Yona 2:8 - Kifuliiru

⁸ E Nahano, iri nꞌgabonaga kwo ngola ngaafwa, nanakukengeera. Nanayami kutabaaza, kwo uli mu nyumba yawe ndaluule.

Yona 2:8 ပူးပေါင်းရင်းမြစ်များ

2 Baami 17:15

Yabo Bahisiraheeri, ikyanya Rurema akagira mbu abayereke amategeko gaage, mu kubakengula, batanamútwaza. Kiri neꞌkihango kyo âli mali gwanwa agira na bashokuluza baabo, batanakitwaza. Si bâli kizi yidulumbika mu byeꞌmigisi, kundu iri tufwa-busha, halinde nabo boonyene banayiji ba tufwa-busha. Kundu Nahano akabakengula kwo batakizi kulikira imigeeza yeꞌbihugo íbyâli bazungulusiri, haliko byeyo-byeyo byo bâli kizi yifunda mwo.

Zaburi 142:4

Ngiisi ho ndi mu lenga, abagoma bali mu gwanwa bambiikira heꞌmitego. Kundu kwokwo, ikyanya ngoli yihebwiri, wenyene uyiji injira yo ngwaniini ukufuuka mwo.

Zaburi 31:6

E Nahano, nasikiiriza uburambe bwani mu maboko gaawe. Kwokwo, bwo uli Rurema woꞌkuli, unguluule.

Zaburi 69:14

E Nahano, kundu kwokwo, ngweti ngakuhuuna kwo ukizi ngashaanira. Aaho! Unjuvye mu kati koꞌrukundo, kwo luli lwingi. Ungizagye, we kongwa, halinde na ngire lwoshi-lwoshi.

Yeremiya 10:8

Yabo banamigisi, booshi balyagagi bahwija, binali bizeeze. Ngiisi byo bali mu yigiriza, bishaaziri naaho mu migisi íri mu baajwa mu biti.

Yeremiya 16:19

E Nahano! Wenyene we mu kizi nzikamya. We na luzitiro lwani. Ikyanya ndi mu longa amakuba, we ndi mu tibitira mwo. Abandu baꞌmahanga gooshi, bagakizi kuyijira, iri banadeta: «Bashokuluza biitu bâli kizi yikumba imigisi, kundu ndaako kamaro kooshi yâli bahitiiri.

Yeremiya 2:13

«Abandu baani, ibyaha byo bâli kizi gira, biri bibiri. Ubwa mbere, bakanjanda, na ndi nie shyoko yaꞌmagoloovi ágali mu leeta ubulamu. Noꞌbwa kabiri, banayihumbira ibishimo byoꞌkubiika mwaꞌmiiji. Haliko yibyo bishimo, keera byatulika-tulika, bitanakiri mu yijula mwaꞌmiiji.»

Mika 1:2

E bandu mweshi mwe muli mu kihugo! Yuvwi! Na byoshi íbikiri mwo! Mundegage amatwiri! Nahano Rurema, agweti agamùlega mu nyumba yage nyeeru.

1 Samweri 12:21

«Si imigisi, bwo iri mizira kamaro, yohe mukizi gitwikira kwo. Mukuba, itangamùgashaanira, itanganamùkiza. Si iri tufwa-busha naaho.