Yeremiya 6:23 - Kifuliiru

²³ Yabo basirikaani bahagasiri imiheto naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali mu yamuuka nga midunda mu nyaaja. E bandu beꞌSayuni! Yabo bagoma bakola ibiringiini, kwo bayiji mùteera.»

Yeremiya 6:23 ပူးပေါင်းရင်းမြစ်များ

Hisaaya 10:32

Zeene buno, abagoma bagashumbika iyo munda i Noobu. Bagweti bagashagania ukuboko ku mugazi Sayuni, yaho i Yerusaleemu.

Hisaaya 13:18

Si abasirikaani baabo bagakoleesa imyambi mu kuyiji yita imisore. Batanakizi kejeerera utulenge, kandi iri abaana.»

Hisaaya 17:12

Yuvwagwi! Nayuvwa umulundumo gweꞌbinyamahanga bingi! Bagweti bagalunduma nga nyaaja, ku kyanya iri mu ba neꞌmidunda mikayu.

Hisaaya 19:4

Yabo Bamiisiri, ngola gababiika mu maboko goꞌmwami mulangi. Uyo mwami anakizi bakoleesa ku kahaati.» Kwokwo, kwo Nahano Rurema woꞌbushobozi bwoshi adesiri.

Yeremiya 25:32

Nahano woꞌbushobozi bwoshi, anashubi detaga kwokuno: «Inguuke zigakizi libuza abandu mu ngiisi mulala. Ziganayija nga kihuhuuta ukulyokera heꞌkihugo kihekiiri.»

Yeremiya 25:9

ngahamagala ibinyamahanga íbiri imbembe, kiri noꞌmukozi wani Nebukandeneza, mwami weꞌBabeeri. Yabo booshi, ngabaleeta bayiji teera kino kihugo kyeꞌBuyuda, kuguma naꞌbatuulaga baamwo, kiri na ábatuuziri ha butambi liinyu. Mweshi kuguma, ngamùzimiiza. Neꞌbihugo biinyu, binasigale mushaka, halinde imyaka neꞌmyakuula. Kwokwo, abandu bagashenguka hiꞌgulu liinyu, banakizi mùnegura.

Yeremiya 30:14

Mu booshi ábashubi mùtabiiri, ndaaye úki mùtwaziizi. Si booshi bakoli mùyibagiiri. Amabi giinyu, gakoli leeziri ulugero bweneene. Neꞌbyaha biinyu, bikoli luguusiri. Kwokwo, ngola mu mùharuura nga bagoma baani, keera nanamùhaniiriza, buzira kumùyuvwira indengeerwa.

Yeremiya 4:13

«Lolagi! Umugoma agweti agatuyijira, akola mu tukanga nga kibungu íkiyidisiri. Amagaare gaage giꞌzibo gali mu suula umulindi, nga kihuhuuta. Ifwarasi zaage zigweti zigaganga mulindi ukuhima utushuta. Ala twe! Si tukolaga tugaahera!

Yeremiya 4:16

Yago magambo, ugakengule ibinyamahanga, kiri naꞌbandu beꞌYerusaleemu. Ee! Ibinyamahanga bikolaga bigayiji tuteera. Bigweti bigabanda induulu, mu kushomboroza izibo mu twaya tweꞌBuyuda.

Yeremiya 4:29

Abasirikaani ábali mu gendera ku fwarasi, kiri na ábali mu hagata imiheto, bagweti bagayija noꞌmululumo. Kinatume abandu booshi ba mu twaya, bagatibitira mu bishungu-shungu, naꞌbandi mu nyaajwe. Yoho wee! Utwaya twoshi tukoli sigiiri tumaata. Ndaaye úki tutuuziri mwo.

Yeremiya 5:16

Yabo booshi bali bikalage byaꞌbasirikaani. Ikyanya bali mu lasha imyambi, abandu bingi bali mu yami fwa.

Yeremiya 50:41

«Lolagi! Abasirikaani bakola mu lyoka imbande zeꞌmbembe. Bali mulala úguhimbiri, kiri naꞌbaami bingi, bakola mu yiji teera ukulyoka mu mbeka zeꞌkihugo.

Yeremiya 50:42

Abasirikaani baabo, bahagasiri imiheto, naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali nga midunda mu nyaaja. E Babeeri! Yabo bagoma bakola ibiringiini, kwo bayiji kuteera.

Yeremiya 6:4

Yabo bangere bakola mu twa ikitambira, mbu: «Muyilingikanie, tuteerage abatuulaga beꞌSayuni. Tuteere ku kyanya kyaꞌkalenge-renge.» Ha nyuma, banashubi deta: «Yayewe! Twakeereza! Si izuuba keera lyasooka! Aaho! Kakola kabigingwe, neꞌkihulu kyatoola.

Yeremiya 8:16

Yuvwagwi ngiisi kweꞌfwarasi zaꞌbagoma zigweti zigafuura iriira munda imbembe, mu kihugo kya beene Daani! Si zikola mu girigimba, halinde idaho linajugumbane! Abagoma bakola mu njira, gira bagayiji shereeza ikihugo kiitu, na íbikiri mwo byoshi. Bagashereeza utwaya twoshi, na booshi ábatutuuziri mwo.»

Hezekyeri 21:31

«Nie Rurema Nahamwinyu nadetaga kwokuno: Umulondo gwawe gwoꞌkusoosa kwiꞌtwe, noꞌlushembe lwawe lweꞌkyami, bagakuhogola byo. Mukuba byoshi bigahinduka. Ngiisi ábashuba bakulu, bakola bagabiikwa haashi. Na ábashuba bagunda, bo bakola bagakuzibwa!

Bukengeeze 28:49

«Nahano agaashimya ibinyamahanga ukulyoka hala, ku mbeka yeꞌkihugo. Yabo bandu, mutayiji indeto yabo. Banayiji mùtibukira kwo, nga kwo nyunda ali mu yivwima ku mutumba.