Yeremiya 6:22 - Kifuliiru

²² Nahano adetaga kwokuno: «Langiizi! Abasirikaani bakola mu lyoka imbande zeꞌmbembe. Bali mulala úguhimbiri, banalyosiri mu mbeka zeꞌkihugo.

Yeremiya 6:22 ပူးပေါင်းရင်းမြစ်များ

Nehemiya 1:9

Haliko, iri mwangangalukira, munasimbahe imaaja zaani, ngamùkuumania. Kundu mwangaba mukatwalwa ku mbeka yeꞌkihugo, ngashubi mùgalulira i Yerusaleemu. Mukuba, haaho ho nꞌgatoola kwo ngizi yikumbirwa.”

Yeremiya 10:22

Yuvwagwi! Umwazi gwayija! Abasirikaani ukulyoka imbembe, bayiji teera utwaya tweꞌBuyuda. Yutwo twaya, bagatusiga ishamba limaata, linabe igomberano lyeꞌmirunga!»

Yeremiya 13:20

«E bandu beꞌYerusaleemu, mulegamire, mulangiize bwija. Si abagoma biinyu bakola mu yija, ukulyoka uluhande lweꞌmbembe. Balya bandu bo Rurema akamùsikiiriza mbu mukizi balanga, mwanakizi yiyuvwa hiꞌgulu lyabo, buno balyagagi hayi?

Yeremiya 25:32

Nahano woꞌbushobozi bwoshi, anashubi detaga kwokuno: «Inguuke zigakizi libuza abandu mu ngiisi mulala. Ziganayija nga kihuhuuta ukulyokera heꞌkihugo kihekiiri.»

Yeremiya 25:9

ngahamagala ibinyamahanga íbiri imbembe, kiri noꞌmukozi wani Nebukandeneza, mwami weꞌBabeeri. Yabo booshi, ngabaleeta bayiji teera kino kihugo kyeꞌBuyuda, kuguma naꞌbatuulaga baamwo, kiri na ábatuuziri ha butambi liinyu. Mweshi kuguma, ngamùzimiiza. Neꞌbihugo biinyu, binasigale mushaka, halinde imyaka neꞌmyakuula. Kwokwo, abandu bagashenguka hiꞌgulu liinyu, banakizi mùnegura.

Yeremiya 30:5

«Keera tukayuvwa ngiisi kwo mugweti mugabanda akashiba, ku kyoba. Mukoli humiirwi. Noꞌmutuula, ndaagwo!

Yeremiya 4:16

Yago magambo, ugakengule ibinyamahanga, kiri naꞌbandu beꞌYerusaleemu. Ee! Ibinyamahanga bikolaga bigayiji tuteera. Bigweti bigabanda induulu, mu kushomboroza izibo mu twaya tweꞌBuyuda.

Yeremiya 4:6

Mushonie irembera i Sayuni, likizi yereka abandu ngiisi ho bagalenga. Mutaki vwebeebe, si mutibitage. Nahano akolaga agalyosa ikihano uluhande lweꞌmbembe. Yikyo kihano, igaaba nguuke yoꞌkushereeza ngana-ngana!

Yeremiya 47:2

«Abagoma bakola mu kuumana uluhande lweꞌmbembe. Bali ngoꞌlwiji úlukoli heemiri. Bagaaba ngoꞌlwiji úlugweti lugasavya ngana-ngana! Bagalenga mu ngiisi kaaya, banakumbulule íbiri mu kihugo byoshi. Abandu bagakizi yidehereza mu nduulu, ikihugo kyoshi kinayijule ikimombo.

Yeremiya 5:15

Nahano adetaga kwokuno: «E Bahisiraheeri, munyuvwirize. Ngola ngaleeta ibinyamahanga, gira biyiji mùteera. Yabo bandu, ikihugo kyabo kyâli yamiri ho ukulyokera kare. Neꞌndeto yabo, mutangagimenya. Ngiisi byo bali mu ganuula, mutagakizi biyuvwa.

Yeremiya 5:16

Yabo booshi bali bikalage byaꞌbasirikaani. Ikyanya bali mu lasha imyambi, abandu bingi bali mu yami fwa.

Yeremiya 6:1

«E beene Binyamiini, mutibitage! Si ikiteero kikola mu lyoka uluhande lweꞌmbembe, munakola mugashereezibwa lwoshi! Mulyokage i Yerusaleemu, muhunge. Mulakize ibibuga mu kaaya keꞌTekowa. Munashonie irembera mu keꞌBeeti-Hakeremu, gira likizi kengula abandu.

Hezekyeri 21:31

«Nie Rurema Nahamwinyu nadetaga kwokuno: Umulondo gwawe gwoꞌkusoosa kwiꞌtwe, noꞌlushembe lwawe lweꞌkyami, bagakuhogola byo. Mukuba byoshi bigahinduka. Ngiisi ábashuba bakulu, bakola bagabiikwa haashi. Na ábashuba bagunda, bo bakola bagakuzibwa!

Hezekyeri 23:22

«Ku yukwo, nie Rurema Nahamwinyu nadetaga kwokuno: Balya bashosi baawe bakundwa, ukoli banenuusiri. Kwokwo buno, ngolaga ngabaraakaza, banayiji kuteera imbande zooshi.

Habakuki 1:6

Ngola ngashimya Abababeeri, kwo bali bandu bazira kimino, banateeziri ikyoba. Bagweti bagalenga-lenga mu mahanga gooshi, iri banagaaza ibihugo bya beene.

Bukengeeze 28:49

«Nahano agaashimya ibinyamahanga ukulyoka hala, ku mbeka yeꞌkihugo. Yabo bandu, mutayiji indeto yabo. Banayiji mùtibukira kwo, nga kwo nyunda ali mu yivwima ku mutumba.