Yohana 19:31 - Kifuliiru

³¹ Yulwo lusiku, lwâli kola lusiku lwoꞌkuyitegaanura kwo, ku lusiku lweꞌSabaato. Na bwoꞌlusiku lweꞌSabaato lwo lwâli riiri lukulu ku zaabo, kyanatuma Abayahudi batagalooza kweꞌbirunda bibeere-beere ku bibambo. Ku yukwo, banagendi huuna Pilaato kwo ábabambwa bayami vunwa amagulu, gira ibirunda byabo biyami shonoolwa ku bibambo.

Yohana 19:31 ပူးပေါင်းရင်းမြစ်များ

Kulyoka 12:16

Ku lusiku lwa mbere, mube noꞌmuhumaanano mutaluule. Na ku lusiku lwa kalinda, mube noꞌgundi. Mu yizo siku zombi, hatagirage umukolwa gwo mugaagira, gútali gwoꞌkulingaania ibyokulya naaho.

Migani 12:10

Umundu mwija ali mu kuya-kuya ibitugwa byage. Si banangora-mabi boohe, kundu bangagira mbu bakejeererane, iri banakiri balangi naaho.

Mika 3:3

Mugweti mugakizi shulula iminyofu yaꞌbandu baani, noꞌluhu lwabo, munavune naꞌmavuha gaabo. Muli mu batenga-tenga nga nyama ízigadeekerwa mu nyungu. Iyo iminyofu yabo, mukabuli kizi givwajagira.»

Mataayo 27:62

Yulwo lusiku lwoꞌkuyitegaanura kwo, lwanalenga. Neꞌri bukakya, abakulu baꞌbagingi, naꞌBafarisaayo, banakuumana imwa Pilaato,

Mariko 15:42

Lwâli kola lusiku lwoꞌkuyitegaanura kwo, imbere lyoꞌlusiku lweꞌSabaato. Neꞌri kakaba kakola kabigingwe,

Yohana 19:1

Pilaato anabwira abasirikaani kwo bayabiire Yesu, bamúhimbule.

Yohana 19:14

Yibyo bikakoleka ku kihe nga kyaꞌkalenge-renge. Lwanâli kola lwo lusiku lwoꞌkuyitegaanura kwo, hiꞌgulu lyoꞌlusiku lukulu lweꞌPasaka. Haaho, Pilaato anabwiraga Abayahudi, ti: «Lolagi! Mwami winyu uno!»

Yohana 19:42

Kwokwo, balya bombi banayami lambika ikirunda kya Yesu mwiꞌyo shinda, bwo yo yâli riiri hoofi. Yulwo lusiku, lwâli kola bu mala. Lunali lwaꞌBayahudi bali mu yitegaanura kwo, ku lusiku lweꞌSabaato.

Yoshwa 8:29

Ulya mwami weꞌHayi, Yoshwa anamúmanika ku kiti, anamúsiga kwo, halinde kabigingwe. Iri izuuba likaba likola ligasooka, Yoshwa anabwira abandu kwo bagendi lyosa ikirunda ku kiti, banagendi kikabula kwiꞌrembo lyaꞌkaaya, banakilunda kwaꞌmabuye, ganakiri ho halinde zeene.