Yeremiya 8:17 - Kifuliiru

¹⁷ Nahano ashubi detaga kwokuno: «Lolagi! Keera natuma imijoka, iyiji mùkoma. Iyo mijoka, ndaaye úwangagikubika, mbu itamùkome.»

Yeremiya 8:17 ပူးပေါင်းရင်းမြစ်များ

Zaburi 58:6

Ee ma! Kundu abafumu bagweti bagaalasa inyimbo nyija bweneene, hitaziyuvwiti.

Mwigiriza 10:11

Umujoka, iri gwangakoma umulozi ku kyanya atazi gukomoola, iri uyo mulozi atakiri naꞌkamaro.

Hisaaya 14:29

Mwe Bafirisiti mweshi, mwami weꞌHasuriya âli kizi mùkubula ingoni. Uyo mwami, kundu keera akashaajaga, haliko mutashambaale. Si umwana wage agabihuukaga ukuhima yishe. Ee! Mu mutumba gweꞌkihoma, mwo mugavyuka ikindi kikayu. Yikyo kindi, kinabe naꞌmanjoka-njoka, kinakizi mùkoma.

Hamoosi 5:19

Yulwo lusiku, ikyanya lugaahika, mugaaba ngoꞌmundu úgweti úgatibita indare, kiziga, agendi yituruuza ku dubu. Kandi iri, ikyanya agayingira mu mwage, anayegamire ku kibambaazi, umujoka gunayami múkoma!

Hamoosi 9:3

Kwakundi, kundu bangayibisha kwiꞌrango lyoꞌmugazi Karimeeri, ngagendi bashakula yo, na mbabirigishe. Na kundu bangagendi bishama mu tulingi tweꞌnyaaja, ngahanguula kirya kihuume kyoꞌmujoka, kigendi bakoma mwo.

Muharuuro 21:6

Iri Nahano akayuvwa kwokwo, anatuma imijoka mu kati kaabo. Iyo mijoka, yâli naꞌmanjoka-njoka, yanakizi bakoma bweneene, halinde abingi baabo banafwa.

Bukengeeze 32:24

Bagashalika bweneene, halinde banajambe ngana-ngana. Bagaminikwa niꞌshuushira, naꞌgandi malwazi. Ngahanguula inyamiishwa ndangi zikizi bajanganula. Banakomwe neꞌmijoka íri neꞌmbola, inali mu yibulula kwiꞌdaho.

Bwigule 9:19

Yizo fwarasi, ubushobozi bwazo bwâli riiri mu tunwa twazo, na mu mikira yazo. Mukuba, iyo mikira, yâli riiri nga mijoka. Yanâli riiri naꞌmatwe go zâli kizi komana mwo.