Yeremiya 9:12 - Kifuliiru

¹² Nahano anashubiza, ti: «Íbitumiri bikolaga kwokwo, bweꞌkyanya nꞌgaheereza abandu baani imaaja, batakazitwaza, banazijajaaka.

Yeremiya 9:12 ပူးပေါင်းရင်းမြစ်များ

Zaburi 107:34

Ikyanya abandu bâli yifuuziri mu byaha, anakizi hindula ikihugo kyabo kiginuunuke.

Zaburi 107:43

Yaga magambo, ngiisi úli mu ba mwitegeereza, akizi gayitoneesa kwo. Anakizi sobaanura ngiisi kwo Nahano ali mu kizi kundana mu kati koꞌbwemeere.

Hisaaya 42:23

Yago magambo ga keera, nyandi úwangagayuvwiriza, halinde anasobanukirwe na íbigaki yija?

Yeremiya 23:10

Kino kihugo kyeꞌBuyuda, si abandu baki gweti bagashulehana mwo! Banakoli bihuusiri, iri banakoleesa ubushobozi bwabo ku njira ítali nga yo. Kyo kitumiri Nahano akoli kidaasiri. Ikihugo kikoli ginunusiri bweneene, neꞌndagiriro zikoli yumagusiri.

Yeremiya 23:16

Nahano woꞌbushobozi bwoshi ashubi detaga kwokuno: «Yabo baleevi beꞌbibeesha, mutakizi batwaza. Si bagweti bagaagira mbu bamùtebe! Aahabi! Amabone gaabo, bali mu gayihalangira boonyene, batanali mu galyosa imwani.

Yeremiya 23:22

Bwangabiiri bwija, nga bangayimaziri imbere lyani, bananyuvwe. Kwoki lyo bangabwiziri abandu baani ngiisi kwo nienyene ndoziizi. Bangabalyosiizi mu njira zaabo mbi, halinde banatwikire ku mikolezi mibi.»

Yeremiya 23:28

Nahano adetaga kwokuno: «Ka ndaalwo lubibi ha kati keꞌbyula neꞌngano? Si luli ho! Aahago! Bwo baloziizi ukuyihalangira ibirooto byabo, leka abaleevi baani boꞌkuli, nabo bamenyeese abandu amagambo gaani, nga ngiisi kwo gali.»

Yeremiya 9:20

«Narufu keera asheshera mu twazo twitu, anatuteera mu nyumba ziitu, kundu ziyamiri ziri nzitire. Akola mu kumbulula abaana biitu mu njira, neꞌmisore yitu mu mitalimbwa.»

Hezekyeri 14:23

Haaho, lyo mugaamenya kwoꞌruhombo lwo naleetera yako kaaya, lutali lwa kimaama. Kwokwo kwo nie Rurema Nahamwinyu, ndesiri.»

Hosheya 14:9

«E beene Hifurahimu maashi! Mutwikire lwoshi ku migisi. Ikyanya mugweti mugandabaaza, si nie mu mùshuvya, na ndi mu kizi mùkuya-kuya. Ngamùbeera nga kimbehwa kyeꞌkiti íkiyamiri neꞌbihunda. Neꞌbitumbwe biinyu byoshi, mugakizi bilongera imwani.»

Hosheya 4:10

Kundu bagakizi lya bweneene, halikago batagakizi yiguta. Na kundu bagakizi shulehana, haliko batagakizi buta. Mukuba, nie Nahano keera bakanjanda, banakizi kulikira íbiri mu yikumbwa.

Yuheeri 1:11

E bahiizi! Muvunikage indege! Kiri naꞌbalaazi beꞌmizabibu, mugire mubululuke. Ingano noꞌbulo, byapiisibwa! Imimbu yoshi ya mu ndalo, keera yashereera.

Sefaniya 3:6

Nahano adetaga kwokuno: «Keera najigiivya abandu ba mu mahanga mingi. Inyumba zaabo, kundu zâli riiri ngomu, keera nazishereeza. Injira zaabo, nazisiga mushaka, zitanakiri mu lenga mwoꞌmundu yeshi. Utwaya twabo, keera tukasigwa mushaka, ndaanaye úki tutuuziri mwo.

Mataayo 24:15

«Ku yikyo kyanya, mugaabona Ibala lyoꞌKushereeza likoli yimaaziri Ahandu Heeru. Yiryo ibala, lyo lyerirya írikagwanwa lyadetwa noꞌmuleevi Danyeri. (Umundu, ikyanya agaasoma yaga magambo, agasobanukirwe!)

Bukengeeze 32:29

Báki be bitegeereza, nga ábali mu sobanukirwa. Bangamenyiri ngiisi kwo bagaahera.

Bwigule 1:3

Gano magambo goꞌbuleevi ágayandisirwi hano, bahiriirwi ngiisi ábagagasoma! Bahiriirwi neꞌkyanya bagagayuvwa, banakizi gasimbaha. Neꞌkyanya gagakolekaga kwo, kikola hoofi.