Yohana 5:23 - Kifuliiru

²³ Kwokwo, lyaꞌbandu booshi bakizi simbaha Umwana wage, nga kwo basimbahiri Yishe. Haliko, iri umundu angaba atasimbahiragi Umwana wage, iri na Yishe, atakiri mu músimbaha. Mukuba, uyo Yishe ye kamútuma.

Yohana 5:23 ပူးပေါင်းရင်းမြစ်များ

Zaburi 2:12

Ulya muluzi wage, mukizi múfukamira, gira atayagalwe. Mukuba, hali ikyanya uburaakari bwage, bwangayami yaka, munayiji kengeera mwashereezibwa, munakiri mu njira. Bahiriirwi, ngiisi ábagatibitira Nahano, gira akizi balanga.

Hisaaya 42:8

«Niehe nie Nahano. Yiryo iziina, liri lyeꞌmwani naaho! Ubulangashane bwani, ndagabushangiira noꞌgundi yeshi. Ndanâye leke ubwivuge bwani buhaabwe imigisi.

Hisaaya 44:6

Nahano woꞌbushobozi bwoshi, ali mwami waꞌBahisiraheeri, ye na Lukiza wabo. Adetaga kwokuno: «Niehe nie ndangiriro, na ndi nie nyukizo. Ha nyuma lyani, ndaaye gundi Rurema.

Hisaaya 45:15

E Bahisiraheeri, Rurema winyu, kundu atabonesiri, haliko ye Lukiza.

Hisaaya 45:21

Balya bandu, mubabwirage kwo banyijire. Ee! Tuganuulire kuguma! Ngiisi íbiri mu koleka buno, nyandagi úkagwanwa abiyerekana? Ka hali úkagwanwa abimenyeesa? Nanga, maashi! Si niehe Nahano naaho nie kabideta! Kwokwo, ndaaye gundi Rurema, átali niehe. Nie Lukiza úkwaniini, na ndi Rurema woꞌkuli. Ndaaye gundi úli ho!

Zakariya 9:9

E bandu beꞌSayuni! Mushambaalage! E bandu beꞌYerusaleemu! Mubandage akabuuli! Langiizi! Mwami winyu agweti agamùyijira. Uyo mwami, ye kwaniini, anali muhimi. Kuguma na yibyo, ali mutuudu, anashoniri ku punda. Punda wage, akiri mwanuke.

Mataayo 10:37

«Umundu, iri angaba akuuziri yishe, kandi iri nyina, ukuhima kwo anguuziri, yehe atakwaniini kwo abe weꞌmwani. Neꞌri angaba akuuziri mugala wage, kandi iri munyere wage, ukuhima kwo anguuziri, yehe naye, atakwaniini kwo abe weꞌmwani.

Mataayo 11:27

«Daata, keera akanzikiiriza byoshi. Ndaaye úyiji Umwana, átali Daata yenyene. Ndaanaye úyiji Daata, átali Umwana, na ngiisi yoꞌlya Mwana aloziizi ukumúyereka.

Mataayo 12:21

Abapagaani booshi, bagakizi múbiika kwoꞌmulangaaliro.»

Mataayo 15:8

“Yaba bandu, bagweti baganzimbaha ku tunwa naaho. Si imitima yabo, ikoli yisuuziri hala!

Mataayo 28:19

Ku yukwo, mugendage mu bandu beꞌmilala yoshi, munakizi bagira babe bigirizibwa baani. Mukizi babatiiza kwiꞌziina lya Daata, na lyoꞌMwana, na lyoꞌMutima Mweru.

Luka 10:16

Yesu anashubi bwira abigirizibwa baage: «Umundu, iri angamùyuvwa, iri nie ayuvwa! Haliko, iri angamùlahira, iri nie alahira. Neꞌkyanya andahiiri, iri alahira kiri noꞌlya úkanduma.»

Yohana 14:1

«Mutakizi gerania mu mitima yinyu! Mukizi yemeera Rurema, na naani mukizi nyemeera.

Yohana 16:14

«Neꞌkyanya gugakizi yabiira amagambo imwani noꞌkukizi mùmenyeesa go, lyo gugandeetera ubulangashane.

Yohana 17:10

«Ngiisi byo mbiitagi byoshi, biri byeꞌmwawe. Neꞌbyo uhiiti byoshi kwakundi, biri byeꞌmwani. Nabo, keera nalonga ubulangashane mu kati kaabo.

Barumi 1:7

Kwokwo, ngweti ngamùyandikira, mwe bandu beꞌRumi. Rurema amùkuuziri, keera akanamùhamagala kwo mube bandu baage bataluule. Daata Rurema, na Nahamwitu Yesu Kirisito, bakizi mùgashaanira! Banakizi mùheereza noꞌmutuula.

