Yeremiya 8:13 - Kifuliiru

¹³ «Imimbu yinyu, ngamùsaagiza yo. Ku matavi geꞌmizabibu, ndaayo mugaki longa kwo. Neꞌbiti byeꞌmitiini, kwo na kwokwo. Kiri neꞌbyasi byabyo, bigayumaguka. Ngiisi byo nâli kizi mùheereza, ngabizimiiza lwoshi.» Kwokwo, kwo Nahano adesiri.

Yeremiya 8:13 ပူးပေါင်းရင်းမြစ်များ

Hisaaya 5:10

Ihekitaari zishatu zeꞌndalo yeꞌmizabibu, zigakizi kandwa mweꞌlitiri makumi gataanu naaho zeꞌdivaayi. Ngiisi úgakizi byalaga ibitigiri ikumi byeꞌmbuto zeꞌngano, agakizi yimbula ikitigiri kiguma naaho.»

Yeremiya 14:12

Na kundu boonyene bangayishalisa, ndagaki yuvwa amahuuno gaabo. Kundu bangandangira amatuulo goꞌkusiriiza, kiri naꞌgandi matuulo, ndagaki gayakiira. Si ngabaminika ku ngooti, na kwiꞌshali, na ku kiija.»

Yeremiya 14:15

«Ku yukwo, nakyula kwokuno: Balya baleevi, kundu bangadetaga kwo bali mu tanga ubuleevi kwiꞌziina lyani, haliko ndali nie kabatuma. Bali mu bwira abandu kwo ndaaye mugoma úgayiji teera kino kihugo. Banadesiragi na kwiꞌshali, ndaalyo! Yabo baleevi boonyene, bagaafwa niꞌshali, na ku ngooti.

Yeremiya 17:8

Umundu mwene uyo, agaaba nga kiti íkikabyalwa hoofi naꞌmiiji, halinde imizi yakyo iri mu yikira áhali amiiji. Kiri neꞌkyanya izuuba liri mu daruula, yikyo kiti kitangayoboha. Ibyasi byakyo, biyamiri bidoohiri. Kiri neꞌkyanya invula iri mu ba yahangama, kitali mu gerania. Si kiyamiri kiri mu tongeka kweꞌbitumbwe.

Yeremiya 5:17

Balya bagoma, ngiisi byo muli mu yimbula, bo bagakizi birya. Bagakizi lya ibibuzi biinyu, neꞌngaavu ziinyu. Bagakizi lya neꞌmizabibu yinyu, neꞌmitiini. Bagakizi lya kiri na bagala biinyu, na banyere biinyu. Utwaya twinyu tuzitire, muli mu tuyegamira. Kundu kwokwo, yabo bagoma bagatushereeza ngana.»

Yeremiya 7:20

Rurema Nahamwitu, adetaga kwokuno: «Yaka kaaya, ngakayonera mwoꞌburaakari bwani. Nganabuyonera ku bandu, na ku bitugwa, kiri na ku biti, na ku mimbu. Yubwo buraakari bwani, bugayaka nga muliro, ndaanaye úwangabuhoohya.»

Hezekyeri 22:31

Ku yukwo, ngabarakarira, halinde uburaakari bwani bubasingoole. Kwokwo, kwo ngabahaniiriza hiꞌgulu lya ngiisi byo bâli kizi gira.» Kwokwo, kwo Rurema Nahamwitu adesiri.

Hosheya 2:12

Ngolaga ngamúhogola imirondo yoshi, anasigale bukondwe. Balya bakundwa baage, banabe bagweti bagamúloleera. Ikyanya agateezibwa ishoni kwokwo, ndaaye úgayiji múkiza.

Yuheeri 1:7

Zirya nzige, keera zikateera imizabibu yitu, Zanashereeza neꞌbiti biitu byeꞌmitiini. Zanakizi bibunga, iri zinagimogolola ibyula byayo. Zanasiga amatavi gaabyo meeru-meeru.

Balaawi 26:20

Mugakizi yitubanula ku busha. Indalo ziinyu zitagayera ihiteerwa ku shinda. Kiri neꞌbiti, bitagatongeka.

Habakuki 3:17

Ibiti byeꞌmitiini kundu bitahembiri, neꞌmizabibu inabe ndaabyo bitumbwe byo itongesiri, neꞌmizehituuni inabe ndaago mavuta ágayezirwi mwo, neꞌndalo, imimbu yazo inabe ndaayo, neꞌbibuzi binabe bikakumbululwa mu lugo, neꞌngaavu mwiꞌruli, banabe bazipiisa!

Hagayi 1:11

Mu kihugo, nꞌgaleeta mweꞌkikamo, gira kishereeze imigazi, neꞌngano, neꞌmizabibu, neꞌmizehituuni, kiri neꞌzindi mbuto. Abandu bakola mu libuuka, kiri neꞌbitugwa. Ngiisi kyo mwâli kizi yitubanula kwo, kikasherebera ngana.”»

Hagayi 2:17

«Ikyanya mwâli kizi gira mbu mubyale imbuto, nꞌgazishereeza, mu kuziboza halinde kwiꞌsina, nanakizi zifukumulira kwoꞌlugungu. Kundu kwokwo, mutanangalukira nie Nahano.

Malaki 3:11

Kundu birya bizimu biri mu shereeza imimbu yinyu, si ngabihangirira, gira bitaki shubi kizi gilya. Kiri neꞌndalo ziinyu zeꞌmizabibu, zitagaki leka ukutongeka. Kwokwo, kwo nie Nahano woꞌbushobozi bwoshi, ndesiri.

Mataayo 21:19

Na ku butambi bweꞌnjira, anabona ikiti kyoꞌmutiini. Haliko, iri akakiyegeera, ndaabyo byo akakigwana kwo, ha nyuma lyeꞌbihunda naaho. Kirya kiti, Yesu anakibwira: «E kiti, hataki gire ibitumbwe byo wâye ki tongeke.» Lyeryo, kirya kiti kyanayami yumaguka.

Yakobo 1:11

Ikyanya izuuba liri mu ba keera lyatwa, ikyuka kyalyo kiri mu bogamya imbuto. Utwaso tunaholoke, tunabe tutaki buyahiri. Kwokwo, noꞌmugale naye, ikyanya ali mu ba akiri mu hiduukira mu mikolwa yage, mwomwo mwo ali mu fwira.