Yohana 19:24 - Kifuliiru

²⁴ Yabo basirikaani banasalizania, ti: «Yiri ikanju, tutalibere! Haliko, tulitaare, gira tumenye úgalitwala.» Bikaba kwokwo, gira lirya igambo likolekage, íryâli mali gwanwa lyadetwa mu Mandiko Meeru kwokuno: «Ibyambalwa byani, bagweti bagabigabaana. Ikanju lyohe, banalitaara.» Kunali kwokwo kwo bakagira.

Yohana 19:24 ပူးပေါင်းရင်းမြစ်များ

2 Baami 15:12

Kwokwo, kwiꞌgambo lya Nahano likayiji koleka, nga kwo likagwanwa lyabwira mwami Yehu, ti: «Abandu baawe bagakizi twala mu kihugo kyeꞌHisiraheeri, halinde ku kibusi kya kana.»

Zaburi 22:18

Amavuha gaani gooshi, gakoli bonesiri. Abandu bagweti bagambenekera, iri bananyamiriza, yuu!

Kulyoka 28:32

Ulisige kwoꞌbutule ha kati, gira akizi leeza mwiꞌtwe. Yubwo butule, ububiike kweꞌkindi kitubiko, lyo butabereke.

Hisaaya 10:7

Yabo Bahasuriya, kiziga batayiji kwo nie gweti ngabakoleesa! Si inzaliro zaabo, ziri kundi-kundi! Boohe, baloziizi naaho kwo bagendi shereezania lwoshi, halinde bagwanwe keera baminika abandu mu mahanga mingi-mingi.

Mataayo 27:35

Haahago, banamúbamba ku kibambo. Neꞌbyambalwa byage, banabitaara, mu kubigaba.

Mariko 15:24

Haahago, banabamba Yesu ku kibambo. Neꞌri bakamúbamba, banataara imirondo yage, mu kugigaba, lyo bamenya byo ngiisi muguma wabo agatwala.

Luka 23:34

Yesu anadeta: «E Daata, ubakoge! Yibi byo bagweti bagaagira, batabiyiji.» Yabo basirikaani, banataara imirondo ya Yesu, mu kugigaba.

Yohana 10:35

yabo bandu ábakayakiira Amandiko Meeru, Rurema ababwira kwo bali bamungu. Tunayiji kwo mu kati kaago, ndaalyo igambo íryangahotolwa.

Yohana 13:18

«Ikyanya ndi mu deta yaga magambo, gatali hiꞌgulu liinyu mweshi. Nyiji bwija ngiisi bo nꞌgatoola. Si lirya igambo likwiriiri likoleke, íriyandisirwi mu Mandiko Meeru kwokuno: “Ulya ye twashangiira umukate, keera anyihindulira.”

Yohana 19:28

Ha nyuma, Yesu anabonaga kwo byoshi keera byakoleka. Kwokwo, anadeta: «Nanyooterwa!» Na íbikatuma agaadeta kwokwo, gira igambo likolekage, nga kwo lyâli mali gwanwa lyadetwa mu Mandiko Meeru.

Mikolezi 13:27

Kundu kwokwo, abandu beꞌYerusaleemu, naꞌbatwali baabo, batakamenya kwo Yesu ye Lukiza, banamútwira ulubaaja lwoꞌkuyitwa. Mu kugira kwokwo, lyo bakakoleesa amagambo ágâli mali gwanwa gayandikwa hiꞌgulu lyage mu bitaabo byaꞌbaleevi, go ganali mu somwa ku ngiisi lusiku lweꞌSabaato.