Yeremiya 8:19 - Kifuliiru

¹⁹ Yuvwagwi ngiisi kwaꞌbandu baani bakola mu lira, kiri na ábali mu mahanga. Bali mu buuza, ti: «Ka Nahano ataki tuuziri mu kaaya keꞌSayuni? Ee! Ye mwami wamwo! Ka atakiri mwo?» Nahano anashuvya: «Aahago! Kituma kiki bakandaakaza, mu kukizi yibaajira imigisi ya íbiri mu yikumbwa mu mahanga, inali ya busha-busha?»

Yeremiya 8:19 ပူးပေါင်းရင်းမြစ်များ

Zaburi 135:21

E bandu beꞌYerusaleemu, mukizi huuza Nahano ku mugazi Sayuni. Tukizi huuza Nahano!

Zaburi 137:1

Ikyanya twâli bwatiiri ku ngombe zeꞌnyiiji zeꞌBabeeri, twanakengeera akaaya keꞌSayuni, twanatondeera ukulira.

Zaburi 146:10

E bandu beꞌSayuni, Rurema Nahamwinyu ayamiri atwaziri imyaka neꞌmyakuula, halinde mu bibusi byoshi. Tukizi huuza Nahano!

Zaburi 149:2

E Bahisiraheeri, keera akamùbumba. Kwokwo, mukizi múshambaalira. Abandu beꞌSayuni, bakizi shagalukira umwami wabo.

Zaburi 31:6

E Nahano, nasikiiriza uburambe bwani mu maboko gaawe. Kwokwo, bwo uli Rurema woꞌkuli, unguluule.

Hisaaya 1:4

E Bahisiraheeri, yayewe imwinyu! Si mugweti mugayifunda mu byaha, binakoli mùzidohiiri. Mukola banangora-mabi, munakola baana ábasherebiiri! Keera mukajanda Nahano. Na kundu alyagagi Mutaluule waꞌBahisiraheeri, haliko mwamúhindulira ingoto, munakoli múnegwiri!

Hisaaya 12:6

Mwe batuulaga beꞌSayuni! Mubandire Nahano akabuuli, awi yiyi yiyi! Ee! Ali Mutaluule waꞌBahisiraheeri. Anatuuziri mu kati kiinyu, ku njira ya kahebuuza!»

Hisaaya 13:5

Yabo basirikaani bakola mu yija ukulyoka ku mbeka zeꞌkihugo. Na bwo Nahano akoli rakiiri bweneene, agabakoleesa, babe bilwaniiso byage byoꞌkushereeza ikihugo kyoshi kyeꞌBabeeri.

Hisaaya 33:22

Nahano, ye mu tuheereza imaaja, ye nali mu zitwa. Ye na mwami witu. Ye gakizi tulanga, halinde tunakizibwe.

Hisaaya 39:3

Ha nyuma, ulya Hezekiya, umuleevi Hisaaya anamúgendera, anamúbuuza: «Yaba bandu, balyoka hayi? Na kuti kwo badeta?» Hezekiya, ti: «Balyosiri mu mahanga geꞌBabeeri.»

Hisaaya 52:1

E Yerusaleemu, akaaya keꞌSayuni! Uvyukage, uyihe ikise. Uyambalage imirondo yawe yoꞌmulimbo. Kundu ibinyamahanga na ábayulubiiri bâli kizi kuyifunda mwo, si batâye ki kufine mwo.

Yeremiya 10:15

Ndaako kamaro ko ihiiti. Si iri ya kuhonyoleza naaho. Ikyanya Nahano agagihana, igaahera lwoshi!

Yeremiya 14:19

Yeremiya anashubi deta: «E Nahano, yabo Bayuda, ka wayami bajanda lwoshi-lwoshi? Ewe! Ka ukoli shombiri abatuulaga beꞌSayuni? Kituma kiki ukayami tubeza inguma, halinde tutanakire? Kundu twâli langaaliri kwo tugaramba mu butoge, si ndaabwo twalonga. Twâli langaliiri kwo tugaakira, kiziga lyo twamu lengaga mweꞌkinyukura.

Yeremiya 14:9

Si ubonesiri ngoꞌmundu úwakanguka ikiteero, na nga ndwani ítaki hiiti imisi yoꞌkuguluula abandu! E maashi Nahano! Si uki tuuziri mu kati kiitu, tunayijikiini kwo tuli bandu baawe! We kongwa we! Buno, utatujandirire.»