Barumi 15:12

Hisaaya naye adesiri: «Mwiꞌkondo lya Yese, mwo mugalyoka mundu muguma. Ye gayimikwa abe mutwali wa ábatali Bayahudi, halinde bakizi múbiika kwoꞌmulangaaliro.»

Barumi 6:22

Buno, mutaki ryagagi mu buja bwoꞌkukizi gira ibyaha, si mukoli ba baja ba Rurema. Na bwo mukoli yerusiibwi, mukola mu longa ubunguke, halinde munalame imyaka neꞌmyakuula.

Barumi 8:9

Ee! Umundu, iri angaba atali mwoꞌMutima gwa Kirisito, iri atali mundu wage. Halikago mwehe, mutali mu twalwa naꞌmifwije giinyu mabi. Si mukola mu rongoorwa noꞌMutima gwa Rurema, iri gwangaba gukoli mùtuuziri mwo.

1 Bakorindo 1:3

Kwokwo, Daata Rurema, na Nahamwitu Yesu Kirisito, bakizi mùgashaanira! Bakizi mùheereza noꞌmutuula.

1 Bakorindo 10:31

Nangashuvya: «Ngiisi byo ugakizi gira, kuba kulya, kandi iri kunywa, kandi iri ngiisi bindi byoshi, ukizi bigira ku njira yo Rurema agakizi yivugwa mwo.»

1 Bakorindo 16:22

Umundu, iri angalahira ukukunda Nahano, adaakwe! E Nahamwitu! Uyijage!

1 Bakorindo 6:19

Ka mutayiji kwaꞌmagala giinyu, iri nyumba yoꞌMutima Mweru? Ee! Rurema keera akamùheereza gwo, gunakoli mùtuuziri mwo. Kwokwo, mutakiri bandu ba ha lwinyu mwenyene!

2 Bakorindo 1:9

Ee! Twâli langaliiri kwo tugayitwa naaho. Bikaba kwokwo, gira lyo Rurema abe ye tugakizi yegamira, bwo ye mu zuula abafwiri. Si tutakizi yiyegamira twenyene.

2 Bakorindo 5:14

Urukundo lwa Kirisito, lwo lugweti lugaturongoora. Mukuba, tuyemiiri kwo Kirisito akafwira abandu booshi. Na buno, booshi bakoli fwiri mu kati kaage.

2 Bakorindo 5:19

Na bwo Rurema keera akayinywaniisa naꞌbandu ku njira ya Kirisito, atakiri mu baharuurira amahube gaabo. Kwokwo, nyiitu, keera akatuheereza umukolwa gwoꞌkuyereka abandu ngiisi kwo banganywana bo naye.

Bahefeso 6:24

Rurema akizi mùgashaanira mweshi, mwe mukuuziri Nahamwitu Yesu Kirisito ku rukundo úlutâye male.

2 Timoteyo 1:12

Yo na yeyo, yo itumiri ngweti ngalongaga yaga malibu. Kundu kwokwo, ndayuvwiti ishoni. Nyiji Yesu bwija, ninamúbiisiri kwoꞌbwemeere. Na ndi naꞌkasiisa kwo ngiisi byo akanzikiiriza, ashobwiri ukukizi bilanga, halinde ukuhisa ku lusiku lwo agagaluka kwo.

Baheburaniya 1:6

Ikyanya Rurema akatumaga Umwana wage weꞌfula hano mu kihugo, anakyula kwokuno: «Abaganda baani booshi bakwiriiri bakizi múyikumba!»

2 Peturu 1:1

Yaga maruba, galyoka imwani, nie Simooni Peturu. Ndi mukozi wa Yesu Kirisito, na ndi ndumwa yage. Gatumwa imwinyu, mwe mukalonga ubwemeere úbuli neꞌkishingo kihamu nga bweꞌmwitu. Mukuba, Rurema witu, kuguma na Lukiza witu Yesu Kirisito, bali mu gira íbikwaniini.

2 Peturu 3:18

Mugenderere ukukizi yiga ingingwe hiꞌgulu lya Nahamwitu Yesu Kirisito, Lukiza witu. Munakizi genderera mu lukogo lwage. Abe ye gakizi longa ubulangashane, ukulyokera buno, halinde imyaka neꞌmyakuula! Bikizi ba kwokwo!

1 Yohana 2:23

Mukuba, iri umundu angalahira uyo Mwana, iri ataki hiiti ingoome na Yishe. Haliko, iri angaba ayemiiri Umwana wage, iri ahiiti ingoome na Yishe kwakundi.

2 Yohana 1:9

Umundu, iri angaba atali mu kania amigirizo ga Kirisito, anabe ayifuuziri mu gandi-gandi, uyo atakiri neꞌngoome na Rurema. Haliko, iri angaba agenderiiri mu gaago migirizo ga Kirisito, iri ali neꞌngoome na Rurema, kuguma noꞌMwana wage.