Yeremiya 51:58 - Kifuliiru

⁵⁸ Nahano woꞌbushobozi bwoshi, ashubi detaga kwokuno: «Yabo Bababeeri, kundu inzitiro zaabo ziryagagi mbamu, haliko zooshi zigaki hongolerwa haashi, neꞌnyiivi zaabo, nazo zinasingoolwe lwoshi! Ehee! Kundu abandu beꞌbihugo bingi, bâli kizi kayubaka mwo, keera bahomba. Kundu bâli kizi kayiluhya kwo, haliko, kagasingoolwa naaho.»

Yeremiya 51:58 ပူးပေါင်းရင်းမြစ်များ

Zaburi 127:1

Ulwimbo lwa Sulumaani. Luli mu yimbwa na ábali mu zamuukira i Yerusaleemu. Nahano, iri angaba atali ye mu yubaka inyumba, abuubasi bagaaba bayiluhiza ubusha. Nahano, iri angaba atali ye mu langa akaaya, abalaliizi baako bagaaba balaliiri ubusha.

Hisaaya 13:2

Mushingage irembera ku mugazi úguyanuusiri! Mukoobeze abasirikaani, gira bagendi teera akaaya keꞌBabeeri. Mukuba, yabo Bababeeri, kundu abatwali baabo baki gweti bagayikangaata, haliko, abagoma bagayifunda mu kaaya kaabo.

Hisaaya 47:13

Abandi, ikyanya bâli kizi kuhanuusa-hanuusa, wanayami luha! Aahago! Balya banabwenge beꞌndonde, babe bo bagakuyegeera, gira bakukize! Ee! Bagirage bakizi langiiza indonde, banakulagule íbigaakuba kwo mu ngiisi mwezi, banakufuuse mu kati kaabyo.

Hisaaya 65:23

Imikolwa yabo itâye ki fwagage ubusha. Naꞌbaana baabo batâye ki longe ubuhanya. Abandu baani booshi, Nahano agakizi bagashaanira. Kiri naꞌbaana baabo, kwo na kwokwo.

Yeremiya 50:15

Mubandage akashiba ngiisi luhande! Lolagi! Balya Bababeeri keera bakayibiika mu maboko gaꞌbagoma. Inzitiro zaabo zooshi, keera zikayihongoleka haashi. Balya bandu, Nahano keera akabahaniiriza, nga ngiisi kwo bibakwiriiri. Aaho! Muyihoolage! Ngiisi kwo bakagira abandi, kube kwo na niinyu mugabagira.

Yeremiya 51:30

Abasirikaani beꞌBabeeri batakiri mu lwa. Si bakoli sigiiri mu nyumba zaabo nzitire. Ubuhagarusi bwabo bwamala, banakolaga booba nga bakazi. Inyumba zaabo zikola mu singoolwa. Neꞌnyiivi zaꞌkaaya zikola mu hongolwa.

Yeremiya 51:44

«Gulya mugisi Beeri gweꞌBabeeri, ngaguhaniiriza. Ngiisi byo gwâli kizi mira-mira, gugabishala. Ibinyamahanga bitanâye ki guyijire. Kiri neꞌnzitiro zeꞌBabeeri, zigahongoka.

Yeremiya 51:64

unababwire kwokuno: “Ikihugo kyeꞌBabeeri, kigaazika kuguma naꞌbandu baamwo, kitanâye ki shubi yulubuka. Mukuba ubuhanya bwo ngakileetera, bugaaba buhamu ngana-ngana!”» Amagambo ga Yeremiya, hano ho gamaliiri.

Yeremiya 51:9

Ibinyamahanga byanashuvya: «Tukagira mbu tukize i Babeeri, haliko shoobe! Muleke, tuyigendere, ngiisi muguma mu kihugo kyabo. Si Abababeeri, ibihano byabo bikoli luziri bweneene, binahisiri mu kibungu!»

Yeremiya 9:5

E Yeremiya! Ukoli tuuziri mu banabibeesha, banalahiiri ukummenya nga ngiisi kwo ndi.» Kwokwo, kwo Nahano adesiri.

Kimombo 5:5

Ikyanya bali mu tukoleesa ku kahaati, tuli mu himbuka. Na kundu twangagagara, tutahangwirwi ukuluhuuka.

Habakuki 2:13

Kundu kwokwo, Nahano woꞌbushobozi bwoshi keera akalagaania kwo ngiisi byaꞌbandu bali mu himbuukira kwo, bigaki herera mu muliro. Haliibwi! Si yabo bandu bagweti bagayitubanulira ubusha!