Yeremiya 7:21 - Kifuliiru

²¹ Nahano woꞌbushobozi bwoshi, Rurema waꞌBahisiraheeri adetaga kwokuno: «Birya bitugwa byo mugweti mugatanga, mbu bibe matuulo goꞌkusiriiza lwoshi, kiri naꞌgandi matuulo, inyama zaabyo zooshi, muzilyagage mwenyene!

Yeremiya 7:21 ပူးပေါင်းရင်းမြစ်များ

Zaburi 50:8

Iri nangaba ngweti ngamùkanukira, kutali mbu bwo mugweti mugandangira amatuulo, kandi iri mbu bwo muli mu kizi leeta ibitugwa byoꞌkusiriiza ha katanda kaani.

Hisaaya 43:23

Mutakiri mu nzimbaha, mu kundeetera ibibuzi biinyu, kandi iri bindi bitugwa. Ndashubi mùzidohiiri, mbu mundangire amatuulo goꞌmushyano, ndanamùhuuna kwo munyokere umubadu.

Yeremiya 14:12

Na kundu boonyene bangayishalisa, ndagaki yuvwa amahuuno gaabo. Kundu bangandangira amatuulo goꞌkusiriiza, kiri naꞌgandi matuulo, ndagaki gayakiira. Si ngabaminika ku ngooti, na kwiꞌshali, na ku kiija.»

Yeremiya 6:20

E bandu beꞌBuyuda, kituma kiki muki gweti mugandeetera umubadu ukulyoka i Sheeba? Na kituma kiki mukiri mu gendi nzeehera amalaasi i mahanga? Kundu mwangakizi nziriigiza amatuulo geꞌbitugwa ku katanda, haliko, ndagaki gayemeera! Mukuba, gataki nzimisiizi.»

Hezekyeri 33:25

«Ku yukwo, ubabwire kwo Rurema Nahamwitu adetaga kwokuno: “Mwehe, mugweti mugaalya inyama íkiri mwoꞌmuko. Munagweti mugatabaaza imigisi, iri munayitana. Aahago! Kino kihugo, ka muki kwaniini ukukihaabwa, kibe kyeꞌmwinyu?

Hosheya 8:13

Abahisiraheeri basiimiri naaho ukubaaga amatuulo geꞌbitugwa, gira lyo bakizi lya inyama. Haliko, imwani yago matuulo gaabo galyagagi ga busha. Bwo bâli gweti bagakizi yifunda mu mabi bweneene, ngakizi gakengeera, na mbahanirize, mu kushubi bagalulira i Miisiri.

Bukengeeze 12:27

Ku biloziri amatuulo goꞌkusiriiza, kwo gatangwe ku katanda ka Nahano, mukizi tanga inyama kuguma noꞌmuko. Mukizi yabiira umuko, munaguyonere ha butambi lyaꞌkatanda ka Nahano. Si inyama yohe, mwangagilya.