Yoshwa 12:7 - Kifuliiru

⁷ Bano baami, baꞌBahisiraheeri bakahima, uluhande lweꞌmuga lwoꞌlwiji Yorodaani. Yubwo buhimi bwabo, butonderiiri mu kaaya keꞌBaali-Gaadi ákali mu kabanda keꞌLebanooni, halinde ku mugazi Halaaki, úguli uluhande lweꞌSeyiri. Yutwo twaya twoshi, Yoshwa anatusikiiriza Abahisiraheeri, gira bube buhyane bwabo.

Yoshwa 12:7 ပူးပေါင်းရင်းမြစ်များ

Ndondeko 14:6

Banahima kwakundi naꞌBahoori, ku migazi yeꞌSeyiri, halinde i Heriparaani, ku lubibi lwiꞌshamba.

Ndondeko 32:3

Mbu ababonage, anadeta: «Ku kasiisa, hano iri ishumbi ya Rurema.» Kyanatuma yaho handu, agahayinika iziina Mahanayimu, (kuli kudeta: ishumbi zibiri).

Ndondeko 36:20

Abatuulaga ba mbere ba mu kihugo kyeꞌHedoomu, bâli riiri bandu beꞌkibusi kya Seyiri, wa mu mulala gwaꞌBahoori. Abatwali baabo, hâli Lotaani, na Shobaali, na Sibyoni, na Hana, na Dishooni, na Hezeeri, na Dishaani.

Ndondeko 36:30

na Dishooni, na Hezeeri, na Dishaani. Yaho mu kihugo kyeꞌSeyiri, ngiisi muguma wabo, ye wâli riiri mutwali woꞌmulala gwabo.

Ndondeko 36:8

Kwokwo, Hesahu (irindi iziina lyage Hedoomu) anagendi tuula mu migazi ya mu kihugo kyeꞌSeyiri.

Zaburi 135:11

Muguma wabo, ali Sihooni mwami waꞌBahamoori. Noꞌgundi, ali Hoogi mwami weꞌBashaani, kuguma naꞌbandi baami booshi ba mu kihugo kyeꞌKaanani.

Bukengeeze 2:1

«Ha nyuma, twanashubi hinduka, twanadalamba mwiꞌshamba. Twanagwata injira yoꞌkugenda iwa Nyaaja Ndukula, nga kwo Nahano akambwira. Twanahisa isiku nyingi, tugweti tugayubuuba-yubuuba mu migazi yeꞌSeyiri.

Bukengeeze 2:4

Ukomeereze Abahisiraheeri kwokuno: Mukola mugatambuka ikihugo kyeꞌSeyiri. Yikyo kihugo, kyo beene winyu beꞌkibusi kya Hesahu batuuziri mwo. Yabo bandu, bagamùyoboha. Kundu kwokwo, muloleekeze bwija.

Yoshwa 11:17

Yibyo bihugo, bikatondeerera ku mugazi Halaaki úgwâli yanuusiri hoofi neꞌSeyiri, halinde ukuhisa i Baali-Gaadi mu ndekeera yeꞌLebanooni, íyâli mu kabanda koꞌmugazi Herimooni. Yibyo bihugo byoshi, Yoshwa anagwata abaami baabyo booshi, anabayita.

Yoshwa 11:23

Kwokwo, kwo Yoshwa akagwata yibyo bihugo byoshi, nga kwo Nahano âli mali gwanwa abwira Musa. Yoshwa anabisikiiriza Abahisiraheeri, bube buhyane bwabo, banabigabaana, ukukulikirana neꞌmilala yabo. Ha nyuma, izibo lyanamala, neꞌkihugo kyanaba kikola noꞌmutuula.

Yoshwa 3:17

Ku kyanya Abahisiraheeri bâli ki gweti bagajabuka ulwiji, abagingi ábâli betwiri Akajumba, bâli yamiri bayimaaziri áhayumiri mu lwiji. Banabeera haaho, halinde abandu booshi banayusa ukujabuka.

Yoshwa 9:1

Ikyanya akaaya keꞌHayi kakasherezibwa, umwazi gwanahikira abaami booshi ábâli tuuziri uluhande lweꞌmuga lwoꞌlwiji Yorodaani. Baguma bâli riiri mu migazi, naꞌbandi mu ndekeera, naꞌbandi ku ngombe yeꞌNyaaja Mediterane, halinde mu kihugo kyeꞌLebanooni. Kuli kudeta umwami waꞌBahiti, na waꞌBahamoori, na waꞌBakaanani, na waꞌBapereesi, na waꞌBahivi, na waꞌBayebuusi.