Yohana 13:19 - Kifuliiru

¹⁹ Yibyo byoshi, keera nagwanwa namùbwira byo, ku kyanya bitazi koleka. Kwokwo, mango bikoleka, lyo mulonga ukuyemeera kwo Nie Ndi ho.

Yohana 13:19 ပူးပေါင်းရင်းမြစ်များ

Hisaaya 41:23

Iri mwangatulagula íbyâye be, lyoki tugayemeera kwo muli boꞌkuyikumbwa. Na kwakundi, mugirage ikisoomeza kiguma naaho, kiba kiija kandi iri kibi, gira kitusomeeze, tunamùyemeere.

Hisaaya 43:10

Nahano adetaga kwokuno: «E Bahisiraheeri, si mwe mulyagagi tumasi twani! Keera nꞌgamùtoola, kwo mube bakozi baani, na ndoziizi mumenye kwo nie Rurema, munabe munyemiiri. Ndaaye gundi Rurema úzindi tanga imbere lyani, ndaanaye úwâye nzinde ho.

Hisaaya 48:5

Yaga magambo, nꞌgagwanwa namùmenyeesa go, gátazi koleka. Kwokwo lyo mutalonge ukuyiji deta: “Yaga gooshi, imigisi yani, ye gweti igagagira. Irya migisi yani yo nꞌgabaaja mu biti, neꞌgindi yo nꞌgatula mu byuma, yo ikagashungika.”

Malaki 3:1

Nahano woꞌbushobozi bwoshi, adetaga kwokuno: «Ngola ngalungika indumwa yani, gira igwanwe yanjongaaniza injira. Iyo ndumwa, inayiji menyeesa ikihango kyo tuganywana. Lolagi! Yoliira agweti agayija! Haaho, bwo mundindiriiri ku kyedu, nienyene ngayami yija mu nyumba yani.»

Mataayo 11:3

«Ka we yolya Masiya úwâli úgayija, kandi iri tulindirire ugundi?»

Mataayo 24:25

Yuvwagwi! Yibyo byoshi, keera nagwanwa namùmenyeesa byo!

Luka 21:13

Na mu yukwo kutwalwa kwinyu, lyo mugalonga ukundangira ubumasi.

Yohana 1:15

Ikyanya Yohana akatanga ubumasi hiꞌgulu lyage, anayiberekaania kwiꞌzu kwokuno: «Uyu, ye yolya nâli mali gwanwa nadeta, kwo agayija ha nyuma lyani, anali ye nguliiri. Ikyanya ndâli zaazi butwa, yehe âli koli yamiri ho.»

Yohana 14:29

Yaga magambo gooshi, nagwanwa namùbwira go, ku kyanya gátazi koleka. Kwokwo, mango gakoleka, mukalonge ukumbiika kwoꞌbwemeere.

Yohana 16:4

Nagwanwa namùbwira kwokwo, gira mango bikoleka, mukakengeere kwo nâli mali gwanwa namùkengula hiꞌgulu lyabyo. «Yaga magambo, ndakamùbwira go ku ndondeko, bwo nâli ki riiri kuguma na niinyu.

Yohana 4:26

Yesu anamúshuvya: «Nie ngweti ngakuganuuza, nie yehe.»

Yohana 8:28

Kyanatuma agababwira kwokuno: «Ikyanya mugaaba keera mwalengeza Umwana woꞌMundu, lyoki lyo mugaamenya kwo nie yolya nie ndi mu mùbwira. Munamenye na kwo ndaakyo kindu kyo ndi mu gira ha lwani. Naꞌmagambo go ngweti ngaadeta, ndi mu gadeta naaho nga ngiisi kwo Daata akaganyigiriza.

Yohana 8:58

Yesu anabashuvya: «Namùbwira ukuli, kweꞌkyanya Hiburahimu atâli zaazi butwa, niehe nâli kola ho!»