Yohana 9:31 - Kifuliiru

³¹ Tuyiji-yiji kwo Rurema atali mu yuvwiriza abanabyaha. Ali mu yuvwiriza umundu naaho, iri angaba amúsimbahiri, anabe agweti agaagira byo aloziizi.

Yohana 9:31 ပူးပေါင်းရင်းမြစ်များ

Ndondeko 19:29

Rurema, ikyanya akajigiivya yutwo twaya twa mu ndekeera, akakengeera Hiburahimu. Kiri na Luutu kwakundi, kundu âli tuuziri i Soodoma, haliko atanafwa.

Ndondeko 20:7

«Kwokwo buno, umúgalulirage imunda yiba. Yiba ali muleevi. Kwokwo, agakuhuunira, halinde unalonge ukulama. Si iri wangayumya umutima, ku kasiisa ugaafwa, mwe naꞌbandu ba mu nyumba yawe booshi.»

Hayubu 35:12

«Abanabwikangaate mwene yabo, ikyanya bali mu tabaaza Rurema, atali mu bashuvya.

Hayubu 35:13

Ikyanya umundu ali mu huuna-huuna mu kuyidodomba kwokwo, Rurema woꞌbushobozi bwoshi, atali mu mútwaza.

Hayubu 42:8

«Ku yukwo, muyabiire ishuuli zirinda, neꞌbipanga birinda, munagende imwoꞌmukozi wani Hayubu. Yibyo bitugwa, munabitange gabe matuulo goꞌkusiriiza hiꞌgulu liinyu. Haaho, uyo mukozi wani Hayubu, anamùhuunire. Neꞌkyanya agambuuna hiꞌgulu liinyu, ngamúyuvwiriza. Na ndeke ukumùgirira nga kwoꞌbuhwija bwinyu buli. Mukuba, ngiisi kwo mwâli kizi deta hiꞌgulu lyani, kutâli kwaniini. Si umukozi wani Hayubu, yehe akadeta íbiri ukuli hiꞌgulu lyani.»

Zaburi 106:23

Iri hakatama, Rurema anakyulaga kwo agabashereeza. Halikago umutoolwa Musa, anayitambika ha kati kaage naꞌbandu baage, anamútakira kwo aleke ukubarakarira. Kyanatuma atagaki bashereeza.

Zaburi 143:10

Ngiisi byo uloziizi, ubinyigirize. Mukuba, we Rurema wani. Noꞌmutima gwawe, gulyagagi mwija. Aaho! Ukizi ndongoora haꞌmagulu gangasikama.

Zaburi 145:19

Ngiisi ábali mu ba basimbahiri Nahano, ali mu bashuvya ku magoorwa gaabo. Neꞌkyanya bali mu mútabaaza mu kati kaꞌmalira, ali mu bayuvwa, anabakize.

Zaburi 18:41

Balya bagoma baani, wanabapuumusa. Na ábâli njombiri, nanabaminika.

Zaburi 40:8

Haaho nanadeta: «Keera nayija! Ngolaga hano, e waliha! Ibyeꞌmwani, bikoli yandisirwi mu kitaabo kyawe.

Zaburi 99:6

Musa na Harooni, bâli riiri mu bagingi baage. Samweri naye, âli mu bandu ábâli kizi mútabaaza. Neꞌkyanya Abahisiraheeri bâli kizi mútabaaza ku malira, anakizi bashuvya.

Migani 15:29

Banangora-mabi, Nahano ali mu bayisunga. Si ikyanya abandu boꞌkuli bali mu mútabaaza, ali mu bayuvwa.

Migani 21:13

Ikyanya umundu atali mu tabaala umukeni, naye, ikyanya agagoorwa, atagalonga ubutabaazi.

Migani 28:9

Iri umundu angalahira mbu atagayuvwa imaaja, kiri neꞌkyanya ali mu tabaaza Rurema, ali mu múyagaza.

