Yeremiya 52:27 - Kifuliiru

²⁷ Yeyo munda i Ribila mu kihugo kyeꞌHamaati, mwami anayami bayita booshi. Kwokwo kwaꞌbandu beꞌBuyuda bakatwalwa imbohe, hala neꞌkihugo kyabo.

Yeremiya 52:27 ပူးပေါင်းရင်းမြစ်များ

2 Samweri 8:9

Mwami Tohi weꞌHamaati, ikyanya akabwirwa kwo mwami Dahudi keera ahima mwami Hadadezeeri,

2 Baami 17:20

Iri hakatama, Nahano analahira beene Hisiraheeri lwoshi-lwoshi, anabahana, mu kubabiika mu maboko gaꞌbashahuzi, anabayimula lwoshi imbere lyage.

2 Baami 17:23

Iri hakatama, Nahano anabayimula imbere lyage, nga kwo âli mali gwanwa abakengula ku njira yaꞌbaleevi, abakozi baage. Ku yukwo, balya Bahisiraheeri bakashaazibwa mu kihugo kyabo, banatwalwa imbohe halinde mu mahanga geꞌHasuriya. Inali yo munda baki sigiiri halinde zeene.

2 Baami 23:27

Kyanatuma Nahano agaadeta kwokuno: «Yabo Bayuda, ngabayimula imbere lyani, nga kwo nꞌgayimula Abahisiraheeri. Ngalahira akaaya keꞌYerusaleemu, kundu nâli mali katoola. Kiri neꞌno nyumba yani, ngagilahira, kundu nꞌgadeta, ti: “Mwomwo, mwiꞌziina lyani ligayama.”»

Hisaaya 24:3

Ikihugo kigashereezibwa, kishahulwe lwoshi-lwoshi. Kwokwo, kwo Nahano adesiri.

Hisaaya 27:10

Tulya twaya twaꞌBahisiraheeri, kundu twâli tuzitire leero tugasigala biguuka. Tuganajandwa ngana, halinde tunabe ngiꞌshamba. Ingaavu naaho, zo zigakizi vyagira mwo, zinakizi liisa ibyasi bya mu matavi.

Hisaaya 43:28

Ku yukwo, kundu nꞌgataluulaga abagingi biinyu, ngola ngabateeza ishoni. Ngola ngaaleka Abahisiraheeri, beene Yakobo, bakizi tukwa. Ngaaleka bashereezibwe lwoshi-lwoshi.»

Yeremiya 13:19

Utwaya útuli mwiꞌshamba lyeꞌkisaka, inyiivi zaatwo zikahamikwa, ndaanaye úwangashubi ziyigula. Abayuda booshi-booshi bakatwalwa imbohe, ndaanaye úkasigala.”»

Yeremiya 20:4

«Nahano akubwiraga kwokuno: “Ukola ugakizi huumirwa, mwe naꞌbiira baawe booshi. Ikyanya mugaaba muli mwiꞌzibo, yabo biira baawe baꞌBayuda bagaminikwa mu masu gaawe ku ngooti. Na ábagasigala, ngabatanga booshi mu maboko ga mwami weꞌBabeeri. Uyo mwami, anabatwale imbohe i Babeeri, anagendi basivya neꞌngooti.

Yeremiya 21:7

«Nie Nahano nadeta na kwokuno: E mwami Zedekiya! Kundu uli kuguma naꞌbandi batwali beꞌBuyuda, naꞌbandi bandu baawe, halikago ngakubiika mu maboko ga mwami Nebukandeneza weꞌBabeeri. Yabo booshi, kundu bangafuushuka mu kirya kiija, niꞌzibo, niꞌshali, haliko ulya Nebukandeneza, ndaazo ndengeerwa zo agabayuvwirwa, mbu abakejeerere. Aahabi! Si agayami bayilala mwo, gira abayite.

Yeremiya 39:10

Haliko, mu kihugo kyeꞌBuyuda, mwanasigala banakahuku, gira bakizi lima indalo zeꞌmizabibu, neꞌzindi ndalo.

Yeremiya 39:9

Iri hakatama, Nebuzaradani, umukulu waꞌbasirikaani beꞌBabeeri, anayabiira abandu ábâli sigiiri mu kaaya, kiri na ábâli yitaaziri boonyene imwa mwami weꞌBabeeri, anabatwala imbohe.

Yeremiya 52:9

Yabo Bababeeri, ikyanya bakagwata mwami Zedekiya, banamútwala imunda mwami wabo i Ribila, mu kihugo kyeꞌHamaati. Haaho, ho mwami Nebukandeneza akatwira Zedekiya ulubaaja.

Hezekyeri 33:28

Yikyo kihugo, ngakihindula libe ishamba limaata. Noꞌbushobozi bwo bâli kizi yikangaata mwo, bugaamala. Imigazi yeꞌHisiraheeri, igaashaka, ndaanaye mundu úgagilenga mwo.

Mika 4:10

E batuulaga beꞌYerusaleemu! Mugenderere noꞌkugongeera, iri munabululuka nga mukazi úkola mu liibwa noꞌmukero. Si mukola mugashaagaga mu kano kaaya, munagendi tuula mu mbinga. Ee! Mukola mugatwalwa hala, i Babeeri. Halikago mango muba mukola iyo munda, Nahano agayiji mùkiza, anamùguluule mu maboko gaꞌbagoma biinyu.

Bukengeeze 28:36

«Mwe na mwami ye mugayimika, Nahano agamùtwala mweshi i mahanga. Yago mahanga, mutagayiji. Kiri na bashokuluza biinyu nabo, batagayiji. Haaho, mugakizi yikumba imigisi, kundu ikabaajwa mu biti, na mu mabuye.

Bukengeeze 28:64

«Nahano agamùshabulira mu mahanga mingi, ukushaagira heꞌkihugo kitonderiiri, halinde ukuhisa ho kihekiiri. Mu yago mahanga, mugakizi hoza imizimu yo mutayiji, na yo bashokuluza biinyu nabo batakamenya. Iyo mizimu inali migisi íkabaajwa mu biti, kandi iri mu mabuye.

Bukengeeze 4:26

«Ngweti ngamùkengula. Mweshi, kundu mugagendi hyana ikihugo íkiri i kajabo koꞌlwiji Yorodaani, haliko mugashubi shaazibwa mwo. Mutagaahisa isiku nyingi, mukirambiri mwo. Si mugaminikwa mweshi. Igulu neꞌkihugo bigambeera tumasi.