, twangahisa kiri naꞌmakumi galimunaana. Kundu kwokwo, mu yizo siku zooshi, tuli mu longaga naaho amakuba, noꞌmwizingeerwe. Ziri mu lenga duba, iri tunagenda.

Hisaaya 40:31

Halikago, ikyanya bali mu biika Nahano kwoꞌmulangaaliro, lyeꞌndege ziri mu kana buhyahya. Banabe nga nyunda úgweti úgakizi balala buzira kushagaania ibyubi hiꞌgulu. Yabo batabana, kundu bangasuula umulindi, batagaluha. Na kundu bagayitonda, batangahola.

Bukengeeze 31:2

«Buno, nahisa imyaka igana na makumi gabiri mbusirwi, ndanaki shobwiri ukumùyimangira. Nahano keera akanambwira kwo ndagajabuka ulwiji Yorodaani.

Bukengeeze 33:25

Akizi yama abishirwi naꞌbagoma baage, inyuma lyeꞌnyiivi nzitire neꞌbyuma, kandi iri miringa. Ayame ali neꞌmisi mu burambe bwage.»

Bukengeeze 34:7

Ku kyanya Musa akafwa, âli koli hisiizi imyaka igana na makumi gabiri. Kundu kwokwo, âli kiri mu bona ngana-ngana, anâli kiri kikalage.

Yoshwa 14:10

«Kwokwo buno, ukulyokera ku kyanya Abahisiraheeri bâli ki riiri mwiꞌshamba, ku kyanya Rurema akaganuuza Musa, keera halenga imyaka makumi gana niꞌtaanu. Kundu kwokwo, ngiri ho, halinde buno. Nahano anaki mbiisiragi ho, ukukulikirana na kwo akandagaania. Na buno ngola neꞌmyaka makumi galimunaana niꞌtaanu.