Yohana 14:21 - Kifuliiru

²¹ «Umundu, iri angaba ayemiiri imaaja zaani, agakizi zisimbaha. Uyo ye nguuziri. Na bwo anguuziri, Daata naye agamúkunda. Na naani kwakundi ngamúkunda, na ngizi yiyerekana imwage.»

Yohana 14:21 ပူးပေါင်းရင်းမြစ်များ

2 Baami 18:6

Âli kizi fiitirwa ku bya Nahano, atanamújanda. Zirya maaja zo Nahano akaheereza Musa, âli kizi zikania bweneene.

Zaburi 35:27

Abiira baani ábayiji kwo ndahiiti ubuhube, bakizi shambaala, iri banakizi banda utubuuli. Bakizi deta: «Nahano ayivugwe, bwo asiimiri ukukizi heereza umukozi wage amiija.»

Kulyoka 33:18

Na wa Musa, ti: «Nakuyinginga, unyereke ubulangashane bwawe.»

Migani 8:17

Ngiisi ábanguuziri, naani mbakuuziri. Na ngiisi ábagweti bagandooza, bagayiji ndonga.

Yeremiya 31:31

«Mu siku ízigayija, ngashubi nywana ikihango kihyahya naꞌBahisiraheeri, kiri naꞌBayuda.

Sefaniya 3:17

Rurema Nahamwinyu, mutuliinwi. Ali kihagarusi! Aganamùhimira. Ee ma! Agakizi mùsiimira bweneene, muganakizi luhuuka mu kati koꞌrukundo lwage. Agakizi mùshambaalira ku nyimbo, mu kati koꞌmulengo.»

Luka 11:28

Yesu anamúshuvya: «Nanga! Si bahiriirwi, ngiisi ábagweti bagayuvwa Igambo lya Rurema, banakizi lisimbaha!»

Yohana 14:15

«Iri mwangaba munguuziri, mugakizi simbaha neꞌmaaja zaani.

Yohana 14:18

«Ndagamùsiga nga fuuvi! Si ngaki shubi galukira imwinyu.

Yohana 15:14

Na mwehe, mukola biira baani, iri mwangakizi gira byo ndi mu mùbwira.

Yohana 16:14

«Neꞌkyanya gugakizi yabiira amagambo imwani noꞌkukizi mùmenyeesa go, lyo gugandeetera ubulangashane.

Yohana 16:27

Mukuba, Daata yenyene amùkuuziri. Keera mukangunda, mwanayemeera kwo nꞌgalyoka imwage.

Yohana 17:23

Kwokwo, ngabatuula mwo. Na naawe unanyame mwo. Yubwo buguma bwabo, nakuhuuna kwo budimirize, halinde lyaꞌbandu beꞌkihugo bakalonge ukumenya kwo we kanduma! Bamenye na kwo ukuuziri yabo bandu baawe, nga kwo naani unguuziri.

Mikolezi 22:18

Mu yago mabone, nanabona Nahano agweti agambwira: “Ugire ulyokage duba i Yerusaleemu! Ubumasi bwo ugakizi tanga hiꞌgulu lyani, abandu ba mu kano kaaya batagabuyemeera.”

2 Bakorindo 12:8

Keera nꞌganayinginga Nahano ubugira kashatu kwo agandyose mwo.

2 Bakorindo 3:18

Kwokwo, tweshi, amalanga giitu gakola mabwikuule, tunakola mu bonekaga mwoꞌbulangashane bwa Nahano! Tunali mu hindulwa, halinde tumúshushe, iri tunakizi yushuuka mwoꞌbulangashane bwage. Yubwo bulangashane, bulyosiri imwa Nahano, anali ye Mutima.

2 Bakorindo 4:6

Rurema akadeta: «Umulengeerwe, gutanguule mu kihulu!» Ye na yoyo ye katanguula mu mitima yitu. Kwokwo, tukoli yiji hiꞌgulu lyoꞌbulangashane bwage, kwo buli ku malanga ga Kirisito.

Bukengeeze 11:13

«Nahano, Rurema winyu amùbwiziri kwo mukizi simbaha imaaja zaage, munabe mumúkuuziri, iri munamúkolera ku mutima gwinyu gwoshi, na ku nzaliro ziinyu zooshi.

Bukengeeze 7:13

Anakizi mùkunda, iri anakizi mùgashaanira, halinde munakizi yushuuka. Agamùheereza ibuta, anakizi joojeesa indalo ziinyu, halinde mulonge ingano nyiija, neꞌdivaayi, kiri naꞌmavuta. Anakizi yololeesa ingaavu ziinyu, neꞌbibuzi, neꞌmbene.

2 Batesaloniki 2:16

Daata Rurema keera akatukunda. Na ku lukogo lwage, anatuholeeza ku buholeeze úbutâye male. Akatuheereza umulangaaliro kwo twâye lame imyakuula. Kwokwo, yehe, bo na Nahamwitu Yesu Kirisito,

2 Timoteyo 4:22

Nahano akizi beera mu mutima gwawe! Mweshi mukizi yamaga mugashaniirwi!

1 Yohana 2:5

Umundu, iri angaba asimbahiri Igambo lya Rurema, iri urukundo lwa Rurema lumúdimiriiri mwo. Neꞌnjira yo twangamenyera kwo tutuuziri mu kati ka Rurema, yo yeyi.

1 Yohana 3:1

Mulolage ngiisi kwo Daata atukuuziri bweneene, bwo tukola mu buuzibwa baana baage! Kunali kwo tuli. Na íbitumiri abandu beꞌkihugo batatuyiji, bwo na Daata yenyene, batamúyiji.

1 Yohana 5:3

Mukuba, iri twangakunda Rurema, tukwaniini tukizi simbaha neꞌmaaja zaage. Na zoonyene zitali ngayu,

2 Yohana 1:6

Ikyanya tuli mu kundana, lyo tuli mu simbaha imaaja za Rurema. Mukuba, akamùheereza ulubaaja kwo mukizi kundana, nga kwo mukayuvwa ukulyokera ku ndondeko.

Bwigule 2:17

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, ngamúheereza ku byokulya íbibishirwi, binali mu buuzibwa Mana. Ninamúheereze niꞌbuye lyeru íriyandisirwi kwiꞌziina lihyahya. Yiryo iziina, ndaaye gundi úgalimenya, átali yolya úlihaabirwi.»

Bwigule 22:14

«Bahiriirwi ngiisi ábagweti bagaafula ibyambalwa byabo, gira lyo bahanguulwa ukulenga mu miryango ya yako kaaya. Banagendi lya ku bitumbwe bya kirya kiti kyoꞌbulamu.

Bwigule 3:20

«Lolagi! Ngoli yimaaziri ha mulyango ngweti ngayiguza. Neꞌri umundu angayuvwa izu lyani, ananyigulire, ngayingira mu mwage, tunashangiire ibyokulya twe naye.