Yohana 12:40 - Kifuliiru

⁴⁰ «Keera nꞌgabahumaaza amasu, halinde batabonage. Nanabahutiisa neꞌmitima yabo, halinde batakizi sobanukirwa. Nga bitangabiiri kwokwo, hali ikyanya bangayiji hinduka, banabe bandu baani, na mbakize.»

Yohana 12:40 ပူးပေါင်းရင်းမြစ်များ

1 Baami 22:20

Nahano anabuuza: “Nyandagi ugagendi hendereza Ahabu, gira agendi teera i Ramooti-Giryadi, halinde agendi fwira yo?” Ngiisi muguma anakizi shuvya byage-byage.

Zaburi 147:3

Ngiisi ábali mu ba bavunisiri imitima, ali mu bakania yo. Neꞌnguma zaabo, anazishweke.

Zaburi 41:4

Kiri neꞌkyanya agaaba alwaziri, Nahano agamúkiza, anamúyinamule ku ngingo.

Zaburi 6:2

E Nahano, ikyanya uganyerekeza, kutabe ku bute. Neꞌkyanya ugambana, kutabe ku buraakari.

Kulyoka 10:1

Ha nyuma, Nahano anabwira Musa: «Ugendage imunda Faraho. Mukuba, umutima gwage, neꞌyaꞌbatwali baage, nie kagiyumuusa, halinde lyo ndonga ukuyerekana yibi byereso byeꞌkitangaaza mu kati kaabo.

Kulyoka 11:10

Yibyo bitangaaza byoshi, kundu Musa na Harooni bâli kizi bigira imbere lya Faraho, haliko Nahano anakizi yumuusa umutima gwage. Uyo Faraho, atanahanguula Abahisiraheeri kwo balyoke mu kihugo kyage.

Kulyoka 14:17

«Yaba Bamiisiri, ngagenderera ukuyumuusa imitima yabo, halinde bamùkulikire mwiꞌyi nyaaja. Haaho, ngashereeza uyu mwami, naꞌbasirikaani baage, na ábali mu gendera ku fwarasi, kiri naꞌmagaare gaabo giꞌzibo. Kwokwo, lyo ngahuuzibwa.

Kulyoka 14:4

Ngashubi yumuusa umutima gwa Faraho, halinde anamùbingirize. Kundu kwokwo, ngamúshereeza, kuguma naꞌbasirikaani baage, halinde lyo ndonga ubulangashane. Kwokwo, lyaꞌBamiisiri bagaamenya kwo nie Nahano.» Rurema, mbu ayuse ukudeta kwokwo, Abahisiraheeri banagakulikira inyuma.

Kulyoka 14:8

Yabo Bahisiraheeri bakalyoka i Miisiri, bagweti bagayikangaata. Na bwo Nahano âli mali yumuusa umutima gwa Faraho, anamúgira kwo abakulikire.

Kulyoka 4:21

Nahano anashubi bwira Musa: «Lola! Ikyanya ugagalukira mu kihugo kyeꞌMiisiri, ugendage imwa mwami wabo. Na ngiisi bitangaaza byo keera nakushoboleesa, ukizi bigira imbere lyage. Kundu kwokwo, ngakizi kayisa umutima gwage, atanamùhanguule kwo mugende.

Kulyoka 7:13

Ulya mwami, anagenderera ukuyumuusa umutima gwage, atanabatwaza, nga kwo Nahano âli mali gwanwa adeta.

Kulyoka 7:3

Na kundu ngakizi yushuula ibyereso byeꞌbitangaaza i Miisiri, si umutima gwoꞌyo mwami, ngagenderera ukuguyumuusa.

Kulyoka 9:12

Kundu kwokwo, Nahano anagenderera ukuyumuusa umutima gwa Faraho. Kyanatuma ikyanya Musa na Harooni bakagendi ganuuza Faraho, atanabatwaza, nga kwo Nahano âli mali gwanwa abwira Musa.

Hisaaya 26:11

E Nahano, yabo babi, kundu ukolaga ugabahana, haliko, batakutwaziizi. Aaho! Ubayerekage ngiisi kwo ukuuziri abandu baawe, halinde banateezibwe ishoni. Na bwo ubikiiri abagoma baawe umuliro, ugire ubajigiivye mwo.

Hisaaya 29:10

Aahago! Nahano ye tumiri mukubisirwi. Kiri naꞌbaleevi biinyu, keera akabahumaaza amasu. Naꞌbanamabone kwakundi, keera abakubika.

Hisaaya 53:5

Ee! Akabezibwa inguma hiꞌgulu lyeꞌbyaha biitu. Amabi giitu, go gâli tumiri agatitimbwa. Yukwo kuhanwa kwage, kwo kukatuleetera umutuula. Na mu yizo nguma zaage, mwo tukalongera ukukira.

Hisaaya 6:10

Yaba bandu, ukizi yumuusa imitima yabo! Naꞌmatwiri gaabo, ukizi gaziba. Naꞌmasu gaabo, ukizi gabwikira. Buzira kwokwo, hali ikyanya amasu gaabo gangalonga ukubona. Naꞌmatwiri gaabo ganalonge ukuyuvwa. Naꞌmenge gaabo ganalonge ukusobanukirwa. Kwokwo, lyo bangangalukira, mbu balongage ukukira.»

