Yohana 5:14 - Kifuliiru

¹⁴ Ha nyuma, ulya mundu, Yesu anamúgwana mu nyumba ya Rurema, anamúbwira: «Lola! Ukola mugumaana. Utwikirage ku byaha byawe, utayiji kengeera wakalalirwa ingingwe.»

Yohana 5:14 ပူးပေါင်းရင်းမြစ်များ

2 Kutondobola 28:22

Kundu mwami Ahaazi âli mali shundeera, si akakaviiriza ukugayiriza Nahano.

Nehemiya 9:28

Kundu kwokwo, ikyanya bakaba bakoli tuuziri mu mutuula, banakizi shubi yifunda mu byaha imbere lyawe. Kwokwo, wanashubi bajanda, wanababiika mu maboko gaꞌbagoma baabo, gira babatwale. Neꞌkyanya bakashubi kutakira, wanabayuvwiriza yaho mwiꞌgulu. Ee! Ukabayuvwirwa indengeerwa, wanakizi bakiza ubugira kingi.

Zaburi 118:18

Mukuba, kundu Nahano akambaniiriza bweneene, halikago, atakandeka kwo nvwe.

Zaburi 18:22

Na bwo ndi mu simbaha imaaja zaage, anambemba, ndakanayihandula ku Rurema wani mbu ngizi kola amabi.

Zaburi 27:6

Kundu abagoma bagaaba bakoli nzokaniini, haliko ngaaba nguziibwi imbere lyabo. Na ngizi tangira Nahano ituulo lyoꞌkusiriiza mwiꞌheema lyage. Na ngizi múbandira akabuuli, awi yiyi yiyi! Ee ma! Ngakizi múyimbira, iri ninamúlakiza ululanga.

Zaburi 9:13

Ikyanya abandu bagweti bagalibuzibwa, bali mu lirira Rurema. Atanali mu balekeerera, si ali mu bakengeera, iri anabayihoolera.

Hisaaya 38:20

Nahano keera akangiza! Ku yukwo, tugakizi shiiba mu nyumba yage isiku ziitu zooshi, tugweti tugamúlakiza inyimbo.

Balaawi 13:20

«Uyo mugingi, ikyanya keera ahaloleekeza, ngeeka angabona kwo hahobosiri, neꞌbikarakara byaho keera byayeluluka. Kwokwo, agamenyeesania kwoꞌyo mundu akoli yulubiiri. Yiryo ihute, linabe keera lyahinduka mubembe.

Balaawi 26:27

«Iri mwangalonga yibyo bihano, munabe muki genderiiri ukundahira,

Balaawi 7:12

Yiryo ituulo, iri wangalitanga mu kudeta kongwa, wangatanga ikitugwa kyoꞌkusiriiza, unakiyushuule kweꞌkitumbula kizira saama, kinabe kifushe mwaꞌmavuta, kandi iri igaleeti nvushe mwaꞌmavuta, kuguma neꞌbindi bitumbula íbyagirwa mu mushyano mulembu, gunabe mubushe naaho mwaꞌmavuta.

Mataayo 12:45

«Lyeryo, kirya kisigo kinagendi leeta ibyabo bisigo birinda, íbibihuusiri ukukihima. Byoshi binayami yifunda muꞌlya mundu, binamútuule mwo. Kwokwo, ubuzinda, ulya mundu anakalaalirwe bweneene, ukuhima kwo atákalaliirwi ubwa mbere. Kwo na kwokwo kwo bigaaba, na mu bandu ba kino kibusi, bwo bakoli bihuusiri bweneene!»

Mariko 2:5

Iri Yesu akabonaga ngiisi kwo bamúbiisiri kwoꞌbwemeere, anabwira lulya luzingo kwokuno: «E mwana wani, ibyaha byawe, keera byakogwa.»

Yohana 5:13

Haliko, uyo mundu atâli múyiji. Mukuba, hâli riiri abandu bingi, na Yesu âli mali balyoka mwo.

Yohana 5:5

Yaho hiꞌbenga, hâli riiri mundu muguma, úwâli kola neꞌmyaka makumi gashatu na munaana alwaziri.

Yohana 8:11

Ulya mukazi, ti: «E nahano, ndaaye.» Yesu anamúbwira: «Aaho! Kiri na naani, ndagadeta kwo uhanwe. Uyigendere. Si ukulyokera buno, utaki shubi yifunda mu byaha.»]

1 Peturu 4:3

Mukuba, keera mukateera ikihe kingi mu byaꞌbapagaani bali mu yisimiisa mwo. Mwâli kizi yifunda mu busambani, mu kati koꞌkulungumirwa. Mwanâli kizi na yifunda mu bulalwe, na mu bindi íbitali nga byo, binateeziri ishoni. Mwanâli kizi yikumba imigisi, kundu biri bya kuneenwa.