Yoshwa 11:6 - Kifuliiru

⁶ Nahano anabwira Yoshwa: «Yabo bandu booshi, utabayobohe. Si kusheezi, mu kihe íkiri nga kino, ngaaba keera nababiika mu maboko giinyu, na mbaminike booshi. Kwokwo, muteme ibisi byeꞌfwarasi zaabo. Naꞌmagaare gaabo giꞌzibo, mugaduulike kwoꞌmuliro.»

Yoshwa 11:6 ပူးပေါင်းရင်းမြစ်များ

2 Samweri 8:4

Ku yikyo kyanya, Dahudi akagwata abasirikaani boꞌkugendera ku fwarasi kihumbi na magana galinda, naꞌbasirikaani boꞌkugenda naꞌmagulu bihumbi makumi gabiri. Ikyanya Dahudi akagwata ifwarasi zoꞌkubulula amagaare, anakizi zitema ibisi. Haliko, anasiga ifwarasi igana zoꞌkukizi kulula amagaare igana.

2 Baami 6:16

Hirisha anashuvya, ti: «Utayobohe! Si bo tuliriinwi, bo bingi, ukuhima bo baliriinwi.»

2 Kutondobola 20:16

«“Kusheezi, ku kyanya bagazamuukira ku higangazi hyeꞌZiizi, munamanuke, munagendi bateera. Mugabagwana ku mbeka yeꞌndekeera íri uluhande lweꞌsheere lwiꞌshamba lyeꞌYeruheeri.

Zaburi 46:10

Agweti agaamala izibo, halinde ukuhisa haꞌmahanga gooshi gahekiiri. Agweti agavuna imiheto, wa koto! Naꞌmatumu, ali mu gajajagula. Kiri neꞌsiribo, ali mu zisiriiza.

Zaburi 46:11

Agweti agaadeta: «Muhulikage! Mumenye kwo nie Rurema. Ngakizi huuzibwa mu mahanga gooshi. Ee! Ngahuuzibwa hooshi mu kihugo.»

Zaburi 46:9

Muyiji bona ngiisi byo Nahano keera akagira, mulole ngiisi kwo akaleeta akahumbwe mu kihugo.

Migani 20:7

Abandu ábakwaniini bali mu kizi gira íbitungiini. Kiri neꞌkyanya bakoli fwiri, abaana baabo bali mu yama bagashaniirwi.

Hisaaya 30:16

Mukadeta, ti: “Twehe, íbitugooziri, tulonge ifwarasi, gira tukizi suula umulindi.” Yukwo kusuula umulindi kwinyu, kugaaba naaho mu kupuumuka. Ka mutoniri kwo zirya fwarasi zigamùtabaala? Aahabi! Si ifwarasi za ábali mu mùhiiva, zo zigasuula umulindi ku zeꞌmwinyu.

Hisaaya 31:1

Yayewe, imwa ngiisi ábali mu gendi tabaaza Abamiisiri! Ehee! Si balangaliiri kwo bagakizibwa, bwo bahiiti ifwarasi, na ábali mu zigendera kwo, kuguma naꞌmagaare mingi giꞌzibo! Batalangaliiri Nahano, Umutaluule waꞌBahisiraheeri, batanali mu mútabaaza.

Hezekyeri 39:9

Aahago! Ngiisi ábatuuziri mu twaya twaꞌBahisiraheeri, bagatuhuluka mwo, banagendi kuumania ibilwaniiso byaꞌbagoma bakasiga, banabiduulike kwoꞌmuliro, gunajigiivye isiribo, neꞌmiheto, neꞌmyambi, naꞌmatumu, naꞌmahiri. Yibyo bilwaniiso byoshi, bigakongeezibwa kwoꞌmuliro nga shaali, binahise imyaka irinda biyasiri.

Hosheya 14:3

Neꞌkyanya mugamúgalukira, mumúhuune ulukogo, mu kumúbwira: «Utukogage amabi giitu gooshi, unatuyakiire ku lukogo lwawe. Kwokwo, lyo tugakuyivuga ku mitima yitu yoshi.

Nahumu 2:13

Ishuba mu genda, inayite inyamiishwa, inazibaagire ibuguma lyayo, naꞌbaana baayo. Ee! Ikyanya yayita inyamiishwa, inyama zaazo ziri mu yijula ibundo lyayo.

Bukengeeze 7:16

«Ngiisi mulala gwo Nahano agabiika mu maboko giinyu, mukwaniini muyami gusivya. Mutanakolwe kwo mwaguyuvwirwa indengeerwa. Mutanakizi yikumba imigisi yabo. Mukuba, iri mwangakizi giyikumba, mugaaba mwagwatwa mu mutego.

Yoshwa 10:8

Nahano anamúbwira: «E Yoshwa, yaba bandu, utabayobohe, bwo keera nababiika mu maboko gaawe. Ndaaye kiri noꞌmuguma wabo úgamùhasha.»

Yoshwa 11:5

Yabo booshi, banayibiika kuguma, banagendi shumbika ha butambi lyeꞌshyoko yeꞌMeromu, gira bayiji lwisa Abahisiraheeri.

Yoshwa 11:7

Yaho ha shyoko yeꞌMeromu, Yoshwa kuguma naꞌbasirikaani baage booshi, banayami yubukira abagoma baabo.

Yoshwa 11:9

Yoshwa anatema-tema ibisi byeꞌfwarasi zaabo. Naꞌmagaare gaabo, anagaduulika kwoꞌmuliro, nga kwo Nahano âli mali gwanwa amúbwira.

Yoshwa 3:5

Ha nyuma, Yoshwa yenyene anababwira: «Kusheezi, Nahano agamùgira mweꞌbisoomeza. Aaho! Muyiyeruusagye!»

Batwi beꞌmaaja 20:28

Na Finehaasi mugala Heryazaari, mwijukulu Harooni, ye wâli riiri mugingi.) Kwokwo, Abahisiraheeri banabuuza Nahano: «Ka tushubi gendi lwisa beene witu, beene Binyamiini, kandi iri tuleke?» Nahano anabashuvya: «Ee! Mugendi balwisa. Mukuba, kusheezi, ngababiika mu maboko giinyu.»

Batwi beꞌmaaja 7:9

Iri hakaba bushigi, Nahano anabwira Gidyoni: «Yimukaga, ugendi bateera. Keera nababiika mu maboko gaawe.

1 Samweri 11:9

Banabwira yizo ndumwa: «Mugendi bwira abandu beꞌYabeeshi-Giryadi kwokuno: “Kusheezi, ku kyanya kyaꞌkalenge-renge, mugaaba keera mwaguluulwa.”» Ikyanya zikagendi bwira abandu beꞌYabeeshi kwokwo, banashambaala bweneene.