Yohana 19:39 - Kifuliiru

³⁹ Ku yikyo kyanya, uyo Yusefu âli riiri kuguma na Nikodeemu, ulya úkayijira Yesu bushigi. Nikodeemu âli betwiri ifumba lyoꞌmubadu gweꞌmanemane umufushe mwoꞌmubadu gweꞌhuudi. Yiryo ifumba, lyâli hisiri nga bilo makumi gashatu.

Yohana 19:39 ပူးပေါင်းရင်းမြစ်များ

Ndondeko 50:2

Ha nyuma, Yusefu anabwira abafumu ábâli kizi múkolera, kwo bayiji shiiga ikirunda kya yishe umuti, gira kitabole. Yabo bafumu, banamala isiku makumi gana bagweti bagakishiiga kwoꞌmuti, nga kweꞌmigeeza yabo yâli riiri. Balya Bamiisiri, banahisa isiku makumi galinda bajondamiri, bali mu kigandaaro kya Yakobo.

2 Kutondobola 16:14

anaziikwa mu shinda yo âli mali gwanwa ayihumbira, mu Kaaya ka Dahudi. Ikirunda kyage, bakakigwejeza ku ngingo njiige kwaꞌmalaasi ga kwingi-kwingi, nga kwo gakategaanurwa naꞌbahinga ábali mu galingaania. Babuli twana ikombe lyoꞌmuliro mwingi mu kumúgingika.

Zaburi 45:8

Ukuuziri íbikwaniini. Haliko amabi goohe, ugashombiri. Kyo kikatuma Rurema wawe akakukuza, ube hiꞌgulu lyaꞌbiinyu. Anakushiiga amavuta mu kati koꞌbushambaale.

Migani 7:17

Keera nanabishangira kwoꞌmubadu, naꞌmanemane, neꞌhudi, noꞌmudalasini.

Lwimbo Lwija 1:13

Umukundwa wani ali ngiꞌfumba lyoꞌmubadu úgugweti gugahuumura bwija. Emwe! Aluhuusiri mu mabeere gaani.

Lwimbo Lwija 4:14

Bihimiri kiri neꞌnarido nvushe mweꞌzafarani, noꞌmushaayi-shaayi kuguma noꞌmudalasini, neꞌzindi mbuto íziri noꞌmuhongolo mwija.

Lwimbo Lwija 4:6

Ikyanya bútazi tejuukana, neꞌbimbehwa bítazi nyerera, ngakwabadukira ku mugazi gwoꞌmubadu, naꞌmalaasi.

Mataayo 12:20

Isanga írikoli gingiiri, atagalidongoola. Niꞌtara, iri lyangaba likoli fwifwitiiri, atagalizimya. Agayihangaana, halinde íbikwaniini bibe byo bigaahima.

Mataayo 19:30

Abingi, kundu baki ryagagi ba mbere buno, bagayiji ba beꞌnyuma. Na ábakiri beꞌnyuma buno, bagayiji ba beꞌmbere.»

Mataayo 2:11

Balya banabwenge beꞌndonde banayingira mu nyumba. Neꞌri bakabonaga ulya mwana, ali kuguma na nyina Maryamu, banafukama imbere lyage, banamúyikumba. Ha nyuma, banabohoola amafumba, banatengula umwana inooro, noꞌmubadu, naꞌmanemane.

Mariko 16:1

Yulwo lusiku lweꞌSabaato, iri lukaba keera lwalenga, Maryamu weꞌMagadala, na Maryamu nyina wa Yakobo, na Saloomi, banagendi gula amalaasi, gira bakagashangire ku kirunda kya Yesu.

Yohana 12:3

Uyo Maryamu anayabiira injebe, nga ya litiri nguma. Iyo njebe, yâli riiri mwaꞌmalaasi geꞌkishingo kikayu ágakayengwa mu narido muguuhya. Yago malaasi, Maryamu, anagafukumulira ku magulu ga Yesu, anakizi ganywereza noꞌmushaku gwage. Umuhongolo gwago, gwanayijula mwiꞌyo nyumba yoshi.

Yohana 12:7

Uyo Yuda, Yesu anamúshuvya, ti: «Uyu mukazi, umúleke! Si âli shungikiirwi kwo alange yaga malaasi, halinde ku lusiku lwo ngaziikwa kwo.