Yeremiya 9:5 - Kifuliiru

⁵ E Yeremiya! Ukoli tuuziri mu banabibeesha, banalahiiri ukummenya nga ngiisi kwo ndi.» Kwokwo, kwo Nahano adesiri.

Yeremiya 9:5 ပူးပေါင်းရင်းမြစ်များ

Ndondeko 19:11

Balya bashosi booshi, abakulu naꞌbaanuke, yabo baganda banabahumaaza, batanaki bone umulyango.

Hayubu 11:3

Bwo ugweti ugalomboojera, ka kyo kitumiri ngahulika? Ikyanya ugweti ugashekeereza Rurema, abandu bakwiriiri bakubonie ishoni.

Hayubu 15:5

«Ngiisi go ugweti ugaadeta, gali mu leetwa naꞌmabi gaawe. Si uyamiri uli mu lyalyania!

Zaburi 140:3

Yabo banangora-mabi, ngiisi lusiku bali mu shungika amabi, banali mu kizi vyula izibo.

Zaburi 50:19

Uyamiri ugweti ugaadeta íbitali nga byo. Unagweti ugakizi yifunda mu bibeesha.

Zaburi 52:3

E ndwani ngulu, kituma kiki ugweti ugayihaya, mbu bwo uli mu kizi gira íbitali nga byo? Si ugweti ugayihaya ubwakya-ubwayira, unayiteziizi ishoni imbere lya Rurema!

Zaburi 64:3

Yabo bagoma, balyagagi banangora-mabi, banali mu gira amagambi. Ee ma! Si bagweti bagaagira akalugi bweneene! Kundu kwokwo, nakuhuuna kwoꞌmbishe.

Zaburi 7:14

Ee! Agalingikania ibyugi byoꞌkuyitana. Imyambi yage, igweti igagulumira, gira igendi yasania.

Migani 12:5

Ikyanya umundu mwija ali mu shungika, ishungi zaage ziri mu ba zitungiini. Si banangora-mabi, boohe, amahano gaabo gali mu tebana.

Migani 4:16

Yabo banangora-mabi, si batangagwejera, bátazi gira amabi! Batanali mu hunira, bátazi gwisania.

Hisaaya 5:18

Yabo bandu, yayewe imwabo! Si ibyaha byabo, bibayizingiiri kwo! Bagweti bagakizi yikululira umwama, nga bandu ábali mu kululwa noꞌmugozi.

Hisaaya 57:10

Yibyo bitalaalwe byoshi, keera bikakushundeeza bweneene. Kundu kwokwo, utali mu yaga, ti: «Muluho gwa busha, guno!» Si ukiri mu yiheereza ikise, mu kugenderera mu byebyo bitalaalwe.

Yeremiya 12:13

Abandu baani, kundu bakabyala ingano, si bakola bagayimbula imigenge. Na kundu bâli kizi yitubanula mu kukola, ndaako kamaro balongaga. Buno, mu kuyimbula, bakola bagateteerwa, bwo ngoli barakariiri.»

Yeremiya 12:6

Si na beene winyu, kiri naꞌbeꞌmbaga yawe, bali mu kutanga mu bagoma, banali mu kuyamiriza, ti yuhuu! Balya bandu, kundu bagweti bagakulyeryega, hatagire ye ugayemeera!»

Yeremiya 13:23

«Aahago! Umuhendyopiya, ka ashobwiri ukuyihindula uluhu lwage? Neꞌngwi kwakundi, ka yangahindula ibikeba-bikeba byayo? Kwo na kwokwo niinyu, bwo mukoli komiiri ukugira amabi, ka mwangaki hasha ukuhinduka, mbu munakole amiija? Nanga, maashi!

Yeremiya 4:22

Nahano adetaga kwokuno: «Ku kasiisa, abandu baani bali bahwija. Si batanyiji! Amenge gaabo, gakubisirwi. Byo bayiji naaho, biri byebyo-byebyo byaha. Si íbikwaniini, byohe batabisobanukiirwi.»

Yeremiya 51:58

Nahano woꞌbushobozi bwoshi, ashubi detaga kwokuno: «Yabo Bababeeri, kundu inzitiro zaabo ziryagagi mbamu, haliko zooshi zigaki hongolerwa haashi, neꞌnyiivi zaabo, nazo zinasingoolwe lwoshi! Ehee! Kundu abandu beꞌbihugo bingi, bâli kizi kayubaka mwo, keera bahomba. Kundu bâli kizi kayiluhya kwo, haliko, kagasingoolwa naaho.»

Yeremiya 51:64

unababwire kwokuno: “Ikihugo kyeꞌBabeeri, kigaazika kuguma naꞌbandu baamwo, kitanâye ki shubi yulubuka. Mukuba ubuhanya bwo ngakileetera, bugaaba buhamu ngana-ngana!”» Amagambo ga Yeremiya, hano ho gamaliiri.

Yeremiya 7:28

Kwokwo, ugendi babwira kwokuno: “Kundu Rurema Nahamwitu agweti agamùtegeka, si muli mulala úgatamúsimbahiri. Na kundu ndi mu mùyigiriza, mutandwaziizi. Mutanakiri mu deta ukuli. Si yukwo kuli keera kwamala mu tunwa twinyu.”»

Yeremiya 9:3

«Yehee! Ukizi yiyeka naꞌbiira baawe. Kiri na beene winyu, utayami bayitegera umulundi. Kundu balyagagi beene winyu, si bagweti bamùlyalyania! Kiri na ngiisi mwira, ali kateerania!

Yeremiya 9:8

Aahago! Abandu mwene yabo, ka ndakwiriiri mbahane? Ee ma! Ngwiriiri mbayihoole.» Kwokwo, kwo Nahano adesiri.

Hezekyeri 24:12

Haliko, kundu mugire kwokwo, iyo ngishi bwo ikoli datiiri, umuliro gutagagishaaza.

Mika 6:12

Abagale ba mu kaaya kiinyu, bagweti bagayitana. Abandu biinyu bakoli komiiri ukukizi beesha, batanganaki hasha ukudeta íbiri ukuli.

Mika 6:3

Nahano adetaga kwokuno: «E maashi bandu baani! Kuti kwo nꞌgamùhubira? Na kituma kiki mukaluha hiꞌgulu lyani? Munjuvye!

Habakuki 2:13

Kundu kwokwo, Nahano woꞌbushobozi bwoshi keera akalagaania kwo ngiisi byaꞌbandu bali mu himbuukira kwo, bigaki herera mu muliro. Haliibwi! Si yabo bandu bagweti bagayitubanulira ubusha!

Malaki 2:10

Tweshi, ka tutali baana ba daata muguma? Ka atanali yolya Rurema muguma úkatubuta? Aahago! Kituma kiki, tuki gweti tugasongerana, iri tunagayiriza kirya kihango kyo Nahano akanywana na bashokuluza biitu?

Bahefeso 4:25

Kwokwo, mutwikire ku bibeesha! Ngiisi muguma winyu akizi bwira uwabo ibyoꞌkuli. Mukuba, tweshi tukolaga birumbu bya magala maguma.

1 Timoteyo 4:2

Yago migirizo gaayo, gagaleetwa naꞌbanabibeesha, mu kati koꞌbulyalya. Yabo balyalya, batakiri mu yiyeka ku mabi, bweꞌmitima yabo ikoli hiiziri.

Batwi beꞌmaaja 2:10

Iri hakatama, abandu booshi beꞌkibusi kya Yoshwa, banafwa. Abaana baabo, batâli ki yiji Nahano, batanâli ki yiji ngiisi byo âli kizi kolera Abahisiraheeri.