Yeremiya 6:2 - Kifuliiru

² E kaaya keꞌSayuni, kundu uli nga munyere úsimisiizi, unanonosiri, haliko ngola ngakushereeza.

Yeremiya 6:2 ပူးပေါင်းရင်းမြစ်များ

Hisaaya 1:8

Kalya kaaya keꞌSayuni, kakoli sokaniinwi naꞌbagoma. Kakoli sizirwi nga kitunda kyoꞌmushaka mu ndalo yeꞌmizabibu, kandi iri mu yeꞌngukuma.

Yeremiya 4:31

Nyuvwiti akaamyo, nga koꞌmukazi úgweti úgaabuta ulubuta lwa mbere. Kiziga i Yerusaleemu yonyene, ye gweti igahemagira-hemagira! Akola mu lambuula amaboko, iri anatakira Rurema kwokuno: «Ala nie! Si abahulula bano, bakoli nyita!»

Kimombo 2:1

Lolagi! Nahano akoli rakiiri, keera anateeza abandu beꞌYerusaleemu ishoni. Kundu ubulangashane bwabo bwâli hikiiri mwiꞌgulu, halikago, keera akabutibula haashi mu kihugo. Kiri neꞌnyumba yage, ikyanya âli koli rakiiri, atanagikejeerera, si akagiyibagira.

Kimombo 2:13

E Yerusaleemu! Kuti kwo nangaki deta hiꞌgulu lyawe? Si ndaakyo nangakushushaania! E kaaya keꞌSayuni! Kutagi kwo ngalonga ukukuholeeza? Nga kweꞌnyaaja iyisiri bweneene, kwo na kwokwo naawe ukoli sherebiiri ngana-ngana, ndaanaye úwangaki kukiza.

Kimombo 4:5

Yaho kare, balya bandu baawe bâli kizi yambala imirondo yoꞌmulimbo, banâli kizi lya ibyokulya binunu-binunu. Halikago zeene, bakoli shalisiri mu njira, banakola mu genda bagalooza ibyokulya i matongo.

Bukengeeze 28:56

«Umukazi naye, angaba ayamiri ali mutuudu mu kati kiinyu, anabe weꞌkimino, anabe anonosiri bweneene, halinde atangaki fina kwiꞌdaho. Halikago agashomba yiba ye bali mu laalanwa, kiri noꞌmwana ye akayibutira, aba mutabana, kandi iri munyere. Agahikiira ukuyima umwana ye alaala abuta. Na ku kyanya abagoma biinyu bagaaba bagweti bagamùyogogoza mu twaya twinyu, mugateerwa noꞌmwena. Kyo kitumiri uyo mukazi agayifwija ukubisha abaana baage, gira akizi balya yenyene.