Yeremiya 7:29 - Kifuliiru

²⁹ Nahano adetaga kwokuno: «E batuulaga beꞌYerusaleemu! Mukunguule imishaku yinyu, munagikabulire, munazamuukire ku marango, gira mugendi bululukira yo. Mukuba yaba bandu, keera bakandaakaza. Kwokwo naani, keera nꞌgabajanda.»

Yeremiya 7:29 ပူးပေါင်းရင်းမြစ်များ

2 Baami 17:20

Iri hakatama, Nahano analahira beene Hisiraheeri lwoshi-lwoshi, anabahana, mu kubabiika mu maboko gaꞌbashahuzi, anabayimula lwoshi imbere lyage.

Hayubu 1:20

Hayubu anayami yijejeeta, anadaatula ikyambalwa kyage. Ha nyuma, anayibega umushaku kwiꞌtwe, anayibulaga haashi, anatondeera ukuyikumba Rurema kwokuno:

Hisaaya 22:12

Ku yikyo kyanya, Nahano woꞌbushobozi bwoshi akamùbwira, kwo muliruuke, munabululuke ku kimombo. Munakunguulwe amatwe, munayambale amasuuzu, mu kuyerekana kwo mukoli jengiirwi.

Yeremiya 12:7

Nahano ashubi detaga kwokuno: «Balya Bahisiraheeri, kundu bashuba beꞌmwani, si keera nꞌgabajanda. Na kundu bashuba katoni kaani, keera nꞌgababiika mu maboko gaꞌbagoma.

Yeremiya 14:19

Yeremiya anashubi deta: «E Nahano, yabo Bayuda, ka wayami bajanda lwoshi-lwoshi? Ewe! Ka ukoli shombiri abatuulaga beꞌSayuni? Kituma kiki ukayami tubeza inguma, halinde tutanakire? Kundu twâli langaaliri kwo tugaramba mu butoge, si ndaabwo twalonga. Twâli langaliiri kwo tugaakira, kiziga lyo twamu lengaga mweꞌkinyukura.

Yeremiya 16:6

«Mu kyekyo kihugo kyeꞌBuyuda, mwaꞌbanabushobozi bagaherera, kuguma naꞌbagunda. Ndaanaye úgaagira mbu abaziike, kandi iri kubalirira. Ndaanaye úgayibejanga, kandi iri kubegwa, mu kuyerekana umwizingeerwe.

Yeremiya 3:2

Mutee legamira ku marango. Ka hali ho mutazindi yiyulubaza neꞌmizimu? Si mugweti mugalindirira abashule ku butambi bweꞌnjira! Muli ngoꞌMuharaabu úteziri abandu mwiꞌshamba. Na bwo muli mu higula mu bushule, keera mwayulubaza ikihugo.

Yeremiya 3:21

«Abandu bagweti bagayamuluka ku marango. Yayewe! Bahisiraheeri, yabo. Bakanyibagira, nie Rurema Nahamwabo, banakizi vujuuka mu bitali nga byo. Kyo kitumiri bakola mu bululuka, iri banahuuna kwo mbakejeerere.

Yeremiya 47:5

Balya bandu beꞌGaza bagateezibwa ishoni, banakizi begwa imishaku hiꞌgulu lyoꞌmwizingeerwe. Kiri naꞌbeꞌHashikelooni, batagaki hulusa izu. Mwe musigiiri mu ndekeera! Mugayama mujengiirwi halinde mangoki?

Yeremiya 48:37

Yabo bandu, mu kuyerekana kwo bajengiirwi, keera bakakunguulwa umushaku ku matwe, kiri neꞌnyanwa. Keera banashaakirwa ku maboko, banakoli kenyiiri amasuuzu.

Yeremiya 6:30

Kyo kitumiri bagakizi detwa kwo iri iharija íyajajaakwa. Mukuba, Nahano keera akabajajaaka.»

Yeremiya 9:10

Nahano adetaga kwokuno: «Akaaya keꞌYerusaleemu, ngakagira bibe biguuka, gunabe mushaka, halinde kanahinduke igomberano lyeꞌmirunga. Abandu ba mu twaya tweꞌBuyuda, ngabashaabula, halinde yutwo twaya tusigale tuzira bandu.»

Yeremiya 9:16

Nahano woꞌbushobozi bwoshi, adetaga kwokuno: «Yaga magambo, mugirage mugayitoneese kwo! Munalaalike abakazi ábayiji ukulira ku mabiihe, banabe ngana bayiji umukolwa gwabo.

Kimombo 5:22

Aaho! Ka keera wayami tulahira lwoshi-lwoshi? Ka uki turakariiri halinde ku kino kyanya?

Hezekyeri 19:1

Rurema akambwira kwo nyimbire abaluzi baꞌBahisiraheeri luno lwimbo lweꞌkimombo:

Hezekyeri 28:12

«E mwana woꞌmundu, uyimbire mwami weꞌTiiro ulwimbo lweꞌkigandaaro. Unamúbwire kwo nie Rurema Nahamwinyu nadetaga kwokuno: “Ushubi hiiti íbiri biija ngana, wanayijula ubwitegeereze bwoshi, unashubi nonosiri ngana-ngana!

Hamoosi 5:1

E Bahisiraheeri! Muyuvwirize bwija yulu lwimbo lwani lweꞌkigandaaro: Muyuvwagwe ngiisi kwo ngweti ngamùganyira.

Mika 1:16

E Bayuda! Mubegeese imishaku yinyu mu kuyerekana umwizingeerwe. Si mukola muganyagwa abaana biinyu bakundwa. Muyibege, halinde amatwe giinyu gashushaane nga ga ngukuma. Si abaana biinyu, bagatwalwa imbira i mahanga!

Mataayo 12:39

Yesu anabashuvya: «Mwe bandu ba kino kibusi, mukoli bihuusiri, mutanatwaziizi ibya Rurema. Kundu mugweti mugahuuna ikyereso kyeꞌkitangaaza, si ndaakyo mugayerekwa, kítali kyekirya kyeꞌmwoꞌmuleevi Yona naaho.

Mataayo 16:4

Mwe bandu ba kino kibusi, mukoli bihuusiri, mutanatwaziizi ibya Rurema. Kundu mugweti mugahuuna ikyereso, si ndaakyo mugayerekwa, kítali kyekirya kyeꞌmwa Yona naaho!» Iri Yesu akayusa ukudeta kwokwo, anasiga booshi, anayigendera.

Mataayo 23:36

Namùbwira ukuli, kwo yibyo byoshi, abandu ba kino kibusi, bo bagabuuzibwa hiꞌgulu lyabyo!»

Mataayo 3:7

Ulya Yohana, iri akabona ngiisi kwa Bafarisaayo naꞌBasadukaayo bagweti bagamúyijira ku bwingi, mbu ababatiize, anakizi bakanukira kwokuno: «Haliibwi! Si muli baana boꞌmujoka! Nyandagi úwamùkengula kwo mutibite uburaakari bwa Rurema, halinde butamùtibukire kwo?

Mikolezi 2:40

Peturu anagenderera noꞌkubakengula ku gandi magambo mingi, anabayinginga ti: «Abandu ba kino kibusi, bakoli bihuusiri. Aaho! Mubayilyose mwo, halinde lyo mukizibwa!»

Bukengeeze 32:5

«Haliko, mwe bandu ba kino kibusi, mukoli bihuusiri. Mugweti mugashobania íbiri byoꞌkuli. Munakoli gwasirwi neꞌshoni, bwo mutakiri baana ba Rurema.