Yohana 16:21 - Kifuliiru

²¹ «Kiri noꞌmukazi, ikyanya akola agaabuta, ali mu liibwa noꞌmukero, bweꞌkyanya kyage kyahikaga. Kundu kwokwo, ikyanya ali mu ba keera abuta, yugwo mukero, ali mu yami guyibagira, bwo ali mu ba keera abuta umwana mu kihugo, anabe akola mu yuvwa amalega naaho.

Yohana 16:21 ပူးပေါင်းရင်းမြစ်များ

Ndondeko 3:16

Uyo mukazi, Rurema anabuli múbwira: «Mu kubuta, ngakizi kuyushuulira umukero, unakizi buta abaana ku bulyanirwe. Ugakizi yifwija yibalo. Ye gaanaba mutwali wawe.»

Hayubu 11:16

Haaho, ugayibagira amakuba gaawe gooshi, si gagakizi ba nga migezi keera íkalenga.

Zaburi 113:9

Umukazi, kundu angaba agumbiri, haliko Rurema ali mu múshambaaza mu nyumba yage, anamúheereze abaana. Tukizi huuza Nahano!

Hisaaya 13:8

Yabo booshi bakola mu shenguka, iri banababala. Bakola mu lyanirwa, nga mukazi úkola mu liibwa noꞌmukero. Bakola mu lolana-lolana kwo mu kati keꞌkyoba. Na bwo bakoli humiirwi, amalanga gaabo gakola mu yaga-yaga nga muliro.

Hisaaya 21:3

Ala nie! Ngoli yuvwiti ubulyanirwe mu kibuno. Bukola mu lyana nga mukero gwoꞌmukazi. Ngiisi byo ngola mu yuvwa, bikoli nyobohesiizi! Kiri na byo ngola mu bona, biri mu mbiika uluhuha.

Hisaaya 66:7

Umukazi atangabuta umwana woꞌbutabana, átazi yuvwa umukero.

Mika 4:10

E batuulaga beꞌYerusaleemu! Mugenderere noꞌkugongeera, iri munabululuka nga mukazi úkola mu liibwa noꞌmukero. Si mukola mugashaagaga mu kano kaaya, munagendi tuula mu mbinga. Ee! Mukola mugatwalwa hala, i Babeeri. Halikago mango muba mukola iyo munda, Nahano agayiji mùkiza, anamùguluule mu maboko gaꞌbagoma biinyu.

Mika 4:9

Aahago! Kituma kikagi mugweti mugabanda akashiba? Ka mutaki hiiti mwami? Ka keera mwateera abitegeereza? Si mukoli lyaniirwi, nga mukazi úkoli gweti úgaliibwa noꞌmukero!

Bagalatiya 4:27

Mukuba, biyandisirwi mu Mandiko Meeru kwokuno: «E ngumba, we tazindi buta! Ugire naawe ushambaale! Kundu utazindi yuvwa umukero gwoꞌkubuta, unabande akabuuli, awi yiyi yiyi! Mukuba, umukazi úkakorora, ye gaaba naꞌbaana bingi ukuhima nakiriri.»

1 Batesaloniki 5:3

Neꞌkyanya abandu bagaaba bakiri mu deta: «Tuli noꞌmutuula, tuli noꞌbutoge», lyeryo lyo bagayami shereezibwa. Bigaaba nga kwoꞌmukazi weꞌnda ali mu yami hikirwa noꞌmukero. Yabo bandu batagafuushuka, kiri neꞌhiniini!