Yeremiya 2:5

Mukuba adetaga kwokuno: «Bashokuluza biinyu, biki byo bakangayira, halinde bahabuke, banakizi gendi yikumba imigisi? Iyo migisi yabo, si ndaako kamaro ibahitiiri! Kiri na boonyene, si ndaako bahiiti!

Yeremiya 27:10

Aahabi! Yibyo bagweti bagamùbwira, biryagagi binyoma naaho. Neꞌri mwangabiyemeera, niinyu mugatwalwa imbohe, hala neꞌkihugo kiinyu. Ngamùyimula, mugendi fwira ku mbinga.

Yeremiya 31:6

Mu yizo siku, abalaliizi bagakizi yimanga mu migazi ya Hifurahimu, banatange ikitambira, ti: E balya! Mugire tuzamuukire ku mugazi Sayuni, gira tugendi yikumba Rurema Nahamwitu.”»

Yeremiya 32:30

Balya Bahisiraheeri, kiri naꞌBayuda, ukulyokera ho bâli ki riiri baanuke, bâli kizi bihuuka imbere lyani, iri bananyaagaza. Kwokwo, kwo nie Nahano ndesiri.

Yeremiya 7:19

Kundu kwokwo, ndali nie bagweti bagaraakaza ma! Si bali mu yihigulira boonyene.» Kwokwo, kwo Nahano adesiri.

Yeremiya 8:20

Yayewe! Ikyanya kyoꞌkuyimbula keera kyalenga, kiri neꞌkikamo, tutanazi kizibwa.

Yeremiya 9:16

Nahano woꞌbushobozi bwoshi, adetaga kwokuno: «Yaga magambo, mugirage mugayitoneese kwo! Munalaalike abakazi ábayiji ukulira ku mabiihe, banabe ngana bayiji umukolwa gwabo.

Hezekyeri 48:35

Yibyo bibambaazi byoshi kwo biri bina, ukubizunguluka, ziri meetere bihumbi mwenda. Ukulyokera ku yikyo kyanya, yaka kaaya kakola kagakizi detwa: Yaho ho Nahano ali.»

Hobadiya 1:17

Mu bandu baani, baguma bagafushukira ku mugazi Sayuni. Ho hagashubi ba handu haani heeru. Abandu ba mu kibusi kya Yakobo bagashubi galukira mu kihugo kyabo.

Mika 4:9

Aahago! Kituma kikagi mugweti mugabanda akashiba? Ka mutaki hiiti mwami? Ka keera mwateera abitegeereza? Si mukoli lyaniirwi, nga mukazi úkoli gweti úgaliibwa noꞌmukero!

Sefaniya 3:15

Kundu Nahano âli kizi kuhana, haliko keera akaleka, anashaabula abagoma baawe. Nahano yenyene, ye mwami waꞌBahisiraheeri, aganayama amùtuuziri mwo. Mutanaki shubi yoboha, mbu mugalonga inguuke.

Zakariya 2:9

«Nahano adesiri kwokuno: “Niehe nienyene, ngababeera nga luzitiro lwoꞌmuliro, úluzungulusiri akaaya. Kiri na mu kati kaabo, ngayerekana mwoꞌbulangashane bwani!”»

Mikolezi 14:15

«E bashosi, lekagi maashi, mwe kongwa mwe! Si na nyiitu tuli bandu nga mwe! Tunali mu mùmenyeesa Imyazi Miija, gira mutwikire ku magambo mwene yaga ga busha-busha! Munabaagage bandu ba Rurema úli mugumaana. Si ye kabumba igulu, neꞌkihugo, neꞌnyaaja, na íbibiri mwo byoshi.

Bukengeeze 31:17

«Kyo kitumiri ngabarakarira, na mbajande. Ngababisha amalanga gaani, halinde igindi milala inayiji baminika. Kwokwo, bagalonga amalibu mingi bweneene, banabwirane, ti: “E balya, lolagi ngiisi kwo yubu buhanya bwatuhikira. Kuli kudeta kwo Rurema atakiri kuguma na nyiitu.”

Bwigule 2:1

«Imwoꞌmuganda wiꞌshengero lya mu kaaya keꞌHefeso, uyandikage kwokuno: «Yaga magambo, galyosiri imwoꞌlya úfumbiiti zirya ndonde zirinda mu kuboko kweꞌlulyo. Anagweti agalenga-lenga mu galya matara galinda ágakatulwa mu nooro: