Yoshwa 12:2 - Kifuliiru

² Uwa mbere, ali mwami Sihooni, waꞌBahamoori. Uyo mwami, âli tuuziri mu kaaya keꞌHeshibooni. Ubutwali bwage, bwâli tonderiiri mu kaaya kahamu keꞌHaroweri, ákâli riiri ku ngombe yoꞌlwiji Harinooni, halinde ukuhisa ku ngombe yoꞌlwiji Yaboki, úluli ku lubibi naꞌkaaya kaꞌBahamooni. Yaho handu, kiri kimaanye kyeꞌkihugo kyeꞌGiryadi.

Yoshwa 12:2 ပူးပေါင်းရင်းမြစ်များ

Ndondeko 32:22

Kwokwo, birya bindu byoshi byanagwanwa imbere. Haliko Yakobo yenyene, analaala haaho mu shumbi lyage.

1 Kutondobola 5:8

na Beela mugala Hazaazi mwijukulu Shema, wa mwiꞌkondo lya Yuheeri. Yabo bandu, ngiisi ho bâli tuuziri, hâli lyokiiri i Haroweri halinde i Nebo, neꞌBaali-Mehoni.

Nehemiya 9:22

«Ikyanya bakagwanana neꞌbinyamahanga, kuguma naꞌbaami baabo, ukabahimira bo. Wanabakwiza mu mbande zooshi zeꞌbihugo byabo. Banayabiira ikihugo kyeꞌHeshibooni, kyeꞌmwa mwami Sihooni, neꞌkihugo kyeꞌBashaani kyeꞌmwa mwami Hoogi.

Zaburi 135:11

Muguma wabo, ali Sihooni mwami waꞌBahamoori. Noꞌgundi, ali Hoogi mwami weꞌBashaani, kuguma naꞌbandi baami booshi ba mu kihugo kyeꞌKaanani.

Yeremiya 48:19

Na niinyu, mwe batuulaga beꞌHaroweri! Mukizi yisunga ha butambi lyeꞌnjira, iri munaloleera. Yabo bandu ábagweti bagatibita ukulyoka i Mohabu, mugendi babuuza: “E balya! Bikagi íbyaba?”

Bukengeeze 1:4

Ku yikyo kyanya, Musa âli mali hima mwami Sihooni waꞌBahamoori, wa mu kaaya keꞌHeshibooni. Âli mali hima na mwami Hoogi weꞌBashaani, wa mu kaaya keꞌHashitarooti, noꞌwa mu kaaya keꞌHedireyi.

Batwi beꞌmaaja 11:13

Uyo mwami, ti: «Ikyanya Abahisiraheeri bakalyoka i Miisiri, bananyaga ku kihugo kyani, ukulyokera ku lwiji i Harinooni, halinde ku lwiji Yaboki, kiri noꞌkuhisa ku lwiji Yorodaani. Aaho! Yikyo kihugo kyani, mukingalulire mu kati koꞌmutuula.»

Batwi beꞌmaaja 11:22

ukulyokera ku lwiji i Harinooni, halinde ku lwiji Yaboki, noꞌkulyokera mwiꞌshamba, halinde ku lwiji Yorodaani.