Yohana 3:20 - Kifuliiru

²⁰ «Umundu, iri angaba agweti agaagira amabi, iri ashombiri umulengeerwe, atanali mu guyegeera. Mukuba, ayobohiri kwo yago mabi gaage gagayiji menyeekana ha bweruula.

Yohana 3:20 ပူးပေါင်းရင်းမြစ်များ

2 Samweri 13:9

Yibyo bitumbula, iri bikahya, anabikondoola, anabiheereza Hamunooni. Haliko, analahira, ti: «Abandu booshi batee hulukira imbuga.»

1 Baami 22:8

Mwami waꞌBahisiraheeri, ti: «Hakiri Mikaaya mugala Himula. Yiryo ihano lya Nahano, twangamúhuuna lyo. Haliko ndi mu múnegura, bwo atali mu ndangira ubuleevi bwija. Si ayamiri ali mu ndetera amabi naaho.» Na wa Yehoshafaati, ti: «E maashi mwami, ukudeta kwokwo, kutakwaniini.»

1 Baami 3:20

Kahola-masiga, ikyanya ngiri mwiꞌro, anavyuka, anayiji nyomboola uweꞌmwani, anagendi múgwejeza ku ngingo yage. Ha nyuma, anayabiira ikirunda kyoꞌwe mwage, anayiji kilambika ha butambi lyani.

Zaburi 50:17

Si ikyanya bagweti bagakuyerekeza, uli mu banegura! Unali mu shemya amagambo gaani ha butambi.

Migani 1:29

Si mwâli kizi shomba ubwitegeereze, mutanasiima kwo mukizi simbaha Nahano!

Migani 15:12

Umundu waꞌkazingati, atali mu looza ukuyerekezibwa. Atanali mu looza mbwaꞌbitegeereza bakizi múhanuula.

Migani 16:30

Ngiisi úli mu lolana niꞌsu libi, ali mu ba keera ashungika igambo libi. Ngiisi úli mu kaaja imihondo, naye ali mu ba ashungisiri ukugira amabi.

Migani 2:13

Injira ízigolosiri, yabo babi bali mu zijandagira, gira bakizi genda mu kihulu.

Migani 4:18

Imikolezi ya ábakwaniini, iri nga lukula. Umulengeerwe gwayo, guli mu kizi genderera ukuyaka, halinde izuuba linatanguule.

Migani 5:12

iri unadeta: «Yoho wee! Kituma kiki ndakalooza ukuyerekezibwa? Si ikyanya nꞌgalongaga ihano, umutima gwani gutâli litwaziizi!

Yeremiya 9:6

Nahano woꞌbushobozi bwoshi ashubi detaga kwokuno: «Yabo Bayuda, ngola ngabagera, nga kwo bali mu leeza ikyuma mu muliro. Ndaakwo kundi nangabagirira, bwo bakoli yifuuziri mu byaha.

Luka 11:45

Lyeryo, muguma wa mu bigiriza beꞌmaaja, anabwira Yesu: «E Mwigiriza, ikyanya uli mu detaga yaga magambo, na nyiitu, uli mu ba keera watutuka!»

Yohana 3:21

«Haliko, iri umundu angaba agweti agaagira ibyoꞌkuli, yehe ye mu yegeera umulengeerwe, gira lyeꞌmikolezi yage iboneke ku bweranyange kwo iri mu girwa mu kati ka Rurema.»

Yohana 7:7

Mwehe, bitangaziga kwaꞌbandu beꞌkihugo bamùshombe. Halikago niehe, bakoli njombiri, bwo ngweti ngayerekana kweꞌmikolezi yabo iri mibi.