Yohana 3:32 - Kifuliiru

³² «Uyo, ngiisi byo akayiboneraga, anabiyiyuvwirwa, byebyo byo agweti agatubwira. Kundu kwokwo, ndaaye úgweti úgamútwaza.

Yohana 3:32 ပူးပေါင်းရင်းမြစ်များ

Hisaaya 50:2

Ikyanya nꞌgayija, si ndaaye mundu ye nꞌgagwana! Ikyanya nꞌgayiguza, ndaaye úkayitaba. Aaho! Ka mutoniragi kwo ndashobwiri ukumùkiza? Si ndi mu yami kamya inyaaja mu kudeta naaho! Neꞌnyiiji kwakundi, ndi mu zikamya, libe ishamba, halinde ifwi zooshi zinayami fwa, zinabole.

Hisaaya 53:1

Irya ndumwa, ikyanya tukagimenyeesa, ka hali úkagiyemeera? Neꞌkyanya ubushobozi bukayerekanwa, ka hali úkamenya kwo buli bweꞌmwa Nahano?

Mataayo 7:8

Umundu, iri angahuuna, agahaabwa. Neꞌri angashakula, agalonga. Neꞌri angayiguza, agayigulirwa.

Yohana 1:11

Kundu akayija imwabo, haliko beene wabo batanamúyakiira.

Yohana 15:15

«Ndakiri mu mùbuuza bakozi. Mukuba, ikyanya nahamwabo ali mu gira igambo, umukozi atali mu limenya. Haliko, ngola mu mùbuuza biira baani. Mukuba, byoshi byo nꞌgayuvwa imwa Daata, keera nꞌgamùmenyeesa byo.

Yohana 18:37

Pilaato anashubi múbuuza: «Aaho! Ka kwo kudeta kwo uli mwami?» Yesu, ti: «Si wenyene keera wadeta kwo ndi mwami! Na íbikatuma nꞌgabutwa hano mu kihugo, gira ngizi tanga ubumasi hiꞌgulu lyoꞌkuli. Neꞌri umundu angaba ali woꞌkuli, ali mu nyuvwiriza.»

Yohana 3:11

Nakubwiraga ukuli, kwo ngiisi byo tugweti tugaadeta, tubiyiji-yiji. Noꞌbumasi bwitu, tuli mu butanga ku byo tukayibonera. Kundu kwokwo, mutabutwaziizi.

Yohana 3:26

Yabo bigirizibwa ba Yohana, banamúyijira, banamúbwira: «E Rabi! Ulya mundu ye mwâli ririinwi i kajabo koꞌlwiji Yorodaani, lolaga yoyo naye, akoli gweti agabatiiza abandu. Abandu booshi, banakola mu múkulikira. Kiziga, ye yolya Masiya úkagwana watangira ubumasi.»

Yohana 3:33

Si umundu, iri angamúyemeera, iri keera ayerekana kwo Rurema ali woꞌkuli.

Yohana 5:20

«Yishe, akuuziri Umwana wage, anali mu múyereka ngiisi byo agweti agaagira. Aganaki múyereka kiri na íbihimiri yibi, halinde lyo musoomerwa!

Yohana 8:26

Hali amagambo mingi go nangadesiri mu kumùtwira ulubaaja. Haliko, ndi mu deta naaho ngiisi byo nꞌgatumwa. Noꞌlya úkanduma, ali woꞌkuli.»