Yona 1:4 - Kifuliiru

⁴ Yago mashuba, ikyanya gâli kizi genda mu nyaaja, lyeryo ngana Nahano anayami vyula ikihuhuuta kikayu bweneene. Irya nyaaja yanabirinduka bweneene, halinde galya mashuba ganahambiri janganuka.

Yona 1:4 ပူးပေါင်းရင်းမြစ်များ

Zaburi 135:6

Yehe, ngiisi byo aloziizi, ali mu bigira, muba mwiꞌgulu, kandi iri mu kihugo, kiri na mu nyaaja, na mu tulingi twazo.

Zaburi 135:7

Ali mu zamuula ibibungu íbiri ku mbeka yeꞌkihugo, analeete neꞌmilavyo, halinde invula inatonye. Ali mu lyosa neꞌkihuhuuta mu bihinda byakyo.

Zaburi 148:8

Mukizi múhuuza na niinyu mwe milavyo, neꞌndara, noꞌlugungu, noꞌluuta, neꞌbihuhuuta. Mukuba, mweshi muli mu kizi gira nga ngiisi kwo adesiri.

Kulyoka 10:13

Kwokwo, Musa anashubi lengeza ingoni yage, anagishonga hiꞌgulu lyeꞌkihugo kyeꞌMiisiri. Lyeryo, Nahano analeeta ikihuhuuta ukulyoka uluhande lweꞌsheere, kyanahuusa ubushigi niꞌzuuba. Iri bukakya, yikyo kihugo kyoshi kyanateerwa neꞌnzige.

Kulyoka 10:19

Lyeryo, Nahano anahulusa ikihuhuuta kikayu uluhande lweꞌmuga, kyanabalaza zirya nzige zooshi, kyanagendi zifuka mu Nyaaja Ndukula. Mu kihugo kyoshi, ndaalwo kiri noꞌluguma úlukasigala.

Kulyoka 14:21

Ha nyuma, Musa anagololera ukuboko kwage ku nyaaja. Nahano analeeta ikihuhuuta ukulyoka uluhande lweꞌsheere, kyanakizi huusa bukayu, halinde shesheezi. Irya nyaaja yanabunduuka mwo kubiri, halinde haashi hanakama.

Kulyoka 15:10

Kundu bakadeta kwokwo, wanafuuha umuuka, inyaaja yanababwikira. Banaholobera mwo nga kyuma kyoꞌrusasi, amiiji ganababindikira.

Yeremiya 51:16

Ikyanya ali mu kyula, amiiji mwiꞌgulu, gali mu yami yigusha haguma. Ali mu kuumania ibibungu hooshi mu kihugo. Ku kyanya kyeꞌnvula, analyamuze ikiryamu. Anahuuse neꞌmbuusi ukulyoka mu bihinda byage.

Hamoosi 4:13

Nahano ye kalema imigazi. Ye nali mu husiisa imbuusi. Ngiisi byo ali mu ba ashungisiri ukugira, ali mu gwanwa abimenyeesa abandu. Ali mu hindula izuuba lyoꞌmusasa, bube bushigi. Anali mu hinyata-hinyata ku marango. Iziina lyage, ye Nahano Rurema woꞌbushobozi bwoshi!

Muharuuro 11:31

Ha nyuma, Nahano analeetaga ikihuhuuta kingi. Yikyo kihuhuuta, kyanahuusa bweneene ku nyaaja, kyanabalaza ulukuuli lweꞌngware, halinde zanagendi honera mu mbande zooshi zeꞌshumbi. Yizo ngware, ikyanya zikayilunda yo, zanahisa nga meetere nguma yeꞌkimango. Zanakwira hooshi-hooshi, ahandu hoꞌmundu angagenda ulusiku lwoshi.