Hisaaya 6:9

Nahano anambwira, ti: «Yaba bandu, ugendi babwira kwokuno: “Ukuyuvwa, mugakizi yuvwa. Haliko mutâye sobanukirwe! Ukulola, mugakizi lola. Haliko, mutâye bone!”

Yeremiya 3:22

Yohoo, e baana bahemu! Mungalukirage ngana, halinde nimùkoge.» Abandu banashuvya, ti: «We Rurema Nahamwitu. Ku yukwo, tukolaga tugakugalukira.

Yeremiya 5:21

Si mulyagagi bahwija, munali bizeeze! Aaho! Mundegage amatwiri. Kundu muhiiti amasu, si mutabwini! Na kundu muhiiti amatwiri, si mutayuvwiti.»

Hezekyeri 12:2

«E mwana woꞌmundu, utuuziri mu bandu babi. Kundu bahiiti amasu, si batabwini. Na kundu bahiiti amatwiri, si batayuvwiti. Yabo bandu, si balyagagi bahuni!

Hezekyeri 14:9

«“Ulya muleevi, iri angatebeka mbu atange ubuleevi, iri nie wamúhabura. Ngakoleesa ubushobozi bwani, mu kumúshaaza mu bandu baani, Abahisiraheeri.

Hosheya 14:4

Abahasuriya boohe, batashobwiri ukutukiza. Tutanganaki langaalira ifwarasi ziꞌzibo. Kiri neꞌyo migisi yo tukayibaajira twenyene, tutagaki shubi gitabaaza, ti: “We Rurema witu!” Si imwawe naaho, yo munda ifuuvi iri mu bonerwa indengeerwa!»

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

Mataayo 15:14

Ku yukwo, yabo Bafarisaayo, mutakizi batwaza! Si biri birongoozi íbihumiri! Imbumi, iri yangarongoora iyabo, si zombi zigatibukira mu kishimo!»

Mariko 4:12

“Ukulola, bagakizi lola. Haliko, batâye bone! Ukuyuvwa, bagakizi yuvwa. Haliko, batâye sobanukirwe! Nga bitangabiiri kwokwo, bangagalukiiri Rurema, banakogwe!”»

Mariko 6:52

Mukuba, imitima yabo yâli kubisirwi, batanâli sobanukiirwi neꞌkisoomeza íkikakoleka kwiꞌyo mikate.

Luka 4:18

«Umutima gwa Nahano, gundi mwo! Keera akandoola kwo ngizi menyeesa abakeni Imyazi Miija. Akanduma neꞌmwaꞌbashweke, mbamenyeese kwo bagashwekuulwa. Akananduma neꞌmbumi, nzimenyeese kwo zigahumuulwa. Na ábakandamiirwi kwakundi, mbaguluule.

Luka 8:10

Anabashuvya: «Íbyâli bishamiri mu bwami bwa Rurema, mwehe keera mukabimenyeesibwa. Halikago abandi, ngweti ngababwira byo ku migani. Ku yukwo, “ukulola, bagakizi lola. Haliko, batâye bone! Ukuyuvwa, bagakizi yuvwa. Haliko, batâye sobanukirwe.”

Yohana 12:39

Yibyo, byo bikatuma yabo bandu batagashobola ukuyemeera Yesu, nga kwo biyandisirwi mu kitaabo kya Hisaaya kwokuno:

Yohana 9:39

Yesu anadeta: «Íbitumiri nꞌgayija mu kihugo, hiꞌgulu lyoꞌkuyiji twa imaaja. Kwokwo, ngiisi ábali mu bona, bahinduke imbumi. Neꞌmbumi kwakundi, zibaagage zo zigalonga ukubona.»

Mikolezi 15:3

Neꞌri abandu biꞌshengero lyeꞌHandyokiya bakabaseezera, banagenda bagalenga mu poroveesi yeꞌFoyinikiya, na mu yeꞌSamariya. Bâli kizi ganuulira yaꞌbandu ngiisi kwo ábatali Bayahudi nabo keera bayemeera Yesu. Yugwo mwazi, gwanashambaaza bweneene abaabo Bakirisito booshi beꞌyo munda.

Mikolezi 28:26

“Ugendage imwa yaba bandu, unababwire kwokuno: Ukuyuvwa, mugakizi yuvwa. Haliko, mutâye sobanukirwe! Ukulola, mugakizi lola. Haliko, mutâye bone.

Mikolezi 3:19

«Ku yukwo, mutwikirage ku byaha biinyu! Munahinduke bandu ba Rurema, gira lyeꞌbyaha biinyu bihotolwa.

Barumi 9:18

Kwokwo, ngiisi ye Rurema aloziizi ukukejeerera, ye anagweti agakejeerera. Na ngiisi ye aloziizi ukuyumuusa umutima, kwa na gweti agamúyumuusa gwo.

Bukengeeze 29:4

«Akahisa imyaka makumi gana, agweti agamùrongoora mwiꞌshamba. Mwiꞌyo myaka, imirondo yinyu, kiri neꞌbiraato biinyu, bitakamùhulira kwo.

Yoshwa 11:20

Nahano yenyene, ye kayumuusa imitima yabo, gira bagendi teera Abahisiraheeri. Mukuba, akashungika kwo agabaminika lwoshi, buzira kubakejeerera. Yibyo byoshi, bikakoleka nga kwo Nahano âli mali gwanwa abwira Musa.