Hisaaya 1:15

Bwo mugweti mugayitana, amaboko giinyu gakoli yijwiri umuko! Kwokwo, ikyanya mugakizi gagolola mbu mundabaaze, ngakizi mùhindulira ingoto. Kundu mwangambuuna bweneene, ndangaki mùtega amatwiri.

Hisaaya 58:9

Lyoki, mugakizi mbuuna, na ngizi mùyitaba. Ee! Ikyanya mugakizi ndakira, ninamùshuvye kwokuno: “Nie yono, ndi hano!” Kwokwo, mulekage ukukizi kambalirana! Mutanakizi ki tukana, kandi iri kugambana.

Yeremiya 11:11

«Ku yukwo, nie Nahano nadetaga kwo ngola ngashereeza Abayuda. Mu kati kaabo, ndaanaye úgafuushuka. Na kundu bagandakira, halikago ndagabatwaza.

Yeremiya 14:12

Na kundu boonyene bangayishalisa, ndagaki yuvwa amahuuno gaabo. Kundu bangandangira amatuulo goꞌkusiriiza, kiri naꞌgandi matuulo, ndagaki gayakiira. Si ngabaminika ku ngooti, na kwiꞌshali, na ku kiija.»

Yeremiya 15:1

Ha nyuma, Nahano anambwira: «Yabo Bayuda, ndangaki bakejeerera, kundu Musa na Samweri bangayijiri, banabahuunire imwani. Aahago! Bayami na njaaga mu masu! Ubabwire kwo bagendage.

Hezekyeri 8:18

Yago mabi gaabo, go gatumiri ngabahana ku buraakari bwani. Naani ndagaki bakejeerera, kandi iri kubalekeerera. Kundu bangandakira kwiꞌzu lihamu, ndagabatwaza.»

Mika 3:4

Aahabi! Mugweti mugakizi takira Nahano, gira amùtabaale. Kundu kwokwo, atagamùyakula. Bwo mwâli kizi gira ibitalaalwe, akolaga agamùbisha amalanga gaage!

Zakariya 7:13

Anakyulaga, ti: «Ikyanya nꞌgabahamagalaga, batanandwaza, kyanatuma nabo, ikyanya bakandabaaza, ndanabayakula.

Yohana 11:22

Kundu kwokwo, nyiji kwo kiri na buno, ngiisi byo ugahuuna Rurema, agakugirira byo.»

Yohana 15:16

Mutali mwe mukandoola. Haliko nie nꞌgamùtoola. Nanamùtuma kwo mukizi gendi tongeka kweꞌbitumbwe, binayame ho. Kwokwo, ngiisi byo mugakizi huuna Daata kwiꞌziina lyani, agakizi mùheereza byo.

Yohana 4:34

Yesu anababwira kwokuno: «Ibyokulya byani, kuli kukizi gira ubulooze bwo úkanduma, halinde nyuse umukolwa gwo akambiika kwo.

Yohana 7:17

Umundu, iri angaba ashungisiri ukugira byo Rurema aloziizi, yoyo ye gaamenya iri amigirizo gaani galyosiri imwa Rurema, kandi iri gali ga kuyihalangira.

Yohana 9:30

Na wa naye, ti: «Kitangaaza kiinyu yikyo! Mbu mutayiji imunda akalyoka, keera anambumuula!

Yohana 9:32

Aahago! Ukulyokera heꞌkihugo kikabumbirwa, tutazindi yuvwa kwo hali úkabutwa ali mbumi, mbu anahumuulwa.

Bukengeeze 1:45

«Ikyanya mukagalukaga, mwanatakira Nahano bweneene, iri munaliruuka. Kundu kwokwo, anamùhindulira ingoto, atanamùtwaza.

Baheburaniya 10:7

Haaho, nꞌganakubwira: “E Rurema, keera nayijaga, gira nyiji gira ngiisi byo uloziizi. Biri nga kwo biyandisirwi hiꞌgulu lyani mu Mandiko Meeru